Дар пешгирии терроризм ва экстремизм якҷоя амал бояд кард!

0

Дар замони муосири ҷаҳонишавӣ терроризм ҳамчун ҷараёни номатлуби ҷамъияти инсонӣ бо тарзу усули хосаи худ ба миён омад. Ҳоло терроризм яке аз масъалаҳои мушкили ҷамъиятиест, ки диққати ҷомеаи ҷаҳониро ба худ ҷалб намудааст. Санаи 19 апрели соли 2019 бо мақсади пешгирии ҷавонон аз шомилшавӣ ба амалҳои террористиву экстремистӣ дар Донишгоҳи давлатии ҳуқуқ, бизнес ва сиёсати Тоҷикистон мулоқоти судманд баргузор гардид.

Дар вохӯрӣ муовини Раиси Кумитаи иҷроияи Ҳизби Халқии Демократии Тоҷикистон дар вилояти Суғд Аминҷон Шарифзода, раиси кумитаи иҷроияи ҲХДТ дар шаҳри Хуҷанд Наим Маликисломӣ ширкат намуданд.

Ректори донишгоҳ, профессор Мӯъмин Шарифзода зимни сухани ифтитоҳӣ гуфт, аз проблемаҳои муҳимтарине, ки дар доираи механизмҳои Созмони Милали Муттаҳид ба таври анъанавӣ аз ҳама асосӣ ва ҳалкунанда дониста мешавад, проблемаи нигоҳдории сулҳ ва амният дар сайёра аст. Дар ин замина сарвари донишгоҳ аз кӯшишҳои пайгиронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар пойдории сулҳи тоҷикон ва ҷаҳон сухан кард.

Сипас, муовини Раиси Кумитаи иҷроияи ҲХДТ дар вилояти Суғд Аминҷон Шарифзода баромад намуд. Қайд гардид, ки мавзўи терроризм ҳоло ҳадафу самти фаъолияти даҳҳо ташкилоту созмонҳо мебошад. Вале, ба ҳамаи ин нигоҳ накарда, терроризм ва таъсири он на танҳо сусту заиф гардидааст, балки рўз аз рўз ҳодисаҳои таркишу куштор аз тарафи террористон бештар гардидаанд. Муборизаи дастаҷамъонаи аҳли башар метавонад пеши роҳи ин падидаи номатлуби ҷаҳони имрӯзро гирифта бошад.

Дар мулоқот раиси кумитаи иҷроияи ҲХДТ дар шаҳри Хуҷанд Наим Маликисломӣ зимни баромади худ қайд кард, ки дар шароити кунунии авзои сиёсии ҷаҳон ва таҳаввулоти босуръати он, инчунин торафт вусъат гирифтани низоъҳои байнимазҳабӣ ва авҷи ҷиноятҳои муташаккили фаромарзӣ зиракии сиёсии ҷавонон аҳамияти бағоят бузург касб менамояд. Ҷавононро зарур аст пайваста омӯзанд ва ба ин қабил падидаҳо мубориза баранд.

Сӯҳбати озоду ошкоро ва саволу ҷавоб байни иштирокдорон ба мулоқот ҳусни анҷом бахшид.57564599_2600373643312658_8253314399872221184_n57368767_2600373323312690_3414268918921953280_n

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>