Пешгирии фавти модару кӯдак ва таваллуди хонагӣ

хучанд тифл

ХУҶАНД.  Бо мақсади пешгирии фавти модару кӯдак, таваллуди хонагӣ ва бурдани корҳои фаҳмондадиҳӣ дар Маркази саломатии №1-и шаҳри Хуҷанд бо ҷалби фаъолон, занони маҳаллаҳо, духтурон мулоқот баргузор гардид. Фирӯза Нуруллозода, муовини Раиси шаҳри Хуҷанд назди ҳозирин баромад намуда, ки аз ҷумла таъкид дошт, ки “Мақоми оила дар ҳар давру замон баҳри пешбурди ҷомеа, муайян намудани сатҳи иқтисодӣ, иҷтимоӣ, сиёсӣ ва фарҳангии ҳар халқу миллат аҳамияти хос дошт. Бесабаб нест, ки бузургон оиларо шоҳсутуни зиндагӣ, асоси давлат, танзимгари рушду нумӯи миллат номидаанд. Аз ин рӯ давлат ба оила ҳамчун ҷавҳари ҷамъият аҳамияти ҳамаҷониба медиҳад. Давлат ва Ҳукумати Ҷумҳурии Тоҷикистон ба занону духтарон эҳтироми хоса зоҳир менамояд ва дар якчанд барномаи давлатӣ, стратегия ва консепсияҳо дурнамои фаъолияти занон ва нақши онҳоро дар мақоми роҳбарӣ, таҳкими давлатдорӣ, солимии ҷомеа ва пойдориву устувории оила таъкид намудааст. Фирӯза Нуруллозода гуфт, ки бо вуҷуди дастгирӣ ва ҳуқуқу манфиатҳои занону ҷавонон дар ин самт камбудиҳо ба монанди — пош хӯрдани оилаҳо, зӯроварӣ дар оила, никоҳи хешовандони наздик ва дар ин ҷода зиёд гардидани тавлиди кӯдакони маъюб, фавти модар ва таввалуд дар хона ташвишовар аст. Инро ба назар гирифта, мақомоти иҷроияи ҳокимияти давлатии шаҳри Хуҷанд самти фаъолиятро таѓйир дода, корҳои пешгирикунанда ва тарѓиботию ташвиқотиро дар маҳаллаҳо хона ба хона ва дар ба дар, хусусан дар соҳаи тиб ва маҳаллаҳои осебпазир, дар ҳамҷоягӣ бо раисони кумитаи маҳаллаҳо ва раисони шӯрои занони маҳаллаҳо бо фаъолону собиқадорони ҳамаи соҳаҳо ба роҳ монд, то пеши роҳи пошхӯрии оилаҳо ва пешгирии худкушӣ ва сӯйқасд ба ҷони худ, дар ҳамбастагӣ гирифта шавад. Таъкид шуд, ки дар шаҳри Хуҷанд фавти модар ҳангоми таввалуд дар хона хеле нигарон аст. Дар самти таҳкими муносибат ва густариши фарҳанги оиладорӣ, пурзӯр намудани механизми пешгирии зӯроварӣ дар оила, мубориза бар зидди ҷинояткорӣ, бахусус омилҳои зӯроварӣ дар оила, бақайдгирии огоҳкунии инфиродӣ оид ба масъалаҳои роҳ надодан ба ҳаракатҳои зиддиҷамъиятӣ, кирдорҳои ношоиста ва рафторҳои бадахлоқона, таъмини ҳифзи иҷтимоӣ ва ҳуқуқии шаҳрвандон ҳанӯз аз 3 майи соли 2014, №294, қарори Ҳукумати Ҷумҳурии Тоҷикистон “Дар бораи Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023” қабул гардид, ки ин санади муҳим дар самти пойдории оилаҳо ва дар асоси анъанаҳои неки аҷдодӣ ба роҳ мондани муносибатҳои оилавии зану шавҳар мусоидат мекунад. Боиси зикр аст, ки бештар баланд бардоштани масъулияти падару модар дар таълиму тарбияи фарзанд, ҳифзи генофонди миллат, пешгирӣ ва мубориза бар зидди хушунати оилавӣ, танзими муносибатҳои оиладорӣ, пешгирии бисёрникоҳӣ, пешгирии ҷудошавии оилаҳои ҷавон, кафолатҳои иҷтимоии оила, пешгирии никоҳи хешубаторӣ, тарѓиби гузаштани навхонадорон аз муоинаи пешакии тиббӣ, муносибати кӯдаку волидон дар низоъ ва амсоли инҳо таваҷҷуҳ равона карда шуда истодааст, ки дар маҷмуъ ин омилҳо ба пойдории оила мусоидат мекунад. Фирӯза Нуруллозода, муовини Раиси шаҳри Хуҷанд гуфт, ки зери роҳбарии Раиси шаҳри Хуҷанд, муҳтарам Маъруф Муҳаммадзода дар самти пойдории оилаҳо чораҳои зарурӣ ба мисоли ҷалби занону духтарон ба эҳёи ҳунарҳои хонагӣ, таъсиси ҷойҳои нави корӣ, фаро гирифтани занону духтарон ба омӯзиши ҳунарҳои миллӣ аз қабили атласу адрасбофӣ, андешида шуда, баргузории озмуни тозабаргузоршудаи “Ҳунарманди беҳтарин”, “Рӯзи Оила”, “Кадбонуи беҳтарин” “Фарҳанги оиладорӣ”, Маҳфили “Рози Бону”, “Беҳтарин оилаи Ҳунарманд”, Оила ва асрори оиладории ҷавонони муосир” ва Пероҳани миллӣ – рукни арзишманди худшиносии бонувон” ҳамчун чорабинии тақвиятбахшандаи маҳорати оилаву оиладорӣ намунаи олии ин тадбирҳост. Инчунин, аз ҷониби масъулини мақомоти иҷроияи ҳокимияти давлатии шаҳр дар ҳамкорӣ бо духтурони амрози занона, саратоншинос корҳои тарѓиботию ташвиқотии пешгирии вайроншавии оилаҳо ва дигар масъалаҳо байни занони 22 маҳаллаҳои шаҳр вохӯриҳо баргузор гардида истодааст. Сипас, Зеварой Бобоева, мудири шуъбаи кор бо занони Кумитаи иҷроияи Ҳизби Халқии Демократии Тоҷикистон дар шаҳри Хуҷанд ва Наргис Ҳасанова, духтури амрози занонаи таваллудхонаи шаҳри Хуҷанд доир ба роҳҳои пешгирии фавти модар кӯдак ва оқибатҳои фоҷиабори тавлиди кӯдак дар хона маълумот доданд. Ҳангоми таҳлили ҳолатҳои фавти кӯдакон маълум гардид, ки дар ҷои аввал фавти кӯдакони бо вазн кам таввалудшуда мебошад, ин вобастагӣ дорад аз сабаби зиёд шудани таввалуди пеш аз мӯҳлат мебошад. Аммо таҳлилҳои дигар собит менамояд, ки новобаста аз чораҳои андешида шуда, то ҳанӯз маърифати ҳуқуқии бархе аз волидон дар сатҳи паст қарор дошта, ҳуқуқҳои кӯдакон ба монанди доштани шаҳрвандӣ, таҳсил намудан, эмин будан аз зӯроварӣ таъмин нагашта истодааст. Аксар вақт шаҳрвандон бо назардошти он ки масъалаи иҷтимоии оила аст, чунин ҳодисаҳоро махфӣ медоранд. Дар анҷоми вохӯрӣ мубодилаи афкор сурат гирифт.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>