Рубрики
Асосӣ

ХУҶАНД: БАРГУЗОРИИ МУСОБИҚАИ ФУТБОЛИ ХУРД БАХШИДА БА 28 -СОЛАГИИ ТАЪСИСЁБИИ ҲИЗБИ ХАЛҚИИ ДЕМОКРАТИИ ТОҶИКИСТОН

Намуди варзишии футбол миллионҳо мухлисонро ба ҳам овардааст. Дар ақсои олам футбол чун намуди варзишии рақами як маҳсуб шуда, он рамзи дӯстиву баҳамоии халқиятҳои маскуни ҷаҳон гардидааст. Дар кишвари мо низ ба рушди футбол аҳамияти хосса дода мешавад. Баргузории даҳҳо мусобиқаҳо бозгӯи маҳбубияти хоссаро пайдо кардани футбол мебошад.

 Бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Хуҷанд дар ҳамкорӣ бо Ҷамъияти дорои масъулияташ маҳдуди корхонаи муштараки “Ҷавонӣ” дар остонаи 28 – умин солгарди таъсисёбии Ҳизби Халқии Демократии Тоҷикистон байни аъзоёни ҲХДТ дар ташкилотҳои ибтидоии ҳизбии “Ҷавонӣ”, “Тандурустӣ”, “Мадад ва кормандони ширкати “Тсел” мусобиқаи футболи хурд оѓоз гардид.

Чорабинии мазкур дар доираи баргузории чорабиниҳо бахшида таҷлили 28-солагии таъсисёбии Ҳизби Халқии Демократии Тоҷикистон доир шуда, ҳадафи аслиаш баланд бардоштани завқи худшиносии миллӣ, тараннуми тарзи ҳаёти солим, дӯст доштани варзиш, густариш додани муносибати дӯстии байни маҳаллу корхонаҳо, рушди намуди варзиши футбол ва татбиқи Барномаҳои давлатии рушди футбол мебошад.

Дар расми оѓози мусобиқаи мазкур раиси Кумитаи иҷроияи ҲХДТ дар шаҳри Хуҷанд Исматҷонов Бахтиёр Ҳусейнович ширкат варзида, таъкид дошт, ки варзиш – гарави саломатӣ ва саломатии миллат шарти муҳимтарини бақои имрӯзу фардои давлат мебошад. Бояд гуфт, ки ҳар чӣ қадар мо ба рушди соҳаи варзиш шароит фароҳам оварем, ҳамон қадар насли ҷавонро аз амалҳои номатлуб, ба монанди нашъамандиву нашъаҷаллобӣ, аъзо шудан ба гурӯҳҳои экстремистию ифротгаро ва ғайра наҷот мебахшем.

Мусобиқаи варзиш то 17 декабри соли равон давом карда, ѓолибон бо мукофотҳои пулӣ, диплом ва туҳфаҳо қадршиносӣ карда мешаванд.

Добавить комментарий

Ваш адрес email не будет опубликован. Обязательные поля помечены *