Дирӯз, 24 сентябри соли ҷорӣ дар Қасри фарҳанги Ҷамоати шаҳраки Бӯстони ноҳияи Мастчоҳ вохӯрии раиси КИ ҲХДТ дар вилояти Суғд –Исмоилзода Зуфар Муртазохон бо аъзои ТҶҶ “Созандагони ватан” ва сокинони ҷамоат баргузор гардид, ки дар он муовини раиси ноҳияи Мастчоҳ – Муллосоқӣ Атовуллозода, раиси кумиҷроияи ноҳиявии ҳизб – Дилшод Зокиров, Шӯҳрат Санидзода – номзади илмҳои сиёсатшиносии Донишгоҳи давлатии ҳуқуқ биснес ва сиёсати Тоҷикистон ва Шуҷоат Ҳасановна – собиқадори ҳизб иштирок доштанд.
Муллосоқӣ Атовуллозода – муовини якуми раиси ноҳияи Мастчоҳ чорабиниро ифтитоҳ намуда, мақсаду муҳтавони онро шарҳ дод.
Зуфар Исмоилзода – раиси КИ ҲХДТ дар вилояти Суғд доир ба вазъи кунунии ҳамсоякишвари ба мо дӯст – Афғонистон ва ҷанбаҳои печидаву мураккаби он ибрози назар намуда, мардумро ба сарҷамъиву муттаҳидӣ ва пос доштани якпорчагии кишвари азизмон – Тоҷикистон даъват кард.
Имрӯзҳо Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон дар ҳар баромадҳою вохӯриҳояшон бо фаъолону мансабдорони кишвари азизамон ва сарварони дигар кишварҳо доир ба вазъи имрӯзаи Афғонистон ва шиканҷаву қатлу куштори Толибони ифротӣ ба мардуми Панҷшеру дигар манотиқи ҳамсоякишварамон суханронӣ мекунанд ва қотеона аз барои барпо намудани ҳукумати ҳамашумулро дар ин кишвари ҷангзада хоҳонанд. Мо низ бояд дар паҳлуи Пешвои муаззами миллат истода, ҳамчунон баҳри посдории якпорчагии кишварамон низ саҳмгзор бошем, – гуфт Зуфар Исмоилзода.
Шуҷоат Ҳасановна – собиқадори ҲХДТ доир ба саҳми ҷавонон дар 30 соли истиқлолият ва ҷавонон нерӯи пешбарандаи ҷомеаи солим маърӯза кард.
Исмоил Сангинзода – номзади илмҳои сиёсатшиносии Донишгоҳи давлатии ҳуқуқ биснес ва сиёсати Тоҷикистон дар мавзӯи террорзм ва экстремизм – вабои аср, ва ҳар гуна хушунатҳои ҷанбаҳои ифротгароидошта, нагаравидани ҷавонон ба ҳар гуна ҳизбу ҳаракатҳои дорои ифротидошта суханронӣ намуд.