Рубрики
Last News

ВАТАНДОРӢ ЯК ГӮШАИ ИМОН АСТ

(Гузориш аз сафари хотирмони ҳизбиёни вилоят аз деҳаи дурдасти Ворух)

Бо мақсади ошноӣ аз ҷараёни ободкорию созандагӣ, мулоқоти рӯ ба рӯ бо аҳли заҳмат ва боздид аз иншоотҳои сохташавандаи яке аз ҷамоатҳои деҳоти дурдасти кишвар – Ворух дар ҳошияи 1300 рӯзи зарбдор ба истиқболи 30 – солагии Истиқлолияти давлатии Ҷумҳурии Тоҷикистон дар пайравӣ аз иқдомҳои наҷибу созандаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ва талошу корбариҳои муваффақонаи Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон муҳтарам Раҷаббой Аҳмадзода гурӯҳи калони ҳизбиёни вилоят таҳти роҳбарии раиси Кумитаи иҷроияи ҲХДТ дар вилояти Суғд Исмоилзода Зуфар Муртазохон озими ин минтақаи зебои диёр гардиданд.

Дар саргаҳи ин деҳаи зебоманзар аҳли ҳизбиёнро адибони номвари ин диёр, узви иттиҳоди нависандагони Тоҷикистон, журналисти варзида Додохони Эгамзод ва шоири ширинкалом Назруллои Азизиён ва як гурӯҳ ҷавони фаъоли ворухӣ, ки тариқи ҳашар бо кофтани ҷӯйбор ба яке аз маҳалаҳҳои “Сангтӯда” об меоварданд, бо хушнудӣ пешвоз гирифтанд.

Муҳаммадҷон Раупов яке аз ҷавонони фаъол зимни суҳбат бо меҳмонон иброз дошт, ки маҳз таваҷҷуҳи рӯзафзуни давлат ва Ҳукумат, шахсан Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон аст, ки мо ҷавонон тасмим гирифтем, ки бо хоҳиши худ ба ҳашари умумихалқӣ баромада, бо дастовезҳои арзанда ҷашни умумимиллиро сазовор пешвоз гирем. Руҳияи мо шикастнопазир аст. Аҳли деҳ, хосса мо – ҷавонон эътимоди комил дорем, ки Ворух як пораи замини зархези Тоҷикистон аст ва он ба ҳеҷ ваҷҳ сарбаставу танҳо намемонад. Ташрифи ба наздикӣ ба вуқӯъмеомадаи Пешвои муаззами миллат ба рӯҳу равони мо таъсири хушоянд гузоштааст.

Воқеан аз чеҳраи хурду бузурги аҳли деҳа, ки дар ин макон машғули меҳнати босамаранд, аён буд, ки онҳо ба хоку обу Ватан ва ба диёри худ муҳаббати беинтиҳо доранд.

Аъзои фаъоли ҲХДТ-ро, ки иборат аз кормандони дастгоҳи кумиҷроияи вилоятӣ ва раисони кумитаҳои иҷроияи шаҳру навоҳии вилоят буданд, ҷараёни сохтмони муассисаи таҳсилоти миёнаи умумии №74 дар маҳаллаи “Сангтӯда” идома дорад, хеле муаассир кард. Дар ин иншооти бузург, ки пас аз мавриди истифода қарор гирифтанаш 720 хонанда дар ду баст ба таълиму тарбия фаро гирифта мешавад, наздики 220 нафар сохтмончиён ба таври шабонарӯзӣ фаъолият мебаранд. Тавре дар суҳбат сардори шуъбаи сохтмони асосии вилоят Маъруф Муҳаммадзода иброз доштанд, муассисаи таълимӣ бо харҷи 12 миллион сомонӣ аз ҳисоби буҷети мақомоти иҷроияи ҳокимияти давлатии вилояти Суғд сохта шуда истодаат. Дар ин ҷо ҳизбиёни вилоят дар хокпӯш намудани атрофи бинои муассиса ба сохтмончиён кӯмак намуда, бо онҳо суҳбати гарму самимӣ оростанд. Бародарон Абдуқодир ва Аъзамҷон Расуловҳо аз ҷамоати деҳоти Хистеварзи ноҳияи Бобоҷон Ғафуров, ки наздик ба як моҳ ин ҷо дар корҳои сохтмонӣ фаъолият доранд, зимни сӯҳбат қайд карданд, ки маҳз ҳунари сохтмончӣ буданашон онҳоро мехӯронаду мепӯшонанд. Ба гуфтаи онҳо новобаста аз он, ки имрӯз дастрасӣ ба шуғли доимӣ ба баъзе ҷавонон баҳона аст, онҳо дар як моҳ дар иншоот соҳиби 2- 3 ҳазор сомонӣ маош гардида, талаботи хонаводагиашонро пурра таъмин мекунанд. Воқеан меҳнат калиди бахт ва мояи ҳаёти омоиштаи ҳар як нафар хоҳад буд. Ба сохтмончиён як миқдор анвои хӯрданӣ эҳдо карда шуда, барои хӯроки нисфирӯзиашон аз ҷониби ҳизбиён оши палов омода карда шуд.

Дар идомаи боздид гурӯҳи корӣ аз ҷараёни сохтмони Ротаи 5 –уми таъиноти махсуси кӯҳии дастаи таъиноти махсуси милитсияи РВТМ ВКДТ дар вилояти Суғд дидан намуданд. Иттилоъ дода шуд, ки ин бинои муҳташами замонавӣ бо харҷи 3,5 миллион сомонӣ аз ҷониби мақомоти иҷроияи ҳокимияти давлатии вилояти Суғд мавриди баҳрабардорӣ қарор гирифта, алҳол сохтмони дохили бино пурра ба итмом расида, мукмфаршкунӣ ва хуррамгардонии атрофи бино идома дорад. Дар ин ҷо 85 нафар сохмончиёни ширкати сохтмони Исфара фаъолият доранд. Бо роҳбаладии муовини Вазири корҳои дохилии Ҷумҳурии Тоҷикистон Нозим Иброҳимзода ҳизбиён аз дохили бино дидан намуда, ба сохтмончиёну меъморон баҳои баланд доданд.

Дар идомаи сафар аҳли ҳизбиёни вилоят аз рафти корҳои саҳроӣ бригадаи рақами 3-и хоҷагии ҷамоавии “Ворух” дидан намуда, бо кишоварзон, ки аксаранро занон ташкил медиҳанд, суҳбату дидор анҷом доданд. Зимни мулоқот кишоварзон сипосмандии хешро ба роҳбарияти олии мамлакат расонида, зикр доштанд, ки маҳз таваҷҷуҳи рӯзафзуни Сарвари давлат аст, ки ҷамоати дурдасти Ворух ба як шаҳраки замонавӣ табдил ёфта истодааст ва бонувон бо хотири ҷамъ ва хушҳолӣ пайи меҳнатии ҳалоли кишоварзианд. Он рӯз ҳизбиёни вилоят дастҷамъона бо аҳли заҳмат дар шинонидани ниҳолони себи “Крепсон” ва “Пала” дар масоҳати 2,5 гектар боғи интенсивии хоҷагӣ ҳиссагузорӣ намуданд. Дар мулоқот кишоварзон аз он изҳори хушнудӣ намуданд, ки бо иқдоми Пешвои муаззами миллат соли равон кишоварзон аз андозаи ягонаи замин озод карда шуданд. Ин иқдом барои фаровонии молу маҳсулот, ғанӣ гардидани дастурхони мардум заминаи хубе хоҳад шуд.

Маркази фароғатию фарҳангии “Ширин”, ки дар даромадгоҳи деҳаи Ворух аз ҷониби соҳибкор ҳоҷӣ Абдуҷалил Савриддинов ва фарзонданаш сохта шуда истодааст, аз ҷумлаи зеботарин макони истироҳат ва фароғат минбаъд хоҳад шуд. Он бо харҷи 1 миллиону 800 ҳазор сомонӣ дар масоҳати ду гектар сохта шуда, иборат аз ду ҳавзи шиноварӣ, майдони хурди футбол, баскетбол, аттраксион ва дигар намудҳои дилхушкунанда барои наврасону кӯдакон иборат аст. Бо тавсияи бевоситаи Раиси вилоят муҳтарам Раҷаббой Аҳмадзода атрофи маҷмаа бо ниҳолони мевадеҳ ва ҳамешасабз оро дода шудааст. Соҳибкори муваффақ Сорбон Савриддинов фарзанди ҳоҷӣ Абдуҷалил Савриддинов, ки худ аъзои фаъоли ҲХДТ мебошад, ба дастгирии давлат ва ҳукумат нисбати рушди соҳибкории хурду миёна изҳори сипос намуд.

Дар идомаи сафар дар маркази ҷамоати деҳоти Ворух дар пояи Парчами давлатии Ҷумҳурии Тоҷикистон, ки алҳол сохтмонаш анҷом пазируфтааст, мулоқоти самимии аъзоёни ҲХДТ бо роҳбарияти шаҳри Исфара ва муовини аввали вилоят Хол Ҳайдар сурат гирифт. Махсусан ба меҳмонон дар болои кӯҳи балдандиаш наздик 500 метар насб кардани 7 парчами давлатии Ҷумҳурии Тоҷикистон, сабзу хуррамгардонии атрофи мавзеи Парчами миллӣ хеле писанд омад. Раиси кумитаи иҷроияи ҲХДТ дар вилояти Суғд Исмоилзода Зуфар Муртазохон дар суҳбат зикр дошт, ки тамоми ҳизбиёни вилоят омодаанд, дар ҳашари ниҳолшинонӣ ва гулкории ин деҳаи баландкӯҳ саҳмгир бошанд. Раиси шаҳри Исфара Баҳоваддинзода Баҳодур қайд сохт, ки дар давоми чор моҳи охир ҳусни маркази ҷамоати деҳоти Ворух куллан дигар шуд. Қомат афрохтани Маркази фарҳанг бо 400 ҷойи нишаст ва дар дохили он минбаъд фаъолият бурдани толорҳои ақди никоҳ ва ҳусн, дар шафати он бунёд шудани иншооти маданиву равшаннамоӣ аз қабили сехи дӯзандагӣ ва шириниҳо барои фароҳам овардани наздик ба 150 ҷойи корӣ замина мегузорад.

Тавре аз мушоҳидаҳо аён гардид мардуми сарбаланди Ворух бо руҳбаланди бузург ва шукрона аз тинҷиву амонии кишвар барои афзун намудани дастовардҳои меҳнатӣ саъю талоши тоза меварзанд. Онҳо хуб медонанд, ки Ватандорӣ як гӯшаи имон аст. Меҳр ба Ворух, меҳр ба Ватани аҷдодӣ, меҳр ба хоку оби диёр аст.

Рубрики
Last News

Корҳои тарғиботию ташвиқотӣ дар ноҳияи Ҷаббор Расулов

Тибқи нақша чорабинии Кумитаи иҷроияи Ҳизби Халқии Демократии Тоҷикистон дар ноҳияи Ҷаббор Расулов масъулини КИ ҲХДТ дар ноҳия бо мақсади пеш бурдани корҳои тарғиботию ташвиқотӣ ҷиҳати иҷрои барқияҳои КИ ҲХДТ дар вилояти Суғд аз 15.03.2021 таҳти №28 ва 16.03.2021 таҳти №32 вохӯрӣ баргузор намуданд.

Баромадкунандагон оид ба мазмуну муҳтавои Паёми Президенти Ҷумхурии Тоҷикистон ба Маҷлиси Олии Ҷумҳурии Тоҷикистон, дар бораи самтҳои асосии сиёсати дохилӣ ва хориҷии мамлакат, дар бораи озмуни ҷумҳуриявии «Фуруғи субҳи доноӣ китоб аст», пешгирии ифратгароиву терроризм, муайян кардани вазифаҳои шаҳрвандон, хоса ҷавонон дар самти мубориза бар зидди коррупсия, пешгирии ҷинояткорӣ дар байни ҷавонон, Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, ташкилёбии Артиши миллӣ ва ташаккулёбии чузъу томҳои он, шароити хизмати ҳарбӣ, қарзи фарзандии ҳар як ҷавонмард дар назди Модар-Ватан, ҳамчунин ҷиҳати пешгирии бемории сироятии COVID-19 суханронӣ намуданд.

Рубрики
Last News

“Фуруғи субҳи доноӣ китоб аст”

Дар асоси нақшаи чорабинии КИ ҲХДТ дар ноҳия бо иштироки омӯзгорони МТМУ №40 корҳои фаҳмондадиҳӣ ҷихати иҷрои Амри Президенти Ҷумҳурии Тоҷикистон аз 11.02.2021, №АП-43 дар бораи баргузории озмуни ҷумҳуриявии “Фуруғи субҳи доноӣ китоб аст” ва дар мавзӯъҳои «Пешгирии шомилшавии ҷавонон ба ҳар гуна ҳизбу ҳаракатҳои ифротӣ», пешгирии хушунат дар оила, пешгирии суиқасд ба ҷони худ, Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва «Дар бораи танзими анъана ва ҷашну маросим дар Ҷумҳурии Тоҷикистон» баргузор гардид.

Дар ин вохӯрӣ муовини раиси КИ ҲХДТ дар ноҳияи Ҷаббор Расулов Умарзода Б. иштирок ва суханронӣ намуд.

Рубрики
Last News

Ҷавонон-насли ояндасози миллат

Имрӯз гар ҷавонем дар орзуи фардо,

Имрӯзи мо ба номи фардо пур аз ҷавонист.

Бале, имрӯз ҷавонон ба ояндаи неки Ватан таҳкурсӣ мегузоранд, бо пиндору рафтор ва гуфтори нек, ки аз гузаштагони барӯмандамон ба мо мерос мондааст.

Воқеан, дар ҷомеае, ки пояҳои маънавиёт устувор аст, ҷавонон аз анъанаҳои милливу башарӣ баҳраманд мегарданд. Хоса, имрӯз, ки саду як манбаи иттилоот ба онҳо дастрас аст. Дар моварои ин иттилоот оё ҷавонони мо метавонанд истодагарӣ намоянд, сараро аз носара ҷудо созанд? Ин саволест, ки созмонҳои ҷавонон, аз ҷумла шӯъбаи кор бо ҷавонони Кумитаи иҷроияи ҲХДТ дар шаҳри Панҷакент, намояндагии ТҶҶ “Созандагони Ватан”- ро машғул медорад.

Дар ин самт мо бо ҷавонон зиёд кор мебарем, бо онҳо мулоқоту сӯҳбатҳо анҷом медиҳем. Ҷавонони зиёдеро чун ихтиёриёни ТҶҶ “Созандагони Ватан” ба чорабиниҳо, ҳамоишҳо ҷалб менамоем. Онҳо бо камоли майл дар ин корҳо иштирок меварзанд.

Баъзан меандешам, ки оё ин амри дилу нияти онҳо аст ва ё аз рӯи маҷбурият дар ин чорабиниҳо иштирок меварзанд? Ин пеш аз ҳама ба сатҳи омӯзишу парвариш ва маърифати онҳо вобаста аст. Агар мо, оила, мактаб, литсей, донишкадаю донишгоҳ тавониста бошем, ки қимату арзиши ватандӯстӣ, масъулият барои ояндаи ин ҷомеаро дар дили онҳо ҷой намоем, хуб аст, дар акси ҳол фиреби назаре беш нест.

Арафаи Рӯзи модарон мо хостем амалеро роҳандозӣ намоем. Субҳи барвақт ба бонувон- кормандони муассисаи манзили коммуналии шаҳр, ки ба тозаю тамиз кардани кӯчаҳои шаҳр мебароянд, аз номи Кумитаи иҷроияи ҳизб гулу тӯҳфаи идона тақдим намуда, онҳоро бо идашон табрик гӯем. Ба ихтиёриёни ТҶҶ “ Созандагони Ватан” муроҷиат кардем. Гуфтем иштирок ихтиёрӣ аст, касеро маҷбур намекунем. Хушбахтона, соати 6-и субҳ ҳамаи онҳо ҷамъ омаданд, бонувони тозакорро табрик гуфтем, ба онҳо дастёрӣ кардем. Сарашон ба осмон расид аз ин табрикоту гулу тӯҳфаҳо.

Ба назарам иштироки ҷавонон дар чорабиниҳо ҳамин гуна донистаю огоҳона сурат гирад, хуб асту ба дилу нияти онҳо созгор.

Ҳоло дар бораи ба ақоиди гуногуни ифротӣ ва хурофотӣ гаравидани ҷавонон бисёр мегӯянд. Агар мо ҷавононро хуб тарбия намоем, фарқи сиёҳу сафедро ба онҳо фаҳмонем, кӯлвори онҳоро бо донишу маърифат пур кунем, ҳеҷ гоҳ ба роҳи хато намераванд.

Ватан, забони модарӣ, ҳуввияти миллӣ, истиқлол арзишҳое ҳастанд, ки барои ҳар шахси худшинос арзиши баланд доранд ва мо талош мекунем ин арзишҳо барои наврасону ҷавонони мо низ азиз бошад.

Пешвои муаззами миллат аз ҷавонон ҳаминро мехоҳанд

Ман давоми рӯзгори рафтагонам,

Ман нишони одамони бенишонам.

Ман ба ҳар як аскари азёдрафта,

Ёдгори бегазанди ҷовидонам.

Ман ҷавонам, ман ҷавонам, ман ҷавон!

Қобилҷон Ҷалолов,

мудири шӯъбаи кор бо ҷавонони

КИ ҲХДТ дар шаҳри Панҷакент.

Рубрики
Last News

Боздид аз ташкилотҳои ибтидоии ҳизбӣ

Кумитаи иҷроияи ҲХДТ дар шаҳри Панҷакент ҳар ҳафта рӯзҳои сешанбе ва панҷшанберо рӯзҳои боздид аз ташкилотҳои ибтидоии ҳизбӣ эълон кардааст.

Дар ин рӯзҳо кормандони масъули Кумитаи иҷроия аз ташкилотҳои ибтидоии вобасташуда боздид намуда, ба онҳо дар ташкили ҳуҷҷатгузорӣ, роҳандозии тарғиботи ҳизбӣ ёрии методӣ мерасонанд.

Дар доираи ин нақша ҳафтаи ҷорӣ мудирони шӯъба ва дигар кормандони Кумитаи иҷроия аз ташкилотҳои ибтидоии ҳизбии литсеи касбӣ- техникӣ, донишкадаи омӯзгорӣ, бахши омор, шӯъбаи фарҳанг, ҷамоатҳои деҳоти Халифа Ҳасан, Хурмӣ ва дигар ташкилотҳои ибтидоии ҳизбӣ боздид намуда, ба онҳо дар роҳандозии кори ҳизбӣ маслиҳатҳои судманд доданд.

Рубрики
Last News

Тарбияи ҷавондухтарон мароми мост!

Мутобиқи нақшаи кумитаи иҷроияи ҲХДТ дар шаҳри Конибодом дар коллеҷу литсейҳо ва муассисаҳои таълимии шаҳр бо мақсади пешгирии ҳодисаҳои номатлуб ва зуроварӣ дар оила, паст намудани шумораи ҷудошавии оилаҳои ҷавон, фарҳанги истифодаи телефонҳои мобилӣ, тарғиби либосҳои миллӣ, иҷрои Қонунҳои Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” , “Дар бораи танзими анъана ва ҷашну маросимҳо” ва дигар масоили рӯз бо иштироки ҷавондухтарон ва наварӯсон мулоқоту сӯҳбатҳо ба роҳ монда шуда, ин навбат санаи 31.03.2021 дар коллеҷи тиббии шаҳри Конибодом чунин мулоқот гирди мизи давр ҷараён гирифт. Дар мулоқот Раиси Шӯрои собиқадорони кумитаи иҷроияи шаҳрии ҲХДТ Тӯраева Муаззама, мудири бахши САҲШ-и шаҳр Зоҳидӣ Фирӯза, намояндаи шӯъбаи кор бо занони МИҲД-и шаҳр Шарипова Ҳилола ва муовини раиси кумитаи иҷроияи ҲХДТ дар шаҳри Конибодом Фирӯза Шерматова иштирок ва бобати масъалаҳои болоӣ табодули афкор намуданд. Мулоқот озоду самимӣ сурат гирифта, ҷавондухтарон ба суолҳои хеш посухҳои лозима гирифтанд. Дар назар аст, ки чунин вохӯриҳои тарбиявӣ дар ҳудуди ҷамоатҳои деҳот низ ба роҳ монда шавад.

Рубрики
Last News

Муттаҳидиву якдилӣ мароми ҳизби мост!

        Дар идомаи чорабиниҳои тарғиботии масъулини Кумитаи иҷроияи Ҳизби Халқии Демократии Тоҷикистон дар шаҳри Конибодом рӯзи гузашта мулоқоти мудири шуъбаи иттилоот ва таблиғоти кумиҷроияи шаҳрии ҳизб Қобилов Аббос бо аҳли ҷамоатчигии Литсейи касбии саноати кишоварзии шаҳр баргузор гардид. Зимни мулоқот намояндаи кумиҷроияи шаҳрии ҳизб доир ба марому Барномаҳои созандаи Ҳизби Халқии Демократии Тоҷикистон, сиёсати оқилонаи Пешвои миллат ва амалишавии Қонунҳои миллӣ ибрози афкор намуда, дар ин радиф қайд намуд, ки ҳадафи Ҳизби Халқии Демократии Тоҷикистон муттаҳиду якдилӣ буда, мардумро сарҷамъ намудан атрофи сиёсати пешгирифтаи роҳбари давлат аз муҳимтарин маромаш аст. Дар ин ҷода иштирокдорони мулоқот низ табодули афкор намуданд. Дар фарҷом ба чанде аз кормандони муассиса шаҳодатномаи ҳизбӣ супорида шуд.

Рубрики
Last News

Таъсиси ташкилоти ибтидоии “Кӯчаи калон”

Дар КИИ ҲХДТ минтақаи Ёва боз як ташкилоти ибтидоӣ бо номи маҳаллаи “Кӯчаи калон” таъсис ёфт. Мудири шӯъбаи занони КИ ҲХДТ дар ноҳияи Бобоҷон Ғафуров Солиева Муяссар бо кормандони Кӯдакистони № 4 мулоқот доир намуда, бори дигар онҳоро бо ҳадафҳои Оинномаву Барномаи ҲХДТ шинос намуда, аъзоёни ҳизбро даъват ба амал овард, ки ба ғояҳои ҲХДТ содиқ, дар иҷрои вазифаҳои хизматӣ масъулиятшинос буда, дар корҳои ҷамъиятӣ фаъолона ширкат варзанд. Дар охир ба якчанд нафар аъзоёни тозаинтихоб шаҳодатномаҳои ҳизбӣ супорида шуд.