Рубрики
Асосӣ

ХУҶАНД: БА ТАБИБОН МОҲИЯТИ ПАЁМИ ПРЕЗИДЕНТИ ҶУМҲУРИИ ТОҶИКИСТОН ШАРҲ ДОДА ШУД

Дар ташкилоти ибтидоии ҳизбии «Офият» дар беморхонаи сирояткунандаи шаҳри Хуҷанд бо иштироки аъзои гурӯҳи тарғиботии кумиҷроияи шаҳрии ҳизб, сармуҳарири нашрияи “Сухани халқ” Абдусабур Абдуваҳобов ҷиҳати таъмини иҷрои нишондиҳандаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон мулоқоти судманд баргузор гардид.

Намояндаи кумиҷроияи шаҳрӣ дар вохӯрӣ бо кормандони беморхонаи мазкур иброз намуд, ки «Паёми имсола идомаи мантиқии паёмҳои солҳои пешин буда, роҳи рушду пешрафти давлатро барои оянда муайян мекунад. Бо шарофати заҳмати содиқонаи мардуми мамлакат раванди созандагиву ободкорӣ бомаром идома ёфта, нақшаву барномаҳои пешбинигардида ҷиҳати таъмини рушди устувори иқтисоди миллӣ ва баланд бардоштани сатҳу сифати зиндагии сокинони мамлакат ҳадафмандона амалӣ карда шуданд».

Рубрики
Асосӣ

ПАНҶАКЕНТ: РОҒУН ҲАҚИҚАТ АСТ !

Дар асоси барқияи Кумитаи Иҷроияи Марказии Ҳизби Халқии Демократии Тоҷикистон аз 6.01.2023, бо мақсади ҷалб намудани ҷавонон ва мутахассисон, барои кор дар ин иншооти бузурги аср, “НБО Роғун” Кумитаи иҷроияи ҲХДТ дар шаҳри Панҷакент корҳои таблиғотиро ба роҳ мондааст. Барои тарғибу ташвиқи кор дар НБО Роғун мудири мудири шӯъбаи кор бо ҷавонон, роҳбари намояндагии ТҶҶ ” Созандагони Ватан” Ҷалолов Қобилҷон бо хонандагони ташкилоти ибтидоии ҳизбии (Сомониён) Литсейи Касбии Техникӣ дар шаҳри Панҷакннт мулоқот намуда оид ба нақши НБО Роғун дар ҷаҳон маълумоти бештар дода, ин иншооти бузурги асрро ифтихори ҳар як тоҷикистонӣ номид Роғун шаъну шараф ва эътибори ҳар як сокини мамлакат аст ! Дафтари матбуоти Кумитаи иҷроияи ҲХДТ дар шаҳри Панҷакент

Рубрики
Асосӣ

ХУҶАНД: ОТАШИ ҶАШНИ САДА ОТАШИ МЕҲРИ ВАТАН АСТ!

Дар толори Донишгоҳи давлатии ҳуқуқ, бизнес ва сиёсати Тоҷикистон бо ташаббуси Кумитаи иҷроияи ибтидоии ҳизбии «Сомон» дар назди кумитаи маҳаллаи «Суғдиён»-и шаҳри Хуҷанд семинар – машварат бахшида ба ҷашни бостонии Сада баргузор гардид. Дар семинари мазкур муовини раиси Кумитаи иҷроияи ибтидоии ҳизбии «Сомон» декани факултети бизнес ва идоракунии Донишгоҳ, дотсент Ҷамшед Тӯразода, мудири кафедраи маркетинг-агробизнес дотсент Ҳуҷаназарова М.И. ва дотсенти донишгоҳи мазкур Ашуров С.Х. иштирок намуда, доир ба таърихи ҷашни Сада баромад намуданд.

Қайд карда шуд, ки Сада мисли Наврӯзу Меҳргон аз ҷашнҳои миллии ориёитаборон ба шумор рафта, онро ҳар сол мардуми тоҷик дар баҳман- моҳи 11-уми солшумории шамсӣ, ки ба 21 январ-20 феврал рост меояд, ҷашн мегиранд. Сада- ин пирӯзии рӯшанӣ бар зулмот, гармӣ бар сардӣ, некӣ бар бадӣ буда, панҷоҳ шабонарӯзро то фарорасии Наврӯз дар бар мегирад.

Рубрики
Асосӣ

ЗАФАРОБОД: Тақвияти кори дохилиҳизбӣ дар ташкилоти ибтидоии ҳизбии ноҳияи Зафаробод ​ ​ ​ Ҷиҳати иҷрои фармоиши Кумитаи иҷроияи Ҳизби Халқии Демократии Тоҷикистон дар вилояти Суғд аз 5- уми январи и соли 2023 таҳти рақами √1 дар бораи “Ҳафтаи тақвияти кори дохилиҳизбӣ” кормандони кумитаи иҷроияи ҲХДТ дар ноҳияи Зафаробод бо роҳбарии Раиси КИ ҲХДТ дар ноҳияи Зафаробод Шарифзода Туйғун баҳри ба низом даровардани корҳои дохилиҳизбӣ, самаранок пеш бурдани фаъолият ва ба низом даровардани ҳуҷҷатгузории ташкилотҳои ибтидоии ҳизбӣ корбариро ба роҳ монданд. Масъулон аз фаъолияти ташкилотҳои ибтидоии ҳизбии “Амонатбонк”, “Барқчиён”, “Раёсати молия” ва “Фарҳангчиён” дидан намуда, ҷиҳати пешбурди кори ташкилот дастуру маслиҳатҳои судманд доданд. ​

Рубрики
Асосӣ

ПАНҶАКЕНТ: мулоқот дар ташкилоти ибтидоии ҳизбии «ҶСК Даврон» оид ба шарҳу тавзеҳи Паёми Пешвои миллат Имрўз санаи 27. 01. 2023 тибқи нақшаи кории КИ ҲХДТ дар шаҳри Панҷакент дар ташкилоти ибтидоии ҳизбии «ҶСК Даврон» бо иштироки мудири шуъбаи тарғибот ва иттилоот – Алишер Мутрибов ва мудири шуъбаи кор бо ҷавонони КИ ҲХДТ дар шаҳри Панҷакент – Қобилҷон Ҷалолов вохўриву мулоқот доир карда шуд. Зимни мулоқот муҳтавои Паёми Пешвои миллат, Президенти Ҷумҳурии Тоҷикистон, Раиси муаззами ҲХДТ ба самъи ҳозирин расонида шуд. Ва ёдовар гардид, ки Паёми пешвои миллат барои ҳар як шаҳрванди кишвар дастури раҳнамо ва барои корхонаву ташкилоту муассисаҳо барномаи амал дар самти ҳарчи бештару хубтар фаъолият кардан ва саҳмгузор шудан дар рушди иқтисоди миллӣ маҳсуб меёбад. Ҳамзамон дар доираи суҳбат оид ба иҷрои муқаррароти Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳои миллӣ», даъвати ҷавонон ба сафи Қувваҳои Мусаллаҳи Ҷумҳурии Тоҷикистон ва дар бораи татбиқи амалии Стратегияи муқовимат бо коррупсия дар Ҷумҳурии Тоҷикистон ибрози андеша карда шуд. Дар мулоқот таъкид гардид, ки бо шукргузорӣ аз фазои ором ва сулҳу истиқлоли Ватан бояд ҳар як фарди ҷомеа баҳри пешрафт ва шукуфоии кишвари маҳбуб ва дар камолоти маънавии насли ояндасози миллат саҳми арзандаи хешро гузоранд ва ҳамзамон дар самти пешгирии амалҳои коррупсионӣ қотеона мубориза баранд.

Рубрики
Асосӣ

ТАҶЛИЛИ ИДИ ДАР НОҲИЯИ АШТ

Дар  саҳни  Муассисаи давлатии вилоятии “Театри мусиқӣ-драмавии ба номи Маҳмудҷон Воҳидов”-и ноҳияи Ашт, Иди Сада дар сатҳи баланд таҷлил карда шуд.

 Дар таҷлили Иди Сада Раиси ноҳияи Ашт Шӯҳрат Муҳаммадзода иштирок намуда, раиси КИ ҲХДТ дар ноҳияаи Ашт Хушнуд Каримзода, муовинон ва роҳбари дастгоҳи Раиси ноҳия, сардори ШВКД ҶТ дар ноҳияи Ашт, роҳбарони корхонаву ташкилотҳо, раисони ҷамоатҳои шаҳраку деҳоти ноҳия ҳамроҳӣ намуданд. 

Чорабинӣ бо садои карнаю сурнай, рамзи Сада афрӯхтани оташ ва сурудҳои фолклорӣ дар мавзӯи “Ҷашни Сада” оғоз карда шуд. Дар таҷлил ҳунармандони нуҳ ҷамоатҳои шаҳраку деҳоти ноҳия ва аҳли маорифчиён маҳсули дастранҷи худро ба маърази тамошо гузоштанд. Инчунин, маҳсулотҳои беҳтарини кишоварзӣ намоиш дода шуд. Роҳбари ноҳия ва иштирокдорон аз маҳсулотҳо дидан намуда, барои ташкил ва ороиш баҳои баланд доданд.

Сипас, Шӯҳрат Муҳаммадзода баромад намуда, зикр кард:

“Хони фаровони мардум пеш аз ҳама аз сиёсати одилонаю оқилонаи Асосгузори сулҳу ваҳдати милӣ-Пешвои миллат, Ҷаноби Олӣ муҳтарам Эмомалӣ Раҳмон мебошад. Бо хизматҳои шоёни ин абармарди сиёсат дар фазои Тоҷикистон тинҷиву оромӣ танинандоз аст. Ба ин хотир моро зарур аст, ки хизматҳои шоистаи Пешвои миллат шукрона намуда, барои ободию фаровонии  хони мардум кӯшиш намоем.”

Рубрики
Асосӣ

ПАНҶАКЕНТ : Ободкорӣ мароми мост Шанбегии умумӣ бо иштироки кормандони Кумитаи иҷроияи ҲХДТ дар шаҳри Панҷакент Бо мақсади тозаву озода намудани муҳити атроф ва саҳм гузоштан дар корҳои ободонӣ, дар Кумитаи иҷроия шанбегии умумӣ баргузор гардид. Ҳизбиёни шаҳр нисбат ба тозагии муҳити атроф бетараф нестанд, дар шанбегӣ иштирок намуда бо ин васила саҳми арзандаи худро дар тозагиву ободонии муҳити атроф саҳм гузоштанд. Боиси зикр аст, ки тозакории дастаҷамъона омили назофату покизагӣ буда, ба вазъи санитарию гигиенӣ ва экологии муҳити зист инчунин ба маърифати экологии сокинон таъсири мусбат мерасонад. Дафтари матбуоти Кумитаи иҷроияи ҲХДТ дар шаҳри Панҷакент

Рубрики
Асосӣ

АШТ: ВОХӮРИҲОИ СУДМАНД ОИД БА МАСЪАЛАҲОИ МУБРАМ РӮЗ

Кумитаи иҷроияи ҲХДТ дар ноҳияи Ашт дар якҷоягӣ бо МИҲД-и ноҳия дар асоси нақшаи кории КИН тасмим гирифтанд, ки вобаста ба фаҳмонда додани мӯҳтавои асоси Паёми Пешвои муаззами миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон (санаи 23.12.2022сол), ҷалб намудани ҷавонон ба сафи Қувваҳои Мусаллаҳии Ҷумҳурии Тоҷикистон ва пешгирии шомилшавии ҷавонон ба ҳизбу ҳаракатҳои иртиҷоӣ байни падару модарон, хонандагон, омӯзгорони муасисаи таълимии №5 Ҷамоати деҳоти Меҳробод, сокинони касбу кори гуногун ва аъзоёни ТҶҶ “Созандагони Ватан” вохӯрии судманд доир гардид.

Дар вохӯрӣ раиси КИН Каримзода Хушнуд Каримӣ, раиси Шӯрои собиқадорони КИН Мадаминова М. ва  директори маркази хизматрасонӣ-иҷтимоӣ МИҲД-и ноҳияи Ашт Камол Самиев иштирок намуда, оид ба ҷалби ҷавонон ба сафи Қувваҳои Мусаллаҳи Ҷумҳурии Тоҷикистон, вазъи сиёсии сайёра, густариш пайдо кардани терроризми байналмилалӣ ва зуҳури таҳдидҳои ҷиддӣ, дар самти маориф, тандурустӣ ва занону ҷавонон, ки дар Паём ироа гардид, изҳори назар карданд.

Аз ҷавонон даъват ба амал оварданд, ки дар ҳимояи марзу буми Ватани аҷдодии худ ва ҳимояи манфиатҳои милливу башарӣ бетарафӣ зоҳир нанамуда,  ҳамеша дар сафи пеш қарор дошта бошанд.

Ҳамчунин, омӯзгорон ва волидонро низ таъкид карданд, ки бояд фарзандонро дар руҳияи ватандӯстиву хештаншиносӣ тарбия намоянд.

Дар охир якчанд нафар хонандагони синфҳои болоӣ ва ҷавонон ваъда доданд, ки пас аз хатми мактаби миёна ва муасисаҳои олӣ ба сафи Қувваҳои Мусаллаҳи Ҷумҳурии Тоҷикистон шомил гардида, дар ҳифзи марзу буми кишвар ҳиссаи сазовори худро мегузоранд.

Суратгузориш аз рафти баргузори вохӯрӣ.

Рубрики
Асосӣ

ПАНҶАКЕНТ: НОМИ ОНҲО ҶОВИДОНИСТ…

Тибқи нақшаи кории Кумитаи иҷроияи ҲХДТ дар шаҳри Панҷакент бахшида ба 30-солагии таъсисёбии Қувваҳои Мусаллаҳи Ҷумҳурии Тоҷикистон ин субҳ гурӯҳи аъзоёни ТҶҶ “ Созандагони Ватан” бо раҳнамоии мудири шӯъбаи кор бо ҷавонони Кумитаи иҷроияи ҲХДТ дар шаҳри Панҷакент Қобилҷон Ҷалолов ба зиёрати мадфани хуфтагони қабристони Оромгоҳи “Сари камар”-и шаҳри Панҷакент омаданд. Мадфани даҳҳо нафар собиқадорони ҷанг низ ин ҷо аст. Онҳо ба рӯҳи гузаштагон дуо фиристоданд ва ба кор пардохтанд. Ҳарчанд ин хокҷои ҳамдиёрон бо кӯшиши муассисаи манзилӣ- коммуналии шаҳр ва бастагони аҳли қубур пайваста тозаю озода нигоҳ дошта мешавад, барои ҷавонон низ имрӯз кор ёфт шуд. Онҳо роҳравҳо ва атрофи мадфани хуфтагонро тозаю озода намуданд, об заданду рӯфтанд, партовҳои ҷамъшударо бароварданд. Кумитаи иҷроия тасмим гирифтааст бо ҷалби ҷавонон чунин аксияҳоро дар дигар минтақаҳои шаҳр низ баргузор намояд.

Рубрики
Асосӣ

ХУҶАНД: ИДОМАИ КОРҲОИ ТАРҒИБОТӢ ДАР МАҲАЛЛАҲИ ШАҲРИ ХУҶАНД

Тибқи нақшаи  Кумитаи иҷроияи Ҳизби Халқии Демократии Тоҷикистон дар шаҳри Хуҷанд оид ба шарҳи Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  ба Маҷлиси Олӣ имрӯз вохӯрӣ бо сокинони маҳаллаи “Навбаҳор”- и шаҳри Хуҷанд баргузор гардид.

Дар вохӯрии мазкур сармуҳаррири нашрияи ҳизбии “Шафақ” Назокат Юсуфова ширкат варзида, нуктаҳои асосии Паёми Пешвои миллатро шарҳ дод. Мавсуф зимни суханронии хеш афзуд, ки Паёми Пешвои миллат барои мо мардум роҳнамо ба сӯи ояндаи нек буда, ҳадаф аз он беҳбудии рӯзгори мардум, расидан ба зиндагии шоиста, дар корҳои созандиву бунёдкорӣ ва ободонӣ  саҳм гузоштан, нисбати хоинони ватан бетарафӣ зоҳир накардан ва муҳимтар аз ҳама некӯаҳволии мардум ва пойдории сулҳу оромӣ дар кишвар ба ҳисоб меравад.

Мақсад аз ташкил ва баргузории чунин мулоқоту вохӯриҳо байни аҳолӣ ин бедор кардани ҳисси ватандӯстӣ, масъулиятшиносӣ, хештаншиносӣ, худогоҳии миллӣ ва пешгирӣ намудани ҳаргуна корҳои номатлуб  дар байни ҷавонон буда, ба ин васила мо метавонем, Тоҷикистони саҳибистиқлоламонро боз ҳам ободтару зеботар намоем ва  дар рушду нумӯи он саҳми арзандаи хешро гузорем.