Тибқи нақшаи чорабиниҳои Кумитаи иҷроияи Ҳизби Халқии Демократии Тоҷикистон дар ноҳияи Мастчоҳ мудири шуъбаи кор бо занони кумиҷроияи ноҳиявӣ Мунира Ашӯрова оилаҳои аввалин раиси кумиҷроия шодравон Саидсуҳроб Ҳусейнов ва собиқ раиси кумиҷроия марҳум Тоҷиддин Ниёзовро аёдат намуда, ба муносибати 28-солагии ҲХДТ табрик гуфт.
Мунира Ашӯрова зимни суҳбати самимӣ аз нақши шодравонҳо Саидсуҳроб Ҳусейнов ва Тоҷиддин Ниёзов дар густариши нуфузи ҳизб ва татбиқи ҳадафҳои барномавии он ёдоварӣ намуда, таъкид кард, ки ному корномаи онҳо дар дилу ёди ҳамсафон ва аҳли диёр боқист.