ПАНҶАКЕНТ: Ҷаласаи ҷамъбастӣ Субҳи имрӯз ҷаласаи чамъбастии фаъолияти шуъбаҳои таблиғот ва иттилоот, занон, ҷавонон ва Собиқадорони ҲХДТ дар шаҳри Панҷакент барои соли 2022 баргузор гардид. Ҷаласаи мазкур бо иштироки занону бонувон, ҷавонони фаъол, омӯзгорони ДОТ дар шаҳри Панҷакент, Коллеҷи тиббӣ, Коллеҷи омӯзгорӣ ва Собиқадорони ҳизб доир гардид. Сараввал Раиси КИ ҲХДТ дар шаҳри Панҷакент, узви Маҷлиси миллии Маҷлиси Олии Ҷумҳурии Тоҷикистон Мурод Шукурзода сухани ифтитоҳӣ ҷаласаро оғоз намуда, қайд кард, ки Кумитаи иҷроияи Ҳизби Халқии Демократии Тоҷикистон дар шаҳри Панҷакент тибқи нақшаи кории худ дар соли 2023 бо мақсади натиҷагирӣ аз фаъолияти шуъбаҳои таблиғот ва иттилоот, занон ва ҷавонон дар соли 2022, мусоидат барои боз ҳам беҳтар гардидани фаъолияти шуъбаҳои зикршуда, ки блоки идеологии ҳизбро ташкил медиҳанд, тасмим гирифт ҷаласаи алоҳидаро баргузор намояд. Ҳамзамон, барои ҷамъбаст ва натиҷагирии соли сипаригашта мудири шуъбаи таблиғот ва иттилооти кумиҷроияи ҲХДТ дар шаҳри Панҷакент Мутрибов Алишер мудири шуъбаи занон Тоҷиева Мавлуда ва мудири шуъбаи ҷавонон, роҳбари намояндагии ТҶҶ ” Созандагони Ватан ” Ҷалолов Қобилҷон баромадҳои пурмӯҳтаво намуданд. Сипас, раиси Шӯрои собиқадорони ДОТ дар шаҳри Панҷакент Сироҷзода Фотима музокира намуда, оид ба фаъолияти ибратбахши шӯъбаҳои номбурда дар соли 2022 ақида ронд. Мурод Шукурзода андешаҳои худро пиромуни фаъолияти шӯъбаҳо баён намуда, дастуру супоришҳои хешро баҳри дар амал татбиқ намудани ҳадафҳои неку созандаи Ҳизби Халқии Демократии Тоҷикистон дар соли 2023 ироа кард. Қайд намуд, ки шӯъбаи тарғиботро заруст дар соли 2023 двр байни мардум мулоқотҳоро зиёд намуда, ҷавононро аз гаравиш ба ҳизбу ҳаракатҳои ифротгаро, пешгирии падидаҳои номатлуб, ҷавоб додан ба маводҳои ғаразнок дар сомонаҳо корбарӣ намояд. Шуъбаи занонро мебояд дар соли 2023 дар байни бонувону занони шаҳру деҳоти Панҷакент вохӯриву мулоқотҳоро ҷоннок намуда, оид ба масъалаҳои пешгирии хушунат дар оила, ҷудошавии оилаҳои ҷавон, ҷалби занон ба сафи ҳизб, ҷалби духтарон ба зинаи сеюми таҳсилот ва дигар масъалаҳои муҳим ҷораҷӯи намояд. Ба шуъбаи кор бо ҷавонон, роҳбари намояндагии ТҶҶ ” Созандагони Ватан” супориш дода шуд, ки пайваста дар байни ҷавонон мусобиқаҳои варзишӣ ба ғайр аз футбол, боз ба дигар намуди варзиш таваҷҷӯҳ намуда, ҷавононро бо ҳамин самт аз роҳи шомилшави ҷавонон ба ҳизбу ҳаракатҳои ифротгаро дур намояд ва иштироки онҳоро дар озмунҳои гуногуни шаҳри, вилоятӣ ва ҷумҳурияви корбарӣ менамояд. Бо сухани ҷамъбастии раиси Кумитаи иҷроияи ҲХДТ дар шаҳри Панҷакент Шукурзода Мурод Ҷӯра ҷаласаи чамъбастии фаъолияти шуъбаҳои таблиғот ва иттилоот, занон, ҷавонон ва Собиқадорони ҳизб барои соли 2022 ҳусни анҷом ёфт . Дар интиҳои маҷлис ба як гурӯҳ фаъолони ҳизб, ҷавонон, занон ва Собиқадорони ҳизб Сипосномаи Кумитаи иҷрои ва ба 7- нафар ҷавонони фаъол Шаҳодатномаҳои ҳизбӣ дар вазъияти тантанавӣ супорида шуд. Дафтари матбуоти Кумитаи иҷроияи ҲХДТ дар шаҳри Панҷакент