ҶАББОР РАСУЛОВ: ВОХӮРӢ БО СОКИНОНИ ДЕҲАИ ЗАРАФШОН

Тибқи нақшаи алоҳидаи Кумитаи иҷроияи ҲХДТ дар ноҳияи Ҷаббор Расулов раиси КИ ҲХДТ дар ноҳия Одилзода Рустам дар деҳаи наздисарҳадии «Зарафшон» воқеъ дар Ҷамоати деҳоти Сомониён бо сонинони деҳа ва хонандагони синфҳои болоии МТМУ №37 ва МТМУ №38 вохӯрӣ баргузор намуд. Мавсуф дар баромади худ дар бораи дӯсту бародарона зистан ва муносибати дӯстона намудан бо мардуми давлати ҳамсоя, қадр кардани дастовардҳои даврони Истиқлолияти давлатии Ҷумҳурии Тоҷикистон, таъмини иҷроиши Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, риоя намудан ба гигиенаи шахсӣ, самаранок истифода намудани замин ва рӯёнидани ду-се ҳосил дар як мавсум суханронӣ намуд.