Рубрики
Last News

ВОХӮРИИ НОМЗАД БО СОКИНОНИ ДЕҲАИ ТОҶИКОБОД

Дар маъракаи интихобот нақши ҳалкунандаро электоратҳо, яъне интихобкунандагон мебозанд. Агар дар байни ҷомеа абсентеизми сиёсӣ (бемайлии сиёсӣ) бошаду мардум дар интихобот ширкат наварзанд, пас натиҷаи интихобот ҳеҷ аст. Аз ин лиҳоз, ҳизбу ҳаракатҳои сиёсӣ, ташкилотҳои давлатию ҷамъиятӣ пайваста дар байни аҳолӣ корҳои фаҳмондадиҳиро ба роҳ мемонанд. Яке аз чунин вохӯрӣ санаи 12 апрели соли 2021 дар асоси нақшаи вохӯриҳои номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҲХДТ, муовини якуми раиси ноҳияи Ҷаббор Расулов Қосимӣ Файзулло дар хонаи фарҳанги деҳаи Тоҷикобод бо интихобкунандагон баргузор гардид.

Дар ин вохӯрӣ номзад аз ҲХДТ ба вакилии Маҷлиси намояндагони Маҷлиси Олии Ҷумҳурии Тоҷикистон Косимӣ Файзулло, раиси Кумитаи иҷроияи ҲХДТ дар ноҳияи Ҷаббор Расулов Одилзода Рустам ва намояндаи Комиссияи ҳавзаи интихоботии «Ҷаббор Расулов», №16 оид ба Интихоботи вакилони Маҷлиси намояндагони Маҷлиси Олии Ҷумҳурии Тоҷикистон Нишонов Нурилло иштирок ва баромад намуданд.

Баъдан худи номзад бо Барномаи пешазинтихоботии хеш баромад намуд.

Иштирокчиён низ дар рафти мулоқот фаъол буда, пешниҳоду дархостҳои худро ба ҳозирин пешниҳод намуданд. Аз ҷумла саволҳо оид ба таъмини оби нӯшокӣ, таъмири хонаи маркази саломатии деҳот ва зиёд намудани теъдоди синфхонаҳо дар МТМУ №10 аз ҷониби интихобкунандагон пешниҳод карда шуданд.

Сипас, раиси КИ ҲХДТ дар ноҳия Одилзода Рустам ба сухан баромада аз ҳозирин хоҳиш ба амал овард, ки номзадии Қосимӣ Файзуллоро дастгирӣ намоянд ва дар рӯзи интихобот ба ҷонибдории ӯ овоз диҳанд. Дар ин вохӯрӣ 50 нафар сокинони деҳаи Тоҷикобод иштирок намуданд. Вохӯрӣ дар сатҳи якдигарфаҳмӣ ва руҳияи баланди иштирокчиён сурат гирифт. Вохӯриҳо дар ин самт идома доранд.

Рубрики
Last News

МАҲФИЛИ САЙЁР: “ОИНАИ ИБРАТ”

Масъулини кумитаи иҷроияи ҲХДТ дар шаҳри Конибодом бо мақсади мустаҳкамии оилаҳои ҷавон, пойдор будани фазои якдигарфаҳмӣ дар оила, пешгирии вайроншавии оилаҳои ҷавон ва роҳ надодан ба ҳама гуна ҳодисаҳои номатлуб, хушунату зӯроварӣ дар оила тасмим гирифтанд,ки маҳфили тарибиявии сайёр таҳти унвони “Оинаи ибрат”-ро дар оилаҳои намунавию беҳтарини шаҳри Конибодом бо иштироки насли ҷавон, наварӯсону хушдоманҳо роҳандозӣ намоянд.

Маҳфили ифтитоҳӣ дар хонаводаи нафарони шинохта,оилаи намунавии шаҳр, Аюби Бобозод ва Садриддинова Фароғатхон, ки ҳарду собиқадори соҳаи тандурустӣ ҳастанд, баргузор гардид.

Дар мулоқот ҷавонони фаъоли шаҳр, узви курси захиравии назди кумитаи иҷроияи ҲХДТ дар шаҳри Конибодом ва ҷавондухтарони коллеҷу литсейҳои шаҳр ҳузур доштанд. Зимни мулоқот қаҳрамонони маҳфили сайёр бобати нозукиҳои оилаву оиладорӣ ҳарф зада, аз ҷавонон даъват ба амал оварданд, ки таҳаммулпазириро бештар пешаи худ дар зиндагӣ намоянд, эҳтироми худ ва атрофиёнро ба хубӣ ба ҷо оранд ва сарфакору сариштакор бошанд.

Маҳфили “Оинаи ибрат” бобати таҷрибаи рӯзгори нафарони барӯманди диёр боиси суҳбати озоди иштирокдорон гардид ва тавонистанд, ки ба суолҳои хеш посухҳои маслиҳатомез бигиранд.

Рубрики
Last News

ҲИФЗИ СОЛИМИИ ҶОМЕА МУҲИМ АСТ!

Соҳаи тандурустӣ яке аз соҳаҳои муҳим ба ҳисоб рафта, солимии аҳли ҷомеа маҳз аз фаъолияти самараноки кормандони тиб ва шароити хуби хизматрасонии тиббӣ вобастагии калон дорад. Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ тандурустиро соҳаи калидии рушди ҷомеа номида, таъкид намуданд, ки «Миллати солим таҳкурсии ҷомеаи солим мебошад». Бояд қайд намуд, ки имрӯзҳо дар саросари кишвар тибқи дастуру супоришҳои Пешвои муаззами миллат ба сохтмону азнавсозии муассисаҳои соҳаи тандурустӣ таваҷҷуҳи хоса зоҳир гардида, дар гушаю канори мамлакат беморхонаҳо, марказҳои саломатию бунгоҳҳои тиббӣ сохтмон ва азнавсозӣ гардида истодаанд. Дар нохия низ тибқи дастуру супоришҳои Пешвои муаззами миллат ва дар доираи 1300 рӯзи меҳнати зарбдор бахшида ба 30-солагии Истиқлолияти давлатии Ҷумҳурии Тоҷикистон корҳои ободонию созандагӣ дар соҳаҳои гуногуни хоҷагии халқи ноҳия аз ҷумла дар соҳаи тандурустӣ бо маром идома дошта, дар ин давра бо ташаббуси мақомоти ичроияи хокимияти давлатӣ ва дастгириҳои пайвастаи соҳибкорону шахсони саховатпеша якзумра шуъбаҳои беморхонаи марказӣ аз қабили шуъбаи бемориҳои бачагона, шуъбаи бемориҳои сироятӣ, шуъбаи касалиҳои дил ва дилшиносӣ, шуъбаи ҷарроҳӣ, шуъбаи касалиҳои гушу бинӣ, шуъбаи шикасту банд ва шуъбаи осебшиносӣ ба маблағи зиёда аз 890 ҳазор сомонӣ аз таъмири кулл бароварда шуданд. Ҳамзамон чунин корҳои созандагӣ дар ҷамоатҳои шаҳраку деҳоти ноҳия низ идома дошта, ҳамаи марказҳои саломатии деҳот ва бунгоҳҳи тиббӣ азнавсозӣ гардиданд. Бо иштироки Раиси ноҳияи Зафаробод Ашурзода Раҷаб Рӯзӣ ванамояндаи Раёсати тандурустии вилояти Суғд Акмалхуҷаева Индира Исмоиловна Беморхонаи шаҳраки Меҳнатобод яке аз муассисаҳои калидии соҳаи тандурустии ноҳия ба ҳисоб рафта, ба таъмири кулли ниёз дошт ва имрӯз бо дастгирии соҳибкорон, шахсони саховатпеша ва мардуми сарбаланди Ҷамоати шахраки Мехнатобод ба маблағи зиёда аз 100 ҳазор сомонӣ азнавсозӣ карда шуд, ки дар натиҷа сатҳу сифати хизматрасонии тиббӣ хело беҳтар гардид. Инчунин ба шахсони саховатпеша ва соҳибкороне, ки дар ободонии беморхонаи мазкур саҳми арзандаи худро гузоштанд Сипоснома ва туҳфаҳои мақомоти иҷроияи ҳокимияти давлатии ноҳия ва Кумитаи ичроияи Ҳизби халқи демократии Тоҷикистон дар ноҳия тақдим карда шуданд.

Рубрики
Last News

ИСТИФОДАИ САМАРАНОКИ ЗАМИН

Масъулони Кумитаи иҷроияи Ҳизби Халқии Демократии Тоҷикистон дар шаҳри Гулистон бо ҷалби гурӯҳҳои таблиғотӣ оид ба самаранок истифода бурдани заминҳои наздиҳавлигӣ ва рӯёндани то ду се ҳосил дар як сол корҳои тарғиботиву ташвиқотиро ба роҳ монданд. Тарғиботчиён бо усули хона ба хона вохӯрӣ доир намуданд. Зимни вохӯрӣ бо рафти истифодаи самараноки заминҳои наздиҳавлигӣ шинос шуда, таъкид намуданд, ки давлат ва Ҳукумати мамлакат ҷиҳати баланд бардоштани сатҳу сифати зиндагии мардум таваҷҷуҳи хоса зоҳир менамояд.

Рубрики
Last News

ИДОМАИ КОРҲОИ ТАРҒИБОТӢ

Санаи 12.04.2021 мудири шуъбаи ташкилӣ ва кор бо кадрҳои кумиҷроияи ноҳияи Бобоҷон Ғафуров Абдуллоев С аз самти фаъолияти ташкилотҳои ибтидоии минтақаи Д. Холматов дидан намуда, баҳри ба низом даровардани корҳои ҳуҷҷатгузорӣ, қабул ба сафи ҳизб, иҷрои Оиннома ва Барномаи ҳизбӣ ва дуруст ба роҳ мондани корҳои тарғиботиву ташфиқотӣ маслиҳатҳои судманд дода шуд. Инчунин расонидани ёрии методӣ дар дигар ташкилотҳои ибтидоӣ низ идома дорад.

Рубрики
Last News

МАСЛИҲАТҲОИ СУДМАНД

Мудири шуъбаи ҷавонони кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров Акбарзода М. аз самти фаъолияти ташкилотҳои ибтидоии минтақаи ҷамоати деҳоти Ҳ.Усмонов дидан намуда, баҳри ба низом даровардани корҳои ҳуҷҷатгузорӣ, қабул ба сафи ҳизб, иҷрои Оиннома ва Барномаи ҳизбӣ, дуруст ба роҳ мондани корҳои тарғиботиву ташфиқотӣ маслиҳатҳои судманд доданд.

Рубрики
Last News

ПЕШГИРӢ АЗ ҲОДИСАҲОИ НОМАТЛУБ

Дар асоси нақша – чорабнии кории бахши кор бо ҷавонони Кумитаи иҷроияи ҲХДТ дар ноҳияи Ашт дар муассисаи таҳсилоти миёнаи умумии №2 вохӯри бо хонандагони синфҳои болоӣ баргузор гардид.

Дар ин вохӯри мудири бахши кор бо ҷавонони Кумитаи иҷроияи Ҳизби Халқии Демократии Ҷумҳурии Тоҷикистон дар ноҳияи Ашт Мусоев Далер оид ба пешгирӣ аз ҳодисаҳои номатлуб дар байни ҷавонон ва ҷалби ҷавонон ба хизмати ҳарбӣ суханронӣ намуда, қайд кард, ки мо ҷавонон вазифадорем Ватани худро дӯст дорем, баҳри ободии он камар бандем ва ҳиссаи худро дар пешрафти ноҳия гузорем ва ба қадри ҳар як неъмати он бирасем. Ҷавонон ҳар яки Шумо муҳофизати фардои Ватанед, ҳимояи Ватанро қарзи шаҳрванди худ донед.

Рубрики
Last News

БАРОИ ПЕШБУРДИ КОРҲОИ ҲИЗБӢ

Бо дастуру супоришҳои муовини якуми Раиси ҲХДТ Азизӣ Абдуҷаббор Абдуқаҳҳор гурӯҳи кории КИМ ҲХДТ бо сарварии роҳбари Дастгоҳи КИМ ҲХДТ Абдураҳмон Хонзода, сармуҳаррири рӯзномаи марказии ҲХДТ «Минбари халқ» Ҳамдамов Бахтиёр ва мудири шуъбаи таблиғотии КИ ҲХДТ дар ноҳияи Шоҳмансур Муҳаммадҷон Вализода аз фаолияти КИ ҲХДТ дар ноҳияи Ҷаббор Расулов боздид намуданд.

Гурӯҳи кории КИМ ҲХДТ дар ҷараёни боздид бо роҳандозии кори ҳизбӣ, самаранок пеш бурдани фаъолияти шуъба ва бахшҳо, ба тартиб даровардани китобҳои воридотӣ-содиротӣ ва бақайдгирии аъзоёни нав, фармоишҳо, ҳуҷҷатҳои ТИ, ҳамзамон барои беҳтар ба роҳ мондани фаъолияти гурӯҳҳои тарғиботӣ аз ҳисоби ҷавонон, занон ва собиқадорон шинос шуда, барои беҳдошти он маслиҳатҳои судманд доданд.

Ҳамчунин аъзоёни гурӯҳи корӣ бо фаъолияти як қатор ташкилотҳои ибтидоии ҳизбӣ, аз ҷумла, тартиби ҳуҷҷатгузорӣ, пешниҳоди ҳисобот мутобиқи талаботи Оинномаи ҲХДТ ва низомномаҳои коргузорӣ тартиби қабул ба сафи ҳизб, пордохти ҳаққи узвият, ташкилу баргузории хонишҳои сиёсӣ ва дигар чорабиниҳои тарғиботӣ шинос шуданд.

Аз ҷониби гурӯҳи кори ҷиҳати дуруст ба роҳ мондани фаъолияти ҳизбӣ, баланд бардоштани обрӯ ва нуфузи ташкилотҳои ибтидоии ҳизбӣ дар ҷомеаҳои меҳнатӣ ёрии методӣ расонида шуд.

Рубрики
Last News

ТАРҒИБОТЧИЁНИ ҲИЗБӢ МАШВАРАТ ОРОСТАНД

Кумитаи иҷроияи ҲХДТ дар шаҳри Панҷакент тибқи дастури кумиҷроияи вилоятии ҳизб бо ҷалби олимон, устодони донишкадаю коллеҷҳо, муассисаҳои миёнаи умумӣ, рӯзноманигорон ва дигар фаъолони ҳизб ҳайати гурӯҳи тарғиботи назди кумиҷроияро пурра намуда, бо онҳо машварат орост.

Давр машварат раиси Кумитаи иҷроия, узви Маҷлиси миллии Маҷлиси Олии Ҷумҳурии Тоҷикистон Мурод Шукурзода, масъули дафтари матбуоти кумиҷроия Турдибой Солеҳзода, ректори донишкадаи омӯзгории Тоҷикистон дар шаҳри Панҷакент Муаззамхон Ансорӣ сухан карда, махсусиятҳои роҳандозии кори тарғиботиро дар марҳилаи ҳозира баён дошта, таъкид намуданд, ки дар ин самт нуктаҳои асосии Паёми Президенти Ҷумҳурии Тоҷикистон , муҳтарам Эмомалӣ Раҳмон ба Маҷлиси Олии мамлакат, дастовардҳои Тоҷикистон дар солҳои истиқлол чун дастур бояд ба кор гирифта шаванд. Собиқадори ҳизб Абдураҳмон Маҳмадқулов таклиф намуд, ки кори тарғиботӣ бо фарогирии ҳама табақаҳои аҳолӣ ба роҳ монда шавад.

Пешниҳод шуд, ки аъзоёни гурӯҳи тарғиботӣ ба ташкилотҳои ибтидоии ҳизбӣ вобаста намуда, тибқи нақша ташкили сӯҳбату мулоқотҳо бо аҳолӣ ва ҷомеаҳои меҳнатӣ роҳандозӣ карда шавад.

Рубрики
Last News

ШОИР АНДАР СИНАИ МИЛЛАТ ЧУ ДИЛ

Имсол ба зодрӯзи Шоири халқии Тоҷикистон, Қаҳрамони Тоҷикистон, Мирзо Турсунзода 110 сол пур мешавад.

Бо ибтикори Кумитаи иҷроияи ҲХДТ дар шаҳри Панҷакент бо дастури кумиҷроияи вилоятии ҳизб дар ташкилотҳои ибтидоии ҳизбӣ, муассисаҳои таълимии шаҳр силсилаи чорабиниҳои гуногуни фарҳангӣ бахшида ба рӯзгор ва осори ин шоири тавоно ва номвари тоҷик баргузор мешаванд.

Чунин маҳфили адабӣ бо иштироки устодон ва донишҷӯён, хонандагон ,кормандони масъули Кумитаи иҷроия дар донишкадаи омӯзгории Тоҷикистон дар шаҳри Панҷакент ва МТМУ № 30 баргузор шуд. Донишҷӯён ва хон6андагон дар бораи осори шоир ибрози назар намуда, аз ашъори ӯ порчаҳо қироат карданд.

Кумитаи иҷроия тасмим гирифтааст, ки барои беҳтарин донандагони ашъори Мирзо Турсунзода ҷоиза таъсис дода, онро ба ғолибон дар вазъияти тантанавӣ тақдим намояд.