Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи

ХУҶАНД: АКСИЯИ ТОҶИКОНА МЕПӮШЕМБО ТАШКИЛОТИ ИБТИДОИИ “МАДАД”

Либоси миллӣ як рукни фарҳанги миллат ба шумор рафта, ёдгоре аз гузаштагон аст, ки дар тўли қарнҳо зебоиашро гум накардааст ва минбаъд низ гум нахоҳад кард. Ҷойи хурсандист, ки солҳои охир таваҷҷўҳи роҳбарияти мамлакат ба эҳёи ҳунарҳои мардумӣ, ташвиқу тарғиби либоси миллӣ зиёд гардидааст ва ин, бешубҳа, сабаб дорад.“Вақтҳои охир тамоюли бегонапарастӣ ва ба фарҳанги бегона майл намудани занону духтарони кишвар, ташвиқи либосҳои бегона дар баъзе шаҳру ноҳияҳои мамлакат низ ба як раванди ташвишовар табдил ёфтааст. Ҳисси бегонапарастӣ ва тақлидкорӣ дар мавриди сару либос ва рафтору гуфтор дар байни занону духтарон метавонад ба устувории рукнҳои фарҳанги миллӣ таъсири манфӣ расонад. Агар иддае ба хотири тақлид ба ин тарзи либоспўшӣ завқ пайдо карда бошанд, баъзеҳо бо мақсади таблиғи ақидаҳои таҳмилӣ ин либосро миёни занону духтарони мо паҳн карда, мехоҳанд дар кишвар боз як ҷараёни нави ифротиро ҷорӣ намоянд”.Мо тарафдори либоси миллии тоҷикон ҳастем ва аз ҷавонон даъват ба амал меоварем, ки ҳеҷ гоҳ бегонапарастӣ накарда, ба фарҳангу тамаддун ва арзишҳои милии тоҷикон эҳтиром гузоранд ва фирефтаи афкори як идда бадхоҳону бадандешон дар хориҷи кишвар нагарданд.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи Мақола

ПАНҶАКЕНТ: ҶОМЕАИ СОЛИМ АЗ ОИЛАИ СОЛИМ САРЧАШМА МЕГИРАД

Фалсафи ҳаёт ин аст, ки ҳар як инсон дар оила ба дунё омада, ба воя мерасад. Оре, бунёди оилаи солим, таъмини зиндагии орому осоишта ва бартараф намудани мушкилиҳо дар ҷомеаи муосир яке аз талаботҳои асосии пешрафти он буда, ҷиҳати баланд бардоштани маърифати оиладорӣ, омода намудани ҷавонон ба ҳаёти мустақилона ва пешгирии зуроварӣ дар оила ва вайроншавии онҳо чораҳои доимӣ бояд андешида шавад. Оила барои ҳар як шахс сарчашма барои рушди минбаъдаи ӯст. Бинобар ин дар байни ҳамаи чизҳои ҳаёти инсонӣ муҳимтарин ин оила мебошад. Ба вуҷуд омадани давлат низ аз оила оғоз мегардад. Аз ин ҷиҳат аз давраҳои қадим оила барпо намудан аз суннати деринаи иҷтимоист. Объекти асосии оила зану шавҳар ҳастанд. Онҳо баду неки зиндагиро мефаҳманд, пасту баландии ҳаётро бо ҳам тақсим мекунанд, аз буду набуди зиндагӣ сабр мекунанд ва барои зиндагии шоистаи худ пайваста талош меварзанд. Яъне хушбахтии зану шавҳар дар ҳамдигарфаҳмиву эҳтиром аст. Дар тавлиди оила никоҳ асоси он маҳсуб меёбад. Ҳам дини ислом ва ҳам қонунҳои давлат аз қайди никоҳ гузаштанро ҳатмӣ медонанд. Аммо сад афсӯс, ки ҳоло ҳам баъзе аз оилаҳо бе қайди ақди никоҳ оила барпо мекунанд, ки зидди қонуни давлат аст. Қонуни давлат бояд ҳамеша риоя карда шавад, зеро маҳз қонун ҳимоятгари ҳар як инсон аст. Бадтар агар ин гуна оилаҳо пош хӯранд, вақто ба мақомотҳои лозима барои ҳуқуқи фарзандонашон муроҷиат менамоянд, қонун ҳуқуқи онҳо ва фарзандони онҳоро чӣ тавр ҳимоя намояд? Охир онҳо расман аз рӯи қонун аз қайди никоҳ нагузаштаанд. Агар пурсед мегӯянд, ки мо никоҳи мусалмонӣ карда будем. Лекин ин барои барпо намудани оила ва мустаҳкамии он кифоя намекунад. Бояд ҳар як оила, ки асоси давлат аст аз қайди никоҳи давлатӣ гузаштанаш лозим. Зеро аз оила ҷамъият сар мешавад. Он сарчашмаи муқаддастарини ҳаёт, мактаби ҳаёт ва асоси рушди ҷамъияту давлат аст. Аз ин лиҳоз мо бояд кушиш кунем, ки оилаҳо солим бошанд ва хушбахтона умр ба сар бурда фарзандони аз ҷиҳати руҳи солим, меҳнатдӯст, ватанпарвар, умуман дорои хислатҳои ҳамидаи инсонӣ доштаро тарбия намоянд. Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон тадбирҳои хуберо барои ҳимои генофонди миллӣ, оилаи солим, таъмини зиндагии орому осоиштаи мардум эътироф кардаанд. 19 марти соли 2013 дар Ҷумҳурии Тоҷикистон “Қонун дар бораи пешгирии зӯроварӣ дар оила” қабул гардидааст. Мақсади Қонун ҳимояи ҳуқуқии оила ҳамчун асоси ҷамъият, танзими ҳуқуқии муносибатҳои вобаста ба пешгирии зӯроварӣ дар оила, мусоидат намудан ба татбиқи сиёсати давлатӣ оид ба пешгирии зӯроварӣ дар оила мебошад. Бибиам мегуфтанд, ки дар оила муаммоҳои гуногуни ҳаёт зиёданд, ин мушкилотҳоро танҳо дар ҳамдигарфаҳмӣ, оромона сӯҳбат кардан, ва ҳурмату эҳтироми ҳамдигар ҳал карда мешавад. Мушоҳида мекунам, ки имрӯзҳо дар оилаҳои ҷавон самимият, муҳаббат, ҳамдигарфаҳмӣ, эҳтиром ба ҳуқуқи ҳамдигар кам андар кам аст. Агар зану шавҳар муносибатҳои хуби оилавиро иҷро намоянд, ин рафтор ба фарзандон фарзандон таъсири худро мегузорад ва агар баръакс ҷангу ҷидол, сарзаниши ҳамдигар, айби туву айби ман гӯён моҷароҳо сар занад фарзандон парешонтахотир, асабӣ ва сустирода ба воя мерасанд, ки ба пошхӯрии оилаҳо этиологияи асосӣ шуда метавонад. Бадбиниҳо аз нифоқ хезад, Пирӯзи аз иттифоқ хезад . Ту ноз куниву ёри ту ноз, Чун ноз ду шуд талоқ хезад.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи Мақола

ЗАФАРОБОД: ИСТИҚЛОЛИЯТ-ҲАДИЯИ БЕБАҲОИ ТАЪРИХИСТ

Итиқлолият неъмати бебаҳост. Агар ба таърих назар андозем дар роҳи истиқлолияти давлатиро ба даст оварданд чи қадар фарзандони фарзонамиллати тоҷик ҷони худро аз даст додаанд, ки аз зумраи онҳо Спитамени шуҷоъ, Темурмалик, Деваштич ва садҳо дигар қаҳрамонон мебошанд. Баъд аз пош хӯрдани давлати Сомониён тоҷикон асрҳо зиёд дар зери таъсири дигар давлатҳо ҳаёт ба сар мебурдан. Гузаштагони мо машаққатҳои сангинро паси сар намуда зиндагони менамудаанд. Баъд аз пош хӯрдани ИҶШС хушбахтона соли 1991 Ҷумҳурии Тоҷикистон соҳибистиқлол гашт. Ҷумҳурии соҳибистиқлоли Тоҷикистон дар шароити мураккаби таърихӣ ташкил ёфта, ҳаёти навини худро оғоз намуд. Дар чунин давраи ҳассос кувваҳои гуногуни сиёсӣ роҳҳои ғайриконститутсиониро пеш гирифта, гирдиҳамоиҳои шадидро давом дода,соҳибистиқлолии ҷумҳуриро зери хатар гузоштанд.Халқи меҳнаткаши тоҷик ҳоло шаҳди итиқлолияти давлатиро начашида дар Ҷумҳурии соҳибистиқлоли Тоҷикистон соли 1992 ҷанги шаҳрвандӣ сар зад. Ҷанги шаҳрванди ҷангест, ки дар дохили як давлат шаҳрвандони як давлат бар зидди якдигар силоҳ мебардоранд. Аз ҷанги ҷаҳонӣ хаф ва хатари ҷанги шаҳрвандӣ калон аст, агар пеши роҳи ҷанги шаҳрвандӣ гирифта нашавад давлат аз байн меравад ва халқ пароканда мешавад. Маҳз бо хизматҳо Эмомалии Раҳмон соли 1997 бо ба имзо расидани аҳдномаи сулҳи тоҷикон ҷангӣ шаҳрвандӣ дар Тоҷикистон ба охир расид. Халқи тоҷик бо чунин роҳбари тавоно ва одил истиқлолияти давлатиро ҳифз ва пойдор намуд. Президенти Ҷумҳурии Тоҷикистон дар ин бора чунин гуфтаанд: “ Орзуи ба даст овардани мустақилияти миллӣ амали гашт. Истиқлолият ҳадияи бебаҳои таърих буда,устувору пойдор нигоҳ дошта тавонистани он масъулияти таърихии наслҳои имрӯза мебошад”.Истиқлолияти давлатии Ҷумҳурии Тоҷикистон зиёда 190 давлати дунё эътироф намуда аст. Ҳар як шаҳрванди Ҷумҳурии соҳибистиқлоли Тоҷикистонро зарур аст, ки ба қадри як каф хоки ватан бирасанд ва истиқлолияти давлатиро ҳифз намоянд.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи

Аксияи вилоятии “Тоҷикона мепӯшем”Либоси миллӣ-таҷассумгари фарҳанги миллӣ

Либоси миллӣ яке аз рукнҳои фарҳанги миллат ба шумор рафта, ёдгоре аз гузаштагон аст. Таърих гувоҳ аст, ки зан ва модари тоҷик дар ҳама давру замон посдори оину анъанаҳои муқаддаси миллат буд. Бояд гуфт, ки яке аз нишонаҳои асосии фарҳангу тамаддуни миллатҳои мухталифи дунё либоси миллии онҳост. Ба хотири ҳифз ва нигоҳдошти фарҳанги аҷдодӣ ва тарғиби либоси миллӣ имрӯзҳо дар саросари ҷумҳурӣ аксияи “Тоҷикона мепӯшем” баргузор гардида истодааст. Аъзоён – бонувони ҲХДТ дар вилояти Суғд низ ин иқдомро ҳамаҷониба дастгирӣ намуда, оғоз аз моҳи март либосҳои миллӣ ба бар намуда истодаанд.Дар пайравӣ ба аксияи мазкур кормандони кумиҷроияи вилоятӣ аз ҳисоби занон ҳамарӯза бо либосҳои миллӣ ба кор омада, ба ин амал ба аксияи мазкур ва ба либоси милли тоқикӣ эҳтиром гузошта истодаанд.Боиси хушнудист, ки солҳои охир таваҷҷуҳи роҳбарияти мамлакат ба эҳёи ҳунарҳои мардумӣ, ташвиқу тарғиби либоси миллӣ, рушду инкишоф додани онҳо дар миёни мардум зиёд гардидааст.Аз сарчашмаҳо аён аст, ки тоҷикон ҳамчун миллати ҳунарманд, шаҳрдор ва эҷодкор дар офариниши мероси бузурги тамаддуни башарият саҳми босазо гузоштаанд. Халқи тоҷик чун кошиф ва ихтироъкори абрешим, матоъҳои абрешимӣ, аз ҷумла атласи оламшумул дар ақсои олам шуҳратёр гаштааст. Ҳанӯз аз замонҳои қадим матоъҳои атласу адрас қимати баланд доштанду шоҳону сарватмандон ба ҳомиёну сарлашкарони худ ба нишони иззату икром пероҳанҳои зарбофти аз ҳамин матоъҳо омодашударо тақдим менамуданд. Баробари атласу адрас имрӯзҳо духтарони тоҷик либоси чаканро, ки бо нақшу нигори миллӣ оро дода шудааст, ба бар менамоянд, ки он ба занону бонувони тоҷик ҳусни дигар зам менамояд.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи Мақола

ТОҶИКИСТОН КИШВАРИ САЙЁҲӢ

Тоҷикистон сарзамини мардуми соҳибмаърифату маеҳмоннавоз ва кишвари дорои манзараҳои зебо буда, аз нигоҳу обу ҳаво, кӯҳҳои осмонбӯс, пиряхҳои азим, оби мусаффо, ҳайвоноту наботот ва урфу одатҳои мардумӣ дар олам нотакрор ва макони беҳтарини сайру саёҳат мебошад. Тоҷикистон, ки дорои манзараҳои зебову нотакрори муассир дорад, диққати сайёҳони ҷаҳонро ба худ ҷалб намудааст. Яъне дар Тоҷикистон ҷойҳои таърихиву бостоншиносӣ бисёр буда, барои гаштугузори сайёҳон шароити мусоид фароҳам оварда шудааст. Соҳаи сайёҳӣ ҳамчун яке аз самтҳои иқтисодиёти ҷаҳон ба ҳисоб рафта, дар манотиқҳои гуногуни дунё бисёр паҳн гардидааст. Ҷумҳурии Тоҷикистон иқтидори кофии рушди сайёҳии кӯҳӣ дошта, метавонад дар ин самт ба дастовардҳои назаррас ноил гардад. Аз масоҳати умумии Ҷумҳурии Тоҷикистон 93 дарсадро кӯҳсор ташкил медиҳад. Бо мақсади боз ҳам баланд бардоштани соҳаи саёҳӣ, истифодаи самараноки имкониятҳои мавҷуда дар ин самт, инкишофи инфрасохтори сайёҳӣ, беҳтар кардани сифати хизматрасонӣ, густариши раванди танзими давлатӣ ва дастгирии сайёҳии дохиливу хориҷӣ, ҷалби ҳарчи бештари онҳо ба ҷойҳои таърихиву бостонӣ муҳим аст. Тоҷикистон дорои мероси ғании таърихиву фарҳангӣ ва захираҳои табиӣ буда, барои ҷалби теъдоди зиёди сайёҳони хориҷӣ ба кишвар иқтидори воқеӣ дорад. Дар солҳои 2018-2023 барои рушди соҳаи сайёҳӣ ва ҳунарҳои мардумӣ чор лоиҳаи сармоягузории давлатӣ ба маблағи 330 миллион сомонӣ амалӣ гардида, илова бар ин, ба субъектҳои соҳа аз ҷониби низоми бонкии кишвар зиёда аз 300 миллион сомонӣ қарзи имтиёзнок ҷудо карда шудааст. Дар ин давра 1450 иншооти сайёҳӣ бунёд гардида, соли 2023 шумораи сайёҳон ба як миллиону дусад ҳазор нафар расидааст. Дар шаҳру ноҳияҳои ҷумҳуриамон растаҳо ва гӯшаҳои ҳанармандӣ, аз ҷумла, мағозаву бозорҳои фурӯши маҳсулоти истеҳсоли ватанӣ, ҳунарҳои мардумӣ ташкил карда шуда, маҳсулотҳои дастии ҳунармандони кишвар ба маъраз гузошта шудаанд. Бо кӯшишу талошҳои пайвастаи Асосгузори сулҳу ваҳдати миллӣ- Пешвои миллат, Президенти Ҷумҳурии муҳтарам Эмомалӣ Раҳмон иморатҳову биноҳи холии бекорхобида аз нав эҳё гардида, ба гӯшаи ҳунармандони дохилӣ табдил дода шуданд. Тавре Пешвои миллат муҳтарам Эмомалӣ Раҳмон дар Паёми навбатии худ дар бобати ҳунармандон чунин зикр намуданд: “Чӣ ҳунаре дорад, чӣ касбу донишу малакае дорад, нишон диҳад, истифода кунад ва бе кор нагардад”. “Бояд зикр намуд, ки соли 2023-юм 15 ёдгории таърихиву фарҳангии тоҷикон ба Феҳристи фарҳанги моддӣ ва ғайримоддии ЮНЕСКО ворид карда шуд, ки боиси эътибори бештар пайдо кардани фарҳанги бостонии миллати тоҷик дар байни ҷомеаи башарӣ гардид”. Дар Ҷумҳурии Тоҷикистон як қатор ҷойҳои таърихиву фарҳангӣ мавҷуд аст, ки диққати меҳмонону сайёҳони ватаниву хориҷиро ба худ ҷалб намудаанд. Аз ҷумла, дар ноҳияи Шаҳристон низ мавзеъҳои таърихиву фарҳангӣ ва сайёҳӣ вуҷуд доранд. Аз қабили ёдгориҳои таърихии бузурги шаҳраки Бунҷикат ба монанди Қалъаи “Қаҳ-Қаҳа”, кӯшки “Чилҳуҷра” мавҷуд буда, барои истироҳати сайёҳон мавзеъҳои “Моҳкӯл”, “Кенгқул”, “Хуррамдара”, “Сабздара” ва “Насими кӯҳсор”, инчунин мавзеъҳои истироҳатии “Маркази таълимии бонки миллии Тоҷикистон”, “Бодомча”, “Чашма”, “Парасту”, “Обшорон”, “Эделвейс” ва “Рӯдоба” зиёратгоҳҳои “Абӯбакри Сиддиқ”, “Ҳазрати Мулло”, “Оқтошбобо”, “Қӯтур бобо” ва “Туятош Бобо” ташкил карда шуда, барои сайёҳон шароити хуби замони муосир фароҳам оварда шудааст. Инчунин, дар ноҳия фаъолияти осоишгоҳҳо, хизматрасониҳои маишӣ ёдгориҳои таърихӣ ва дигар мавзеъҳои сайёҳӣ тибқи Барномаи рушди инфрасохторҳои сайёҳӣ фаъолият доранд. Ноҳияи Шаҳристон баъди баромадан аз нақби Шаҳристон то ба шаҳри Истаравшан тӯл мекашад ва метавон гуфт, он яке аз мавзеъҳои беҳтарини сайёҳии вилояти Суғд мебошад, ки аз дараҳову чашмасорону шар-шараҳо иборат буда, як ҳудуди паҳноҳои арчазорони ноҳия, ки дар баландиҳо ҷойгиранд, дар миқёси Тоҷикистон ҳамто надоранд. Дар ин мавзеъҳои сарсабзу хуррам барои сайёҳони дохиливу хориҷӣ пешниҳоди саёҳати экологиву куҳнавардӣ басо мувофиқ мебошад. Ҳамчунин, тавассути куҳҳои барфпӯши ноҳия сайёҳон имконият доранд, ки ба ноҳияҳои ҳамсарҳади Айниву Мастчоҳ ва баландкуҳҳои Деваштич сафар кунанд.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи

“ТОҶИКОНА МЕПӮШЕМ! ЛИБОСИ МИЛЛӢ – ЗЕБАНДА БА ЗАНОНИ ТОҶИК!

Бо мақсади арҷ гузоштан ба фарҳанги миллӣ ва эҳё намудани анъанаҳои неки ниёгонамон баҳри тарғибу ташвиқи либоси миллии тоҷикона аз тарафи Кумитаи иҷроияи Ҳизби Халқии Демократии Тоҷикистон дар шаҳри Хуҷанд аксия доир шуда истодааст. Он баҳри бедор кардани ҳиссси худшиносӣ ва худогоҳии миллии ҷавондухтарон равона гардида, ба ин васила мо метавонем онҳоро аз бегонапарастӣ огоҳ намуда, дар қалби эшон меҳанпарастӣ ва ҳувияти хештаншиносиро ҷой карда бошем. Либоси миллӣ ин муаррифгари миллати мост, бо ба бар кардани либоси тоҷиконаи адрасу атлас ва чакан мо худро ба ҷаҳониён миллати тоҷик буданамонро нишон медиҳем. Ба ин хотир имрӯз санаи 30-юми апрели соли ҷорӣ идомаи аксияи “Тоҷикона мепӯшем” бо роҳбарии мудири шуъбаи занони кумиҷроияи шаҳри Хуҷанд Дилрабо Қурбонова ташкил гардид. Дар аксияи мазкур занони фаъоли ҳизбӣ ва ҷавондухтарон бо либоси миллӣ иштирок намуда, дар маҳаллаҳои “Содирхон Ҳофиз” ва “Раззоқ”-и шаҳри Хуҷанд ва ҷойҳои серодам варақаҳои тарғиботӣ тақсим карданд. Ҳадаф аз ин баланд бардоштани маърифати фарҳангӣ, бохабар будан аз таърихи гузаштаи хеш, роҳ надодан ба бегонапастӣ ва ба роҳи рост ҳидоят намудани ҷавонон ба ҳисоб меравад.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи

СЕМИНАРИ ОМӮЗИШӢ


Нимаи дуюми рӯз бо иштироки мудири шуъбаи молияи дастгоҳи Кумитаи Иҷроияи Марказии ҲХДТ Файзизода Мирзоалӣ, раисону муҳосибони кумитаҳои иҷроияи ҲХДТ дар шаҳру навоҳии вилоят семинари омӯзишӣ баргузор гардид.
Семинарро муовини раиси Кумитаи иҷроияи ҲХДТ дар вилояти Суғд Фирдавс Салимов ҳусни оғоз бахшид.
Дар баромади Файзизода Мирзоалӣ усулҳои нави корбарӣ бо 1 ЕСмуҳосибӣ, раванди пардохти аъзоҳаққӣ ва дигар масъалаҳои марбут ба муҳосибӣ сухан гуфт.
Ҳамчунин вазъи молияи кумиҷроияи шаҳру навоҳии вилоят ба риштаи таҳлил кашида шуд.
Раисони кумиҷроия ва муҳосибон ба саволҳои худ посухи мушаххас гирифтанд.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи

БАРГУЗОРИИ МАҶЛИСИ РАЁСАТИ КУМИТАИ ИҶРОИЯИ ҲХДТ ДАР ВИЛОЯТИ СУҒД


Бо иштироки роҳбари дастгоҳи Кумитаи Иҷроияи Марказии ҲХДТ Абдураҳим Хонзода, мудири шуъбаи молияи Кумитаи Иҷроияи Марказии ҲХДТ Файзизода Мирзоалӣ, аъзои Раёсати Кумиҷроияи вилоятӣ, раисони кумитаҳои иҷроияи ҲХДТ дар шаҳру навоҳӣ маҷлиси Раёсати Кумитаи иҷроияи Ҳизби Халқии Демократии Тоҷикистон дар вилояти Суғд баргузор гардид.
Чорабиниро Раиси Кумитаи иҷроияи ҲХДТ дар вилояти Суғд Мирзоқосим Каримзода ҳусни оғоз бахшида, доир ба натиҷаҳои фаъолият дар давраи се моҳаи аввали соли 2024 гузориш дод. Таъкид гардид, ки масъулияти ҳизбиён ҷиҳати сазовор истиқбол гирифтани ҷашни 30 – солагии таъсисёбии ҲХДТ хеле боло рафта, диққати асосӣ барои тақвияти сафҳои ҳизб, таъсиси ташкилотҳои ибтидоӣ, тарғибу ташвиқи ғояҳои соҳибдавлатӣ ва баланд бардоштани эҳсоси худшиносиву ватанпарастии азъо равона гардидааст.
Дар музокира раиси КИ ҲХДТ дар шаҳри Гулистон Ҷамолиён Муслимахон Ғайбуллозода оид ба фаъолияти ҳизбиёни шаҳр ибрози андеша намуд.
Дар идома ҳозирин суханронии раиси кумитаи иҷроияи ҲХДТ дар шаҳри Панҷакент Мурод Шукурзода, раиси кумитаи иҷроияи ҲХДТ дар ноҳияи Деваштич Маъмурзода Равшаной, раиси кумитаи иҷроияи ҲХДТ дар ноҳияи Зафаробод Туйғун Шарифзодаро дар бораи ҷараёни амалисозии нақшаи чорабиниҳо оид ба таҷлили 30-солагии Ҳизби Халқии Демократии Тоҷикистон шуниданд.
Аз рӯи масъалаи сеюми ҷаласа- баррасӣ ва тасдиқи қарорҳои ташкилотҳои ибтидоӣ оид ба қабули (хориҷ, боздошт) аъзои ҳизб аъзои раёсат гузориши муовини раиси Кумитаи иҷроияи ҲХДТ дар вилояти Суғд Фирдавс Салимов гузориш дод. Ӯ зимни баромад гуфт, ки кумиҷроияҳои шаҳру навоҳии вилоятро мебояд, ки дар самти қабули аъзо, созмон додани ташкилоти ибтидоӣ мувофиқи дурнамо фаъолият баранд.
Раиси Кумитаи иҷроияи ҲХДТ Мирзоқосим Каримзода зимни вазифагузориҳо баён дошт, ки ҳизбиён дар самти баргузории чорабиниҳо, гирифтани пеши роҳи зиёдаравӣ, таасубу хурофотпарастӣ аз ҳар вақта дида зиёдтар масъулият ҳис намуда, барои ҷалби сифатноки бештари аъзо, раванди корҳои созандагӣ дар биноҳои маъмурии кумитаҳои иҷроияи шаҳру навоҳии Панҷакет, Шаҳристон, Деваштич ва Ҷаббор Расулов, самаранок истифода бурдани хоҷагиҳои ёрирасон бештар саъю талош варзанд.
Аз рӯи масъалаи чоруми рӯзнома – ҳайати нави аъзои ситод барои саривақт қабул намудани обуна мба нашрияҳои ҳизбии “Минбари халқ” ва “Сухани халқ” тасдиқ гардид.
Абдураҳим Хонзода дар фуроварди ҷаласаи Раёсат барои пешравии фаъолият якчанд дастурҳои судманд аз қабили омодагӣ ба маъракаи муҳими сиёсӣ – интихобот, низоми ҳуҷҷатгузорӣ, рафти хонишҳои сиёсӣ, ҳамкории самаранок бо ВАО дод.
Бо тасдиқи қарорҳои дахлдор чорабинӣ анҷом ёфт.

Рубрики
top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи

Иштирок дар чорабинии фарҳангиву таърихии “Қалъаи Хуҷанд”11.04.2024

11 апрел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷмааи фарҳангиву таърихии “Қалъаи Хуҷанд” дар чорабинии фарҳангӣ иштирок ва суханронӣ карданд. Сарвари давлат муҳтарам Эмомалӣ Раҳмон бори дигар мардуми сарбаланди Тоҷикистон ва сокинони шарафманди вилояти Суғдро ба ифтихори ҷашни муқаддаси ниёгонамон – Наврӯз, иди саиди Фитр ва баъди азнавсозӣ ифтитоҳ гардидани ёдгории таърихиву фарҳангии «Қалъаи Хуҷанд», ки туҳфаи арзандаи наврӯзӣ ба мардуми шарифи Тоҷикистон ва меҳмонони кишварамон мебошад, самимона табрик гуфтанд.Пешвои миллат таъкид карданд, ки тибқи сарчашмаҳои таърихӣ миллати тамаддунсози тоҷик дар масъалаҳои меъмориву ободкорӣ ва шаҳрсозиву шаҳрдорӣ собиқаи беш аз шашҳазорсола дошта, дар таърихи тамаддун ва фарҳанги башарӣ нақши мондагор гузоштааст.Таъкид гардид, ки Истиқлолу озодӣ барои мо имконият фароҳам овард, ки барои эҳё намудану муаррифӣ кардани таърихи бою рангини миллати бостонии худ иқдомоти шоистаро амалӣ намоем, анъанаҳои неки аҷдодиро идома дода, ба аҳли башар исбот созем, ки мо миллати тамаддунсозу соҳибфарҳанг, шаҳрдору шаҳрсоз, соҳибдевону соҳибқалам, соҳибкитобу соҳибмаърифат ва ҳамеша созандаву бунёдкор будем ва имрӯз низ ҳастем.Президенти мамлакат иброз доштанд, ки Ҳукумати мамлакат ба масъалаи эҳё кардану ҳифз намудан, нигаҳдорӣ ва тарғиби мероси таърихиву фарҳангӣ пайваста таваҷҷуҳ зоҳир мекунад.Дар давраи соҳибистиқлолӣ дар кишварамон зиёда аз 100 ёдгории таърихиву фарҳангӣ тармиму барқарор ва даҳҳо ҷашну чорабиниҳои сатҳи байналмилалӣ доир карда шуданд. Азнавсозии Қалъаи Муғ, шаҳраки Саразм, осорхонаи Панҷакенти бостонӣ, осорхонаи академик Бобоҷон Ғафуров, баргузории ҷашни шоири маъруфи тоҷик – Камоли Хуҷандӣ ва даҳҳо иқдому чорабиниҳои дигар дар вилояти Суғд аз ҷумлаи онҳо мебошанд.«Тоҷикистон ҳанӯз соли 1993 ба узвияти ЮНЕСКО – яке аз сохторҳои бонуфузи Созмони Милали Муттаҳид оид ба масоили маориф, илм ва фарҳанг пазируфта шуд.Минбаъд мо барои муаррифии иншооти таърихиву фарҳангии миллати тоҷик талошҳои зиёд ба харҷ додем», – таъкид карданд Сарвари давлат.Президенти мамлакат муҳтарам Эмомалӣ Раҳмон таъкид карданд, ки азнавсозии Маҷмааи фарҳангиву таърихии «Қалъаи Хуҷанд», ки имрӯз ифтитоҳ гардид, идомаи ташаббусҳои фарҳангпарваронаи Ҳукумати мамлакат мебошад.Имрӯз дар кишвари мо зиёда аз се ҳазор ёдгории таърихӣ мавҷуд аст, ки ҳар кадоми он таваҷҷуҳи олимони маъруфи ватаниву хориҷӣ ва сайёҳону меҳмононро ба худ ҷалб менамояд. Дар ин раванд, ба истифода додани Маҷмааи фарҳангиву таърихии “Қалъаи Хуҷанд” яке аз рӯйдодҳои муҳимми фарҳангии кишварамон дар оғози соли нави аҷдодӣ мебошад.Дар робита ба вазъи имрӯзаи ҷомеаи ҷаҳонӣ Сарвари давлат изҳор доштанд, ки мо бояд ҳарчи бештар кор кунем, заҳмат кашем, созем, Ватанамонро боз ҳам обод гардонем, истеҳсоли маҳсулотро афзоиш диҳем, коргоҳу корхонаҳои истеҳсолӣ бунёд намоем, барои ҳамдиёронамон ҷойҳои корӣ муҳайё кунем ва шиддати муҳоҷирати меҳнатиро то тавонем коҳиш диҳем.Дар фароварди суханронӣ Пешвои миллат муҳтарам Эмомалӣ Раҳмон бо итминон изҳор доштанд, ки мардуми заҳматқарини вилояти Суғд чун ҳарвақта аз уҳдаи ин корҳо ба хубӣ ва бо сарбаландӣ мебароянд.Баъди суханронии пурмӯҳтавои Президенти Ҷумҳурии Тоҷикистон муҳтарам Эмомалӣ Раҳмон чорабинии фарҳангӣ оғоз гардид.Чорабинии фарҳангӣ дар саҳни барҳавои Маҷмаи фарҳангиву таърихиии “Қалъаи Хуҷанд” баргузор шуд, ки дар он намояндагони Мақомоти иҷроияи ҳокимияти давлатӣ, аҳли ҷомеа, олимон, адибон, таърихшиносон, фаъолон, собиқадорон ва сокинони касбу кори гуногун зиёда аз 6 ҳазор нафар ширкат намуданд.Барномаи фарҳангӣ, театрикунонидашуда доир ба нақшу корномаи поягузори давлати Сомониён – Исмоили Сомонӣ, қироати шеърҳо, панду андарзҳо, гуфторҳои бузургони илму адаб доир ба таърихи халқу миллат, шукӯҳу шуҳрати воло, саодату хушбахтӣ, инсондӯстӣ ва васфи корномаҳои ибратомӯзи фарзандони миллат аз эҷодиёти Абӯабдуллоҳи Рӯдакӣ, Абулқосими Фирдавсӣ Абӯмаҳмуди Хуҷандӣ, Мирсаид Алии Ҳамадонӣ, Камоли Хуҷандӣ, Бобоҷон Ғафуров, Садриддин Айнӣ, Мирзо Турсунзода ва иқтибосҳо аз суханрониҳои Пешвои миллат муҳтарам Эмомалӣ Раҳмон пешниҳоди аҳли чорабинӣ гардонида шуд.Барномаи фарҳангӣ дар маҷмӯъ аз 18 қисм иборат буда, дар он бо истифода аз созҳои мусиқӣ, навои дилнишин “Савти муноҷот” бо рақси гулдухтарони ансамблҳои “Чаманоро”, “Маҳастӣ”, “Фалак”, гурӯҳи рақсии Театри давлатии мазҳакаи мусиқии ба номи Камоли Хуҷандӣ, сурудҳои “Шаҳнавози Рӯдакӣ”, “Ватан”, “Тоҷикистон-сарзамини обҳост”, “Ман барои васл кардан омадам”, “Наврӯзатон муборак”, “Қалъаи нанг”, “Ватан дорем”, “Хуш омадед”, “Ҳавасҳои дилам”, “Сомониям”, “Бақои миллат”, “Эҳёгари миллат”, ва ғайра, ки ҳар кадом мафҳуму маънии хоси миллӣ, васфу тараннуми Ватан, таърихи бою пурғоновати халқи тоҷикро инъикос менамуданд, пешниҳоди аҳли чорабинӣ гардонида шуд.Рафти иҷрои суруду таронаҳо ҳамзамон, гулдухтарони ансамблҳои “Зебо” ва “Парниён”, “Маҳастӣ”, ансамбли ба номи “Ғаффор Валаматзода”, “Гулноз”, “Садбарг” рақсу ҳунарнамоӣ намуданд.Дар имрӯза чорабинии фарҳангӣ беш аз 2000 нафар ҳунармандони бахши фарҳанги шаҳру ноҳияҳо, ансамблҳои рақсӣ иштирок ва ҳунарнамоӣ карданд ва ба чорабинӣ шукӯҳу маънии бештар зам намуд.Эҳё ва барқарорсозии Қалъаи Хуҷанд бо шаклу услуби хосаи меъморию миллии асли қадима, суханронии пурмӯҳтаво ва ҳидояту роҳнамоии ҳамагон ба ҳифзи фарҳангу арзишҳои миллӣ, тарғиби он ба ҷаҳониён, пос доштани хотираи неки ниёгон, тарбияи насли ҷавон дар чунин рӯҳияи нек ва баргузории чорабинии фарҳангӣ идомаи мантиқии сиёсати фарҳангпарваронаи Сарвари давлат мебошад.Баргузории чорабинии фарҳангӣ, ифтихори сокинони шаҳру ноҳияҳои вилояти Суғд ва кулли мардуми Тоҷикистон аз таваҷҷӯҳи рӯзафзун ба арзишҳои миллию таърихӣ шаҳодати сулҳу суботи комили мамлакат ва фазои ваҳдату осоиштагӣ дар мамлакат мебошад.Дар охир Президенти мамлакат муҳтарам Эмомалӣ Раҳмон ба таҳиягарон, ҳунармандон барои дар сатҳи хеле баланду пурмуҳтаво барпо намудани чорабинии фарҳангӣ арзи сипос карданд.Барномаи бошукуҳи чорабинии фарҳангӣ дар Маҷмааи фарҳангиву таърихии “Қалъаи Хуҷанд” бо оташфаввораҳои рангин ҳусни анҷом ёфт.

Рубрики
! Без рубрики top pay day loan Uncategorized Асосӣ Барномаҳо Кумитаи иҷроияи ҲХДТ дар ноҳияи

Ифтитоҳи Маҷмааи таърихиву фарҳангии “Қалъаи Хуҷанд” баъд аз таъмиру навсозӣ11.04.2024

11 апрел Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рӯзи сеюми сафари корӣ дар шаҳру ноҳияҳои вилояти Суғд дар шаҳри Хуҷанд ба Маҷмааи таърихиву фарҳангии “Қалъаи Хуҷанд” ташриф оварда, ин иншооти муҳташами таърихиро, ки ҳамчун рамзи мардонагиву диловарӣ ва хештаншиносиву ватандӯстии тоҷикон ном бароварда, дар ҳифзи озодӣ ва ҳаёти осоиштаи мардуми ин қаламрав ҳамчун истеҳкоми боэътимод нақши муассир бозидааст, баъди эҳё ва барқарорсозӣ мавриди баҳрабардорӣ қарор доданд.Дар даромадгоҳи қалъа Пешвои созандаю бунёдкор ва ободгару ваҳдатовари миллат муҳтарам Эмомалӣ Раҳмонро сокинони касбу кори гуногуни шаҳри Хуҷанд ва аҳли илму фарҳанги вилоят бо самимияту эҳтироми беандоза истиқбол гирифтанд.Тадбирҳои марбут ба эҳё ва барқарорсозии Қалъаи Хуҷанд дар ҷойи таърихии ин мероси гаронбаҳои бостонии халқи тоҷик бо ибтикору ҳидояти бевоситаи Президенти Ҷумҳурии Тоҷикистон муҳтарам Эмомалӣ Раҳмон дар давоми 6 сол бо сатҳу сифати баланд амалӣ гардид. Маврид ба таъкид аст, ки пеш аз оғози корҳои лоиҳакашӣ дар самти эҳё ва барқарорсозии Қалъаи Хуҷанд бо ҷалби мутахассисони Вазорати фарҳанг, Кумитаи меъморӣ ва сохтмон, бостоншиносону таърихнигорон ва этнографҳо дар ҷойи иншоот корҳои археологӣ, муҳандисӣ, топографӣ, геологӣ ва ҳафриёту таҳқиқоти илмию амалӣ гузаронида шуда, хулосаҳои амиқ ва дақиқ пешниҳод гардиданд. Бо ҳамин тартиб дар асоси пешниҳоди олимону мутахассисон корҳои эҳё ва барқарорсозии қалъа сурат гирифта, нишонаҳои таърихии ин ёдгории қадимӣ пурра ҳифз карда шуд.Тибқи маълумот, масоҳати умумии иншооти бунёдёфтаю барқароргаштаи Қалъаи Хуҷанд 6 гектарро ташкил медиҳад.Натиҷаи ковишҳои археологии чанд соли охир ва ба даст омадани бозёфтҳои нодир нишон медиҳанд, ки воқеан ҳам Қалъаи Хуҷанд дорои таърихи кӯҳан буда, ҳифзу нигаҳдории он барои муаррифии таъриху фарҳанг ва маданияти миллати тоҷик амри зарурию муҳим мебошад.Қалъаи Хуҷанд ба ҳайси истеҳкоми боэътимод, ки таърихи се ҳазорсола дорад, бо маблағгузории Мақомоти иҷроияи ҳокимияти давлатии вилояти Суғд эҳё ва барқарор карда шуд.Дар асоси лоиҳа деворҳои атрофи қалъа, арку дарвозаҳои он барқарор гардида, бунёди бинои маъмурӣ, растаҳои ҳунармандон, ошхонаи миллӣ, намунаи хонаву ҳавлиҳои қадимаи шаҳри Хуҷанд, меҳмонхонаву осорхона, чойхона, растаҳои болопӯшида барои омода намудани таомҳои миллии мардуми тоҷик, ҳаммому нуқтаҳои хизматрасонӣ ва дигар иншооти ёрирасон сохта шудааст. Аз ҷумла, дар қисмати ҷанубии Қалъаи Хуҷанд мутобиқ ба талаботи замони имрӯз 8 растаи барҳавои ҳунармандӣ ташкил гардида, дар онҳо маҳсули кори ҳунармандон, ба монанди навъу намудҳои зиёди маҳсулоти қаннодӣ, наққошӣ, кулолгарӣ, кундалнигорӣ, мусаввараҳо, кордҳои гуногун, қолинҳои дастӣ, либосҳои миллии мардонаю занона, адрасу атлас, маснуоти заргарӣ, армуғонҳо ва созҳои миллии мусиқӣ ба намоиш гузошта шудааст.Таъкид гардид, ки дар Суғди бостон аз қадим ҳунар ва маҳсули дасти ҳунарманд арзиши воло дошт ва меросбарони асили ин фарҳангу тамаддун, ки соҳиби маҳбубияти хосанд, дар ҳама давру замон барои рушду эҳёи ҳунарҳои мардумӣ талошу кӯшиши бештарро ба харҷ додаанд. Бо вуҷуди талош ва кӯшишҳои зиёд дар шебу фарози таърих қисми бештари ҳунарҳои мардумӣ ба гӯшаи фаромӯшӣ рафта, қариб буд, ки аз байн раванд. Аммо дар замони соҳибистиқлолӣ бо ташаббусу ибтикороти Пешвои миллат муҳтарам Эмомалӣ Раҳмон ҳунарҳои мардумӣ эҳё ва барои фаъолияти ҳунармандон шароити мусоид фароҳам оварда шуд, ки яке аз намунаҳои барҷастаи он бунёд ва ташкили растаҳои ҳунармандӣ дар Қалъаи таърихии Хуҷанд аст. Иқдоми беназири Роҳбари давлат боис ба он гашт, ки ҳунармандон дар ин растаҳо ба кори худ машғул бошанд ва ҳам маҳсули ҳунари худро ба меҳмонону сайёҳони зиёде, ки ба шаҳри Хуҷанд ва тамошои қалъаи муҳташами он меоянд, барои намоиш гузошта тавонанд.Мавриди зикр аст, ки имрӯзҳо дар шаҳру ноҳияҳои вилояти Суғд аз рӯи бештар аз 200 касбу ҳунарҳои мардумӣ маҳсулоти кори ҳунармандӣ истеҳсол карда мешавад ва дар минтақаҳо марказҳои ҳунаромӯзӣ ташкил гардида, пешниҳоди имтиёзу сабукиҳо имконияти фарохро барои рушди соҳа ба вуҷуд овард.Иттилоъ дода шуд, ки дар шаҳру ноҳияҳои вилояти Суғд имрӯзҳо бештар аз 15 ҳазор ҳунарманд фаъолияти назаррас доранд. Истеҳсоли маҳсулот ва маснуоте, ки аз ҷониби ҳунармандон омода мешавад, дар маҷмӯъ яке аз бахшҳои рушди соҳаи сайёҳӣ ба ҳисоб рафта, ба вазъи иқтисодии ҳунармандон ва некуаҳволии аҳолӣ таъсири амиқ мегузорад.Дар ин мавзеъ таъсиси ошхонаи миллӣ барои ҳифзу эҳё ва муаррифии таомҳои миллӣ муҳиму саривақтӣ арзёбӣ мешавад. Бинои муҳташаму мунаққаши толорҳои намоишии таъриху фарҳанги халқи тоҷик, ки дар масоҳати зиёда аз 3 ҳазору 365 метри мураббаъ қомат афрохтааст, аз як гумбази асосӣ, ду гумбази миёна ва 4 гумбази хурд иборат мебошад. Дар ороиши бино, ки 5 толори намоишӣ дорад, санъати миллии меъмории тоҷик, ба монанди кандакорӣ, наққошӣ, кундалкорӣ, коркарди бадеии чӯб, санг, гачкорӣ, кошинкорӣ, буриш ва ғайра ба таври васеъ истифода шудааст.Дар толори “Ҳавзаи илмӣ – адабии Хуҷанд”, ки бо санъати миллии меъморӣ наққошӣ шудааст, вобаста ба ҳаёту фаъолияти олимони Хуҷандшаҳр, шоирони номвари тоҷик ва ҳунармандони машҳур маълумот гирдоварӣ шуда, дар васфи Хуҷанд ва қалъаи он гуфторҳои олимону зиёиёни замони гузашта ва имрӯз, суханронии Пешвои миллат муҳтарам Эмомалӣ Раҳмон оид ба таърихи қалъа ва дигар маводи зарурӣ мавҷуд мебошад. Дар ҳамин толор муҷассамаи 4 шахси номвари Хуҷанд – Зиёуддини Порсӣ, Шайдои Хуҷандӣ, Садруддини Хуҷандӣ ва Султон Умаров, инчунин нигораҳо вобаста ба илму адаб, аз қабили дастхатҳо, қаламдон, лавҳ, даводдон, кӯзачаву обдастаҳои навиштаҷотдор ба намоиш гузошта шудааст. Толори “Санъати тасвирӣ ва ҳунарҳои амалӣ” харитаи маҳаллаҳои ҳунармандони шаҳри Хуҷанд ва акси ҳунармандони чирадасти вилоят ва қисме аз намунаи ҳунарҳои мардумӣ, ба монанди ҳунари рассомӣ, кашидадӯзӣ, мисгарӣ, кундалсозӣ ва созҳои мусиқиро дар бар мегирад.Толори “Истиқлоли Тоҷикистон” аз барелеф, ки аз тарафи ҳунармандон Даврон Раҳматзод ва Мунира Турсунова омода гардидааст, шурӯъ мегардад. Ин барелеф аз эълон гардидани Эъломияи Истиқлолият оғоз гардида, дар он давраҳои ҷанги шаҳрвандӣ, раванди Иҷлосияи тақдирсози XVI Шӯрои Олии Ҷумҳурии Тоҷикистон, роҳбари давлат интихоб шудани муҳтарам Эмомалӣ Раҳмон, татбиқи ҳадафҳои стратегӣ, таҳкими ваҳдати миллӣ, сиёсати дохилию хориҷии кишвар ва ташабуссҳои ҷаҳонии Пешвои миллат инъикос ёфтааст. Дар қисмати таҳхона толори намоиши бозёфтҳои бостонии минтақаи миёнаоби Сирдарё, сиккаҳои гуногуни давраҳои таърихӣ ва дигар нигораҳо ҷойгир карда шуда, ҳамзамон ҷой барои баргузории конфронсу ҷаласаҳо, мулоқоту вохӯриҳо, ҳуҷраҳои хизматию техникӣ ва устохонаҳои рассомӣ мавҷуд мебошад. Бо назардошти арзиши гарони таърихӣ доштани нигораҳои гирдовардашуда, Сарвари давлат муҳтарам Эмомалӣ Раҳмон масъулинро вазифадор намуданд, ки ба хотири ошно намудани шаҳрвандони кишвар, насли наврасу ҷавон ва сайёҳони дохиливу хориҷӣ бо таъриху тамаддуни бой, фаъолияти маҷмааро бештар тарғиб намуда, мутахассисони беҳтаринро барои муаррифии гӯшаҳои он ҷалб намоянд. Ибтикороти дигаре, ки дар қисми шимолу шарқии қалъа амалӣ карда шуд, бунёди маҳаллаи Хуҷанди қадима мебошад. Хонаву ҳавлиҳо асосан мансуби табақаи коргар, тоҷиру ҳунарманд ва дигар қишри ҷомеаи мадании шаҳр буда, эҳё ва бунёди он имкон фароҳам меорад, ки анъанаҳои қадимаи шаҳрнишинӣ дар Хуҷанд ба ҷаҳониён муаррифӣ карда шавад. Бунёди намунаи хонаву ҳавлиҳои қадимии шаҳри Хуҷанд асосан бо маслиҳату тавсияи этнографҳо амалӣ карда шуд. Ин хонаҳо пурра бо маводи табиӣ, аз ҷумла лойу гил ва чӯб сохта шуда, дарвоза, сутун ва сақфи манзилҳои қадима пурра кандакорӣ шудаанд ва амалҳои нақшу нигорро асосан рассомони соҳибтаҷриба иҷро намудаанд. Дар ин маҳаллаи қадима истифодаи самараноку оқилонаи заминҳои наздиҳавлигӣ низ намунаи ибрат ва қобили ситоиш аст. Этнографҳо ба он назаранд, ки ин ҳавлию хонаҳо тарзи ҳаёт, рӯзгордорӣ ва фаротар аз он суннату анъанаҳои сукунати мардуми шаҳрро дар давраҳои таърихӣ инъикос менамояд ва амалӣ намудани ин иқдоми мазкур дар ташаккули санъати миллии меъмории халқи тоҷик, ки ҷаҳониён эътироф кардаанд, нақши бориз дорад. Аз ин пас дар ин 8 ҳавлии қадима, ки масоҳати ҳар кадоми он 6 садяк заминро дар бар мегирад, ҳунармандон ба хаттотӣ, кундалнигорӣ, рассомӣ, наққошӣ, қолинбофӣ, адрасбофӣ, сӯзанидӯзӣ, дуредгарӣ, дӯзандагӣ, сангтарошӣ, оҳангарӣ ва кулолгарӣ машғул мешаванд. Дар ин ҷо ҳамзамон ҳаммом, меҳмонхона ва чойхонаи миллӣ ҳамчун рукни маҳалладории таърихӣ сохта шудааст.Дар чойхонаи миллӣ, ки дар ҳудуди Қалъаи Хуҷанд барои 60 нафар пешбинӣ гардидааст, иҷрои ҳунари волои кандакорӣ, гачкорӣ, кундалнигорӣ ва наққошии бемисл ба зебогии намои берун ва дохили бино шукӯҳи бештар бахшида, Пешвои миллат муҳтарам Эмомалӣ Раҳмон ба кори ҳунармандон баҳои баланд доданд. Дар шафати чойхонаи миллӣ ҳамзамон растаи омода кардани нону самбӯсаҳои гуногун ва номгӯи зиёди таомҳои миллӣ бо фарогириии чор оташдон ва танӯр сохта шудааст.Майдони қалъа ва роҳравҳои дохили он бо истифода аз сангҳои Хорои Хуҷанд дар масоҳати 12 ҳазору 500 метри мураббаъ оро дода шуда, масоҳати кабудизоркунӣ бошад, 5 ҳазор метри мураббаъро ташкил медиҳад.Дар ҳудуди қалъа бунёди ду фаввораи калон ва чор суҳбаткадаи чӯбӣ, ки аз ҷониби ҳунармандони чирадасти шаҳри Исфараи вилояти Суғд бо роҳнамоӣ ва маслиҳату машварати Усто Бӯрҳон ба таври барҷаста кандакорӣ карда шудааст, ба зебогии ин мавзеи таърихию фарҳангӣ шукӯҳу шаҳомати бештар мебахшад. Дар раванди эҳё ва барқарорсозии Қалъаи Хуҷанд зиёда аз 20 ширкати сохтмонӣ, шумораи зиёди ҳунармандони чирадасти тоҷик иштирок намуда, сифати корҳои марбут ба эҳё ва барқарорсозӣ дар ин иншооти таърихӣ зери назорати доимии фармоишгар – Идораи сохтмони асосии Мақомоти иҷроияи ҳокимияти давлатии вилояти Суғд қарор дошт. Корҳои созандагиву ободкорӣ ва нигаҳдории ёдгориҳои таърихӣ, ки бо иқдому ташаббусҳои бевоситаи Сарвари давлат муҳтарам Эмомалӣ Раҳмон анҷом меёбанд, таваҷҷуҳи сайёҳону дӯстдорони таъриху фарҳанги бостонии тоҷиконро бештар кардааст.Маврид ба ёдоварист, ки аз таърихи Қалъаи Хуҷанд натанҳо мардуми кишвар, балки ҷаҳониён воқифанд. Дар ҳудуди қалъа дар рафти корҳои ҳафриётӣ як чанд қабатҳои мадании таърихӣ, аз ҷумла боқимондаҳои девори архаикии шаҳри Хуҷанд, боқимондаи ҳуҷраи нигоҳдории зироати ғалладонагӣ ва зарфҳои бузургҳаҷми гилӣ, ки муттааллиқ ба асрҳои ҳафт-чори пеш аз мелод мебошад, пайдо гардидааст. Кашфи қабатҳои мадании таърихӣ дар қисмати поёнии кушки ҳокимнишин бозгӯи он аст, ки Қалъаи Хуҷанд таърихи 3 ҳазорсола дорад. Ёдовар мешавем, ки Қалъаи таърихии Хуҷанд дар маркази шаҳр, дар соҳили рости дарёи Сир воқеъ мебошад. Ҳамзамон бояд гуфт, ки Қалъаи Хуҷанд аз ҷониби Кумитаи рушди сайёҳии мамлакат ба рӯйхати 10 мавзеи ҷолиби сайёҳии Тоҷикистон шомил гардидааст.