Истаравшан:Маҳфили илмӣ-адабӣ

Бо ибтикори КИ ҲХДТ дар шаҳри Истаравшан бахшида ба Рӯзи забони давлатӣ дар литсейи касбӣ-техникӣ маҳфили илмӣ-адабӣ баргузор гардид. Ҷамъомадро бо сухани муқаддимавӣ муовини директор оид ба корҳои тарбиявии литсей Воҳидова Мусаллама ҳусни оғоз бахшид. Сипас сармуҳаррири нашрияи “Афкори халқ” М.Абдуваҳҳобова дар мавзӯи “Забон ҳастии миллат” маърӯза кард. Дар ҷамъомад толибилмони литсей дар васфи забони тоҷикӣ гуфтаҳои бузургон ва шеърҳои шоиронро қироат намуданд.