Метка: Кумитаи иҷроияи ҲХДТ дар вилояти Суғд

Тибқи нақшаи шуъбаи ҷавонони Кумитаи иҷроияи Ҳизби Халқии Демократии Тоҷикистон дар вилояти Суғд дар  ташкилотҳои ибтидоии ҳизбӣ бо ҷавонон ва занон вохӯриву мулоқот доир гардида истодааст. Мақсад аз баргузории чунин мулоқоту вохӯриҳо тарғибу ташвиқи барнома ва фаъолияти ташкилотҳои ҳизбӣ, пешгирии шомилшавии ҷавонон ба ҳизбу ҳаракатҳои ифротгаро, пешгирӣ аз хурофот, тарғиби таҳаммулгароӣ, хештаншиносиву ватандӯстӣ мебошад.

Чунин вохӯрӣ дар маҷлисгоҳи Муассисаи давлатии таълимии Коллеҷи тиббии шаҳри Хуҷанд ба номи Ю.Б. Исҳоқӣ бо донишҷӯён баргузор гардид.

Тарғиботчиёни Кумитаи иыроияи  Ҳизби Халқии Демократии Тоҷикистон дар вилояти Суғд Абдумавлон Азимов – устоди Донишгоҳи иқтисод ва савдои Донишгоҳи тиҷорати Тоҷикистон дар шаҳри Хуҷанд, Моҳира Раҳимзода – котиби масъули нашрияи “Сухани халқ”, Назирҷон Мирмуллоев – мудири шӯъбаи ҷавонони Кумитаи иҷроияи ҲХДТ дар вилояти Суғд, Дилрабо Қурбонова – мудири шуъбаи кор бо занони КИ ҲХДТ дар шаҳри Хуҷанд, Манзура Раҳимова – ҷонишини директор оид ба корҳои тарбиявии МДТ Коллеҷи тиббии шаҳри Хуҷанд бо донишҷӯёни коллеҷ мулоқот намуда, перомуни масъалаҳои зикршуда баромад намуданд.

Сароғоз муовини раиси ТИ ҳизбии “Сино” Анбарой Волидова оид ба фаъолияти пурсамари ҲХДТ таҳти роҳбарии Раиси муаззами ҲХДТ муҳтарам Эмомалӣ Раҳмон дар пешрафт ва ободии кишвар сухан кард.

Тарғиботчиён перомуни мавзӯҳои мухталиф, аз ҷумла тарбияи дурусти ҷавонон дар самти худшиносиву меҳанпарастӣ, ватандӯстиву хештаншиносӣ, омӯзиши таърихи навини миллати тоҷик, пешгирӣ аз ҳама гуна ҳодисаҳои номатлуб ва ғайраҳо андешаронӣ карданд.

Дар фарҷом чанд нафар аъзои ТҶҶ “Созандагони Ватан” фикру мулоҳизаҳои худро баён намуданд ва миёни тарғиботчиён ва донишҷӯён мубодилаи афкор сурат гирифт.

Вохӯрӣ дар фазои ҳусни тавоҳум анҷом пазируфт.

Сӣ сол муқаддам дар толори таърихии “Қасри Арбоб” Иҳлосияи ХVI Шўрои Олии Ҳумҳурии Тоҳикистон баргузор гардид, ки ҳадафи асосии он ба низом даровардани авзои мураккаби сиёсӣ, беҳтар намудани вазъи иқтисодию иҷтимоии мамлакат ва барқарор кардани сохти конститутсионӣ буд.

Ин иҷлосия дар сарнавишти миллати мо нақши муҳим ва муассир бозидааст, ки аҳамияти он дар таҳкими сулҳу суботи кишвар дар айёми соҳибистиқлолӣ беназир дониста мешавад. Метавон ин иҷлосияро ҳамчун пойдевор ва Кохи мўҳташами сулҳ дар Тоҳикистон ном ниҳод.  Беҳтарин ва муҳимтарин амал баҳри рушди Истиқлолияти кишвар 16-уми ноябри соли 1992 дар Қасри Арбоби шаҳри Хуҷанди бостонӣ баргузор гардидани Иҷлосияи 16-уми Шўрои Олии Ҷумҳурии Тоҷикистон мебошад.

Ин иҷлосия ва асноди ҳуқуқии он дар ҳифзи давлатдории миллӣ ва инкишофи ниҳодҳои демократӣ дар Тоҷикистон нақши муайянкунанда бозид. Президенти Ҷумҳурии Тоҷикистон муҳтарам Эмомалӣ Раҳмон ҳанўз соли 1993 нақш ва мавқеи Иҷлосияро ба сифати рўйдоди сарнавиштсози миллат муайян намуданд, зеро он дар кишвар гардиши куллие ба вуҳуд овард.

Дар он шабу рўз роҳбарияти нави Тоҷикистон пас аз омўзиш ва таҳлили ҳамаҷонибаи вазъият бо мақсади раҳоии кишвар аз бўҳрони сиёсӣ, иқтисодӣ ва иҷтимоӣ ба кори мақсадноку самаровар оғоз кард. Дар пеш вазифаҳои гуногун гузошта буданд, ки яке аз онҳо такмил додани қонунгузории миллӣ ба ҳисоб мерафт. Иҷлосияи 16-ум дар таърихи халқи тоҷик ҳамчун гардиши куллӣ ба сўи хотима бахшидан ба ҷанги бародаркуш, пойдории миллати тоҷик, шаклдиҳии давлати ҳуқуқбунёд, демократӣ ва дунявӣ дар Тоҳикистон ворид шуд.  Бешубҳа, Иҷлосияи 16-уми Шўрои Олии Ҳумҳурии Тоҷикистон фазои нави сиёсӣ буда, дар таърихи миллати тоҷик саҳифаи наверо боз намуд. Маҳз ҳамин Иҷлосияи тақдирсоз бақои миллатро таъмин намуда, дастгоҳи нави давлатиро, ки омили пешрафту тараққиёти ҷомеа мебошад, рўи кор овард.

Дар маҷмуъ, Иҷлосияи 16-уми Шўрои Олӣ 74 қонун, қарор ва фармон ба тасвиб расонд, ки ба таҳкими пояҳои давлатдорӣ, инкишофи сохторҳои демократӣ, таҳкими ризояти ҷомеа ва ваҳдати миллӣ замина гузошта, эътимоду бовари мардуми Тоҷикистон ва ҷомеаи ҷаҳониро ба вуҳуд овард.

Ин ҳуҷҷатҳои муҳим ва қабули Қонун “Дар бораи гурезагон”, ки ба онҳо амнияти шахсӣ ва ёрии моддиву имтиёзҳои имконпазирро кафолат медоданд, бори дигар собит сохтанд, ки роҳбарияти нави Ҳукумати Тоҷикистон бо сарварии Эмомалӣ Раҳмонов тарафдори сулҳу осоиш аст ва баҳри сохтани ҷомеаи ҳуқуқбунёду демократӣ азму талош дорад ва ҳимояи           шарафи инсонии ҳар фардро вазифаи аввалиндараҷаи худ медонад.

Дар Иҷлосия ҳукумате таъсис ёфт, ки таҳти сарварии Пешвои миллат дар як муддати кўтоҳ тавонист оташи ҷанги дохилиро хомўш намуда, сохтори фалаҷгардидаи ҳокимият, хусусан мақомоти ҳифзи ҳуқуқро барқарор сохта, Артиши миллӣ ва нерўҳои посбони сарҳадро таъсис диҳад, аксарияти гурезаҳо ва муҳоҷирони иҷбориро ба Ватан баргардонад ва ислоҳоти конститутсиониро дар мамлакат амалӣ созад. Ҳар сол Истиқлолияти давлатии Ҷумҳурии Тоҷикистон дар фазои орому осуда сурат мегирад. Ҳама пешрафту нумўи давлати феълии тоҷикон аз файзу баракати Иҷлосияи 16-уми Шўрои Олии Ҷумҳурии Тоҷикистон сарчашма мегирад, зеро маҳз ҳамин Иҷлосия чун субҳи босафо бар шоми миллат ғолиб омада, барои хушбахтии мардум заминаи мусоид фароҳам овард. Бори дигар сокинони манотиқи гуногуни кишварро ба дурандешиву бунёдкорӣ ҳидоят намуд.

Хуллас, ҳар рўзе, ки сипарӣ мешавад, барои мо, як навъ, азхудкунии асосҳои давлату давлатдории муосир ва гузаштан ба ҷомеи демокративу дунявиро талқин мекунад. Вазифаи ҳар фарди ҷомеа, бахусус ҷавонони кишвар  аз он иборат аст, ки баҳри оромии ҷомеа ва ҳифзи сарватҳои Тоҷикистони азиз саҳми худро гузорад. Шодию нишот, бахти баланди одамон ба воситаи дўстиву рафоқат пайдо мегарданд.

Назирҷон МИРМУЛЛОЕВ,

мудири шуъбаи ҷавонони КИ ҲХДТ

дар вилояти Суғд

                            Устодону омӯзгорони арҷманд!

Дар кишвари мо ҳамасола рӯзи якшанбеи аввали моҳи октябр Иди касбии омӯзгорон бо шукӯҳу шаҳомати хоса таҷлил карда мешавад. Гиромидошт аз заҳмату меҳнати софдилонаи омӯзгор ҳамчун афрӯзандаи шуълаи илму дониш ва маърифату маънавиёт гувоҳи равшани таваҷҷуҳи доимӣ ва хоссаи Ҳукумати мамлакат ба соҳаи илму маориф мебошад.

Дар Паёми Асосгузори сулҳу ваҳдати миллӣ – Пешвои миллат, Президенти мамлакат, Раиси муаззами ҲХДТ муҳтарам Эмомалӣ Раҳмон махсус таъкид доштанд: « Ояндаи мамлакат аз фаъолияти омӯзгор ва рушди илму маориф вобастагии зиёд дорад. Дар хотир бояд дошт, ки танҳо миллати босавод метавонад насли соҳибмаърифату донишманд ва кадрҳои арзандаи давронро ба воя расонад, пеш равад ва дар ҷомеаи мутамаддин мақоми арзандаи худро пайдо намояд».

Маврид ба зикр аст, кидавраи соҳибистиқлолии Ватанамон барои муассисаҳои ҳамаи зинаҳои таҳсилот марҳилаи сифатан нав гардид. Бунёди беш аз 2000 мактабу муассисаҳои томактабӣ, роҳандозӣ гардидани Барномаҳои мушаххас дар самти баланд бардоштани сатҳ ва сифати таълим бозгӯи гуфтаҳои болоӣ мебошанд.

Хеле хушоянд аст, ки дар вилояти Суғд низ ба заҳмату меҳнати суботкоронаи омӯзгор мунтазам ғамхорӣ зоҳир мегардад. Ҳамасола ҷудо намудани қитаъаҳои замини наздиҳавлигӣ, ҳавасмандсозии омӯзгорони пешраву навовар, таъсиси ҷоизаҳои Раиси вилоят барои “Беҳтарин муассисаи таълимӣ”, “Беҳтарин муассисаҳои таълимии томактабӣ”, “Омӯзгори беҳтарини сол”, “Мутахассиси ҷавони беҳтарини сол”, ҳавасмандии омӯзгороне, ки шогирдонаш дар озмуну олимпиадаҳои сатҳи байналмилалӣ ҷойҳои ифтихориро соҳиб мегарданд, роҳхати ройгон барои омӯзгорон ба осоишгоҳҳо аз дастгириҳои давлат ва Ҳукумати кишвар далолат медиҳад.  

Таҳким бахшидани иқтидори илмии кишвар, неруи зеҳнии қишрҳои фаъоли ҷомеа, ҷорӣ кардани ихтироот дар истеҳсолот, устувор гардонидани пояҳои моддиву техникии муассисаҳои таълимӣ, баланд бардоштани сифати таълим дар ҳамаи зинаҳои таҳсилот, ҷалби боз ҳам васеи истеъдодҳои ҷавон ба омӯзиши технологияҳои муосир ва корҳои эҷодиву техникӣ аз вазифаҳои асосии ҲХДТ маҳсуб мешавад.

Кумитаи иҷроияи Ҳизби Халқии Демократии Тоҷикистон дар вилояти Суғд дар фаъолияти ҳаррӯзаи худ дастгирии кормандони соҳаи маорифро эҳсос мекунад. Зеро дар сафи ҳизбиёни вилоят шумораи кормандони соҳаи маориф хеле зиёданд.

 Хоссатан дар маъракаҳои муҳими сиёсӣ масъулият ва салоҳияти Шумо – омӯзгорон зиёдтар эҳсос мегардад. Шумоён дар баробари тарбияи камолоти маънавии насли худогоҳи миллат, ҳамзамон дар баланд бардоштани эҳсоси худшиносӣ ва дӯстдории Ватан дар ҷомеа хидмати шоиста анҷом медиҳед.

Бо камоли эҳтиром дар ин рӯзи фарахбахш ҳамаи Шуморо аз самими дил табрику муборакбод намуда, бароятон саломатии бардавом, рӯзгори пурнишот ва дар фаъолияти пуршарафатон  муваффақиятҳои беназир хоҳонем.

Ҷашни касбиатон муборак, омӯзгорони азизу гиромӣ!

 Дар “Кохи фарҳанги Ҷамоати деҳоти Ҳайдар Усмонов”-и ноҳияи Бобоҷон Ғафуров, Аксияи ҷумҳуриявии  “Албом- Эстафета” таҳти унвони  “30 соли созандагӣ бо Пешвои муаззами миллат” бахшида  ба 30 – солагии Иҷлосияи 16- Шӯрои олии Ҷумҳурии Тоҷикистон бо иштироки Раиси ноҳияи Бобоҷон Ғафуров Давлатзода Зафарбек, собиқадорони ҳизбу меҳнат, иштирокчиёни Иҷлосияи XVI Шӯрои Олии Ҷумҳурии Тоҷикистон,  ҷавонони фаъол – аъзоёни ТҶҶ “Созандагони Ватан” баргузор гардид. Ҳамоишро Раиси Кумитаи иҷроияи Ҳизби Халқии Демократии Тоҷикистон дар вилояти Суғд Исмоилзода Зуфар Муртазохон ҳусни ифтитоҳ бахшид.

Мавсуф оид ба аҳамияти таърихии Иҷлосияи 16-уми Шӯрои Олии Ҷумҳурии Тоҷикистон сухан намуда қайд намуд, ки сӣ сол муқаддам дар ҳамин толори таърихӣ Иҷлосияи ХVI Шӯрои Олии Ҷумҳурии Тоҷикистон баргузор гардид, ки ҳадафи асосии он ба низом даровардани авзои мураккаби сиёсӣ, беҳтар намудани вазъи иқтисодию иҷтимоии мамлакат ва барқарор кардани сохти конститутсионӣ буд. Ин иҷлосия дар сарнавишти миллати мо нақши муҳим ва муассир бозидааст, ки аҳаммияти он дар таҳкими сулҳу суботи кишвар дар айёми соҳибистиқлолӣ беназир дониста мешавад.

Метавон ин иҷлосияро ҳамчун пойдевор ва Кохи  мӯҳташами  сулҳ дар Тоҷикистон ном ниҳод. Дар иҷлосия ҳайати нави сиёсии кишвар бо сарварии муҳтарам Эмомалӣ Раҳмон интихоб гардид, ки минбаъд барномаи мукаммали аз бӯҳрони сиёсӣ, иқтисодӣ, фарҳангӣ ва маънавӣ баровардани кишварро таҳия  ва дар амал татбиқ намуд. Ин иқдоми бузург заминаи эҳёи миллиро фароҳам овард ва хатари парокандагии давлати тоҷиконро аз миён бардошт.

Сипас Раиси ноҳияи Бобоҷон Ғафуров Давлатзода Зафарбек ба сухан баромада қайд намуд, ки маҳз қасри таърихии Арбоб, ки аз маҳбубтарин мавзеи хушобу ҳаво ва таърихии ноҳияи Бобоҷон Ғафуров маҳсуб мешавад, ба олами сиёсат шахсиятеро овард, ки бо дониши баланди фитрӣ, маҳорати хоссаи ташкилотчигӣ, ҳисси баланди миллӣ ва диловарию шуҷоатмандӣ тавонист давлати фалаҷгаштаро ҷон ва нерӯ бахшад, дар дили сокинон умед ба фардои неки миллатро бедор созад. Аз ин хотир дар қатори миллионҳо сокинони кишвар мардуми ваҳдатшиори ноҳияи овозадори ба номи Бобоҷон Ғафуров ифтихр аз он доранд, ки маҳз дар ҳамин ноҳия як чеҳраи мондагори таърих муаррифӣ шуданд.

    Иштирокчии Иҷлосияи 16-Шӯрои Олии Ҷумҳурии Тоҷикистон Муродҷон Тоҳиров   аз таърихи Иҷлосия ёдовар шуда баён намуд, иҷлосияи 16 – уми Шӯрои Олии Ҷумҳурии Тоҷикистон дар шароити хеле ҳассос ва вазнини кишвар доир гардида, бо вуҷуди он, ки он дар минтақаи аз лиҳози амнияти ором доир шуда бошад, ҳам аз ҳар як иштирокчии Иҷлосия, далериву шуҷоматмандиро тақозо мекард. Он масъалаҳое, ки дар рӯзномаи кори ҷаласа бояд баррасӣ мешуданд, маҳз бо талош ва самараҳои фаъолияти вакилон вобастагии калон дорад.

Дар ҳамоиш  Сардори Раёсати кор бо ҷавонон ва варзиши вилояти Суғд Каримзода Мирзоқосим,  гирандаи степендияи Президенти Ҷумҳурии Тоҷикистон Хуршед Турсунов сухан намуданд. 

Бояд зикр намуд, ки Аксияи мазкур бо ташаббуси Кумитаи Иҷроияи Марказии Ҳизби Халқии Демократии Тоҷикистон ва дар ҳамбастӣ бо Мақомоти иҷроияи ҳокимияти давлатии вилояти Суғд доир гардида, он дар тамоми қаламрави ҷумҳурӣ баргузор мегардад. 

Сипас  ба хатмкунандагони курси мактаби захираи кадрҳои кумиҷроияи ноҳияи Бобоҷон Ғафуров шаҳодатнома супориданд. Пас аз намоиши  қисми фарҳангии чорабинӣ ҳамоиши ҷавонон таҳти унвони “30 соли созандагӣ бо Пешвои муаззами миллат” бахшида ба 30 – солагии Иҷлосияи XVI Шӯрои Олиии Ҷумҳурии Тоҷикистонро аз номи Кумитаи иҷроияи  ҲХДТ дар вилояти Суғд ҳусни анҷом бахшид. 

Дар маҷлисгоҳи Кумитаи иҷроияи ҲХДТ дар вилояти Суғд таҳти раёсати Раиси Кумитаи иҷроияи вилоятии ҳизб Исмоилзода Зуфар Муртазохон бо иштироки кормандони масъули дастгоҳи кумиҷроияи вилоятӣ, раисони кумиҷроияҳои шаҳру навоҳии вилоят ҷаласаи кумиҷроия баргузор гардид.

Исмоилзода Зуфар Муртазохон дар оғози ҷаласа вобаста ба омодагиҳо ба ҷашни 30 – солагии Иҷлосияи XVI Шӯрои Олии Ҷумҳурии Тоҷикистон сухан ронда, таъкид дошт, ки ҷиҳати истиқболи ин санаи мубораки таърихӣ дар ҳамаи ташкилотҳои ҳизбӣ силсилаи мулоқотҳо бо иштирокчиёни Иҷлосия, баргузории чорабиниҳои фарҳангиву варзишӣ вусъат бояд гирад.

Мавсуф дар идомаи ҷаласа аз рафти қабули обуна ба нашрияҳои ҳизбӣ, пардохти ҳаққи узвият,  зиёд намудани таъдоди аъзо аз ҳисоби фаъолони ҷомеа ва дар ин замина таъсиси ташкилотҳои ибтидоӣ, падохти саривақтии ҳаққи узвият, таъсиси хоҷагиҳои ёрирасон дар назди кумиҷроияҳои шаҳру ноҳияҳои Исфара, Истаравшан, Истиқлол ва Кӯҳистони Масчоҳ, вусъати корҳои оғози сохтмони бинои маъмурӣ дар кумиҷроияҳои ноҳияҳои Шаҳристон ва Деваштич, ҷоннок намудани фаъолияти ТҶҶ “Созандагони Ватан” ва қабули наврасону ҷавонон ба сафи он, тақвияти фаъолияти кори Шӯрои собиқадорони ҳизб дар шаҳру навоҳии вилоят ва ҷалби онҳо ба корҳои тарғиботию ташвиқотӣ,  вусъат бахшидани корҳои тарғиботию ташвиқотӣ ва баланд бардоштани эҳсоси ватандории ҷавонон  ҷиҳати ҷалби онҳо ба сафи Қувваҳои Мусаллаҳи Ҷумҳурии Тоҷикистон, инъикоси саривақтии хабару гузороишҳо, навиштани мақолаҳои баландмазмун оид ба нақш ва мақоми Иҷлосия дар рушди давлатдории навини кишвар, фаъол будан дар шабакаи иҷтимоӣ, вокуниш нишон додан ба мақолаҳои бӯҳтоангез, тақвияти кори кибердружинаҳо,  омодагӣ ба мавсими тирамоҳу зимистон, низоми ҳуҷҷатгузорӣ ва интизоми ҳизбӣ сухан ронда, барои ислоҳи камбудиҳо ба раисони кумиҷроияҳо ва масъулони дастгоҳи кумиҷроияи вилоятӣ супоришҳо дод.

Таъкид гардид, ки табодули таҷрибаи кори кумиҷроияҳо барои боз ҳам хубтар ҷараён гирифтани фаъолияти ҳизбӣ таккони ҷиддие хоҳад бахшид. Мавсуф дар ин ҷода баргузории Рӯзҳои ҳизбро махсус қайд намуда, аз раисони ба тозагӣ таъингардидаи кумиҷроияҳои шаҳру навоҳии Исфара, Спитемен, Ҷаббор Расулов, Масчоҳ даъват ба амал овард, ки аз рафти ҳуҷҷатгузорӣ, кор бо аъзо, ҳолати ташкилотҳои ибтидоии кумиҷроияҳои шаҳру ноҳияҳои Конибодом, Бӯстон, Зафаробод ва Ашт дидан намоянд.

Исмоилзода Зуфар Муртазохон дар идомаи кори ҷаласа аз иқдоми Кумитаи иҷроияи Марказии ҲХДТ ва мақомоти иҷроияи ҳокимияти давлатии вилояти Суғд доир ба баргузории ҳамоиши ҷумҳуриявии “Албом – эстафета”-ро таҳти унвони “30-соли созандагӣ бо Пешвои муаззами миллат” ёдовар шуда,  қайд намуд, ки дар сатҳи баланд бо иштироки раисони шаҳру навоҳии вилоят,  иштирокчиёни Иҷлосияи таърихӣ, аъзои фаъол, ҷавонон баргузор гардидани чорабинӣ барои баланд бардоштани нақш ва мақоми ҳизб дар ҷомеа таккони бузург хоҳад бахшид.

Имрӯз, 1 сентябри соли ҷорӣ дар МТМУ №17 ба номи О.Сафарови ҷамоати деҳоти Оббурдони ноҳияи Мастчоҳ бахшида ба Рӯзи дониш чорабинии тантанавӣ баргузор гардид. Дар ин ин чорабинӣ мудири шуъбаи ҷавонони Кумитаи иҷроияи Ҳизби Халқии Демократии Тоҷикистон дар вилояти Суғд Назирҷон Мирмуллоев, мудири шуъбаи ҷавонони КИ ҲХДТ дар ноҳия Хусрав Ашӯрзода, намояндаи шуъбаи маориф Маърупов Ботурхоҷа ва намояндаи ҷамоати деҳоти Оббурдон Абдухалил Раҳмонов иштирок доштанд.

Чорабиниро директори муассиса Сафаров Бурҳон ифтитоҳ бахшида меҳмонро муаррифӣ намуд. Баъдан ба таври мухтасар доир ба дастовардҳои шогирдон дар давоми соли хониши 2021-2022 ба таври мухтасар маълумот дод. Қайд гардид, ки дар соли таҳсили гузашта дар олимпиадаи ҷумҳуриявӣ шогирдони муассиса 16 ҷои ифтихориро соҳиб гаштанд. Ҳамчунин дар соли равон дар озмуни Спитендияи Президентӣ шогирдони мо 8 ҷои ифтихориро соҳиб гардиданд, ки ин натиҷаи аз ҳама баланд дар миқёси ноҳияро ташкил медиҳад, – таъкид дошт директори МТМУ №17 Сафаров Бурҳон

Назирҷон Мирмуллоев Паёми табрикотии Раиси Кумитаи иҷроияи ҲХДТ дар вилояти Суғд Исмоилзода Зуфар Муртазохонро қироат намуда, таъкид дошт, ки «соҳаи маориф чун соҳаи калидӣ пайваста дар мадди назари давлат ва Ҳукумати Ҷумҳурии Тоҷикистон қарор дошта, бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Раиси муаззами ҲХДТ муҳтарам Эмомалӣ Раҳмон ҷиҳати фароҳамоварии шароити зарурӣ, баланд бардоштани сатҳу сифати таълим дар саросари кишвар тадбирҳои муассир амалӣ мегарданд.

Хусрав Ашӯрзода –мудири бахши ҷавонони КИ ҲХДТ дар ноҳия Паёми табрикотии раиси ноҳия Аъзам Ализодаро қироат намуда, таъкид намуд, ки«Баҳри баланд бардоштани худшиносии миллӣ, тақвияти ҳисси худогоҳӣ, арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корнамоиҳои шоистаи ниёгони халқамон дар тӯли таърих ба ҳар як хонадони миллати тоҷик ройгон тақсим намудани ганҷинаи миллати тоҷик, китоби “Тоҷикон” ва таъсис додани озмуни нави ҷумҳуриявии “Тоҷикон”-оинаи таърихи миллат” аз ҷониби Пешвои миллат ҳамаи мо –тоҷиконро, аз ҷумла сокинони ноҳияи Мастчоҳро водор месозад, ки ҳарчи бештару хубтар таъриху тамаддуни ҳазорсолаи ниёгон, корномаҳои бузургони таърихамонро, ки баҳри якпорчагии ватан ҷангидаанду ҷоннисориҳо кардаанд, шиносему ба ояндагон омӯзонему мерос гузорем».

Паёми табрикотии мудири шуъбаи маориф ва раиси ҷамоати деҳоти Оббурдон аз ҷониби шахсони масъул қироат гардид. Баъдан дар толори муассиса хонандагону омӯзгорон Дарси сулҳи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дастаҷамъона ба муносибати Рӯзи дониш тамошо намуданд.

 

 

 

 

Дар таърихи давлатдории навини тоҷикон яке аз санаи сарнавиштсоз   Рӯзи Ваҳдати миллӣ маҳсуб меёбад, ки дар баробари истиқлолияти давлатӣ ҷойгоҳ ва мақоми махсус дорад. Шарҳи воқеии ин ду санаи таърихиро Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба таври зайл бозгӯ кардаанд:

«Яке аз музаффариятҳои бузурги даврони Истиқлолият ноил гаштан ба ваҳдати миллӣ мебошад. Маҳз ваҳдати миллӣ ба мо имкон дод, ки то имрӯз корҳои бузургеро ба анҷом расонем».

Барномаи навбатии “Назаре ба оина” – “Ҷавонони  Ваҳдатсаро”  номгузорӣ гардид. Дар барнома  аъзоёни ТҶҶ “Созандагони Ватан”, мудирони шуъбаи ҷавонони КИ ҲХДТ дар шаҳру ноҳияҳо ширкат варзиданд. Мудири шуъбаи ҷавонони КИ ҲХДТ дар вилояти Суғд Назирҷон Мирмуллоев дар барномаи “Назаре ба оина” оид ба  Ваҳдати миллӣ сухан намуда иброз  дошт:- Мо имрӯз ҷавонон бо ифтихор сарвари кишвар Эмомалӣ Раҳмонро “МЕЪМОРИ СУЛҲУ ВАҲДАТ“ менамоем. Чун ҳамаи мо ҷавонон воқиф ҳастем 27-уми июни соли 1997 дар шаҳри Маскав Созишномаи умумии истиқрори сулҳ ва ризояти миллӣ дар Тоҷикистон ба имзо расид. Маҳз бо кӯшишҳои пайгиронаи Пешвои миллат, Асосгузори сулҳу ваҳдати миллӣ, Президенти кишвар Эмомалӣ Рахмон миллати парешон сарчамъ омад, мамлакат обод шуд, пеш рафт, гул-гул шукуфт ва имрӯз дар чеҳраи ҳар фарзанди тоҷик нишоту хурсандист , ваҳдату сулҳ падидор аст.

Ҳақиқатан Ваҳдати миллӣ шукуфоиии Ватан аст, зеро дар давлате, ки сулҳу амонӣ ва дӯсти ҳукумфармост, он давлат рӯз то рӯз гул-гул мешукуфад, иқтисодиёташ тадриҷан меафзояд, ҳам аз ҷихати сиёсӣ ва ҳам аз ҷихати фарҳангӣ пеш меравад:- ин нуктаро мутахассиси шуъбаи таблиғот ва иттилоот Ёсуман Аҳадова дар барнома иброз намуд.

Инчунин ҷавонони Ваҳдатсаро  дар барнома дар васфи сулҳу Ваҳдат шеърҳо қироат намуда ваъда доданд, ки дар пайравии Пешвои муаззами миллат Эмомалӣ Раҳмон Ватанро  обод намуда баҳри Ватан софдилона хизмат мекунанд.  Дар фарҷом ровии барнома Муҳаёхон Шарипова ба  мардуми шарифи кишвар даъват ба амал оварданд, ки ба  қадри соҳибватанӣ ва озодӣ, ва аз ҳама муҳимаш сулҳу суботи ҷомеа ва давлат бирасанд.

Ёдрас мешавем, ки барномаи мазкур шоми 14-июни соли 2022  19:00 тариқи телевизиони вилояти  Суғд намоиш дода мешавад.

     Дар толори хобгоҳи Донишкадаи политехникии Донишгоҳи техникии Тоҷикистон ба номи М.Осимӣ дар шаҳри Хуҷанд мулоқот бо ҷалби донишҷӯён ва омӯзгорони донишкада доир ба даъвати ҷавонон ба сафи Қувваҳои мусаллаҳи Ҷумҳурии Тоҷикистон, баланд бардоштани маърифати ҳуқуқии шаҳрвандон, пойдории фазои қонуният дар кишвар, пешгирии содиршавии зуҳуроти номатлуб аз ҷониби ҷавонон ташкил ва баргузор карда шуд.

Дар мулоқот муовини Раиси Ҳизби Халқии Демократии Тоҷикистон дар вилояти Суғд Замира Мансурӣ ва як қатор фаъолони ҳизб иштирок ва суханронӣ намуданд.

Аз ҷумла, Замира Мансурӣ доир ба фикру ақидаҳои ғаразноки ҳизбу ҳаракатҳои террористӣ ҷиҳати ҷорӣ намудани урфу одати ба миллати мо бегона ва ба ин васила барҳам додани арзишҳои миллӣ ва Тоҷикистон, доир ба тарбияи дурусти фарзандон, баланд бардоштани ҳисси ватандӯстии наврасону ҷавонон, пешгирии ҷалби ҷавонон ба гурӯҳҳои террористӣ, истифодаи дурусти шабакаҳои иҷтимоӣ, доир ба мураккабшавии вазъи сиёсии аксар кишварҳои ҷаҳон ва таъсири он ба Тоҷикистон, талаботҳои санадҳои меъёриву ҳуқуқии Ҷумҳурии Тоҷикистон доир ба пешгирии фаъолияти ҳизбу гуруҳҳои террористӣ ибрози ақида намуда, аз аҳли нишаст даъват ба амал овард, ки ҷиҳати нигоҳдошти тартиботи ҷамъиятӣ ва ҳифзи арзишҳои миллӣ мо бояд аз тамоми имкониятҳо истифода намоем.

Ҳамзамон, дар мулоқот як қатор донишҷӯёни фаъол низ доир ба маҳкум намудани амалҳои ҳизбу ҳаракатҳои террористӣ ва саҳм гузоштан дар ҳифзи сулҳу субот ва ободии кишвар ибрози ақида намуданд.

  Имсол аз анҷоми набардҳои шадиду хунин ва фоҷиабори Ҷанги дуюми ҷаҳон, ки Ҷанги Бузурги Ватании солҳои 1941-1945 ва ғалаба бар фашизм марҳалаи асосиву ҳалкунандаи он буд, ҳафтоду хафт сол сипарӣ мешавад. Ва имрӯз сокинони Тоҷикистон мисли тамоми мардуми сулҳхоҳи олам солгарди ин санаи таърихиро ботантана ҷашн мегиранд.

Иди Ғалаба барои тамоми мардуми сайёра, аз ҷумла халқи тоҷик санаи бисёр муҳим ва воқеан тақдирсозу таърихӣ мебошад.

Асосгузори сулҳу ваҳдат, Пешвои муаззами миллат, Президенти ҶТ мўҳтарам Эмомалӣ Раҳмон,  Ҳукумати мамлакат, дар навбати худ, доир ба нигоҳубину парастории собиқадорони ҷангу меҳнат ва ҳалли масъалаҳои иҷтимоии онҳо мунтазам чораҷӯӣ менамояд.

Зеро пос доштани хотираи фарзандони шуҷои Ватан ва ғамхорӣ дар ҳаққи онҳое, ки ба хотири ҳимояи Ватан ва  зиндагии осудаи наслҳои имрӯзу ояндаи халқамон ҷонбозиву фидокориҳо кардаанд, вазифаи инсонии мо ва ҳар як фарди бонангу номуси ҷомеа мебошад.

Бо ибтикори КИ ҲХДТ дар вилояти Суғд бо ҳамкории СМ1 ва Радиои “Пайванд” бахшида ба Ғалабаи бузурги солҳои “1941-1945” санаи 9 май дар боғи фарҳангиву фароғатии “Камоли Хуҷандӣ” чорабинии идона баргузор гардид.

Дар рафти чорабинии идона ба тамоми меҳмонону ҳозирини чорабинӣ  ҷавонони ТҶҶ “Созандагони Ватан” гречка-паловро тақсим намуданд.Дар фарҷом чорабинии мазкур бо консерти идона  хотима ёфт.

Дар доираи  “Рӯзҳои ҳизбиёни вилоят”дар ноҳияи Спитамен дар маҷлисгоҳи осорхонаи таърихии кишваршиносии “Курушкада”-и ноҳияи Спитамен маҷлиси Раёсати КИ ҲХДТ дар вилояти Суғд бо роҳбарии Раиси кумитаи иҷроияи ҲХДТ дар вилояти Суғд Исмоилзода Зуфар Муртазохон бо иштироки аъзоёни раёсати кумитаи иҷроияи вилоятӣ, раисон ва муҳосибони кумитаҳои иҷроияи ҲХДТ дар шаҳру ноҳияҳои вилояти Суғд баргузор гардид. Маҷлисро Раиси КИ ҲХДТ дар вилояти Суғд ҳусни ифтитоҳ бахшида қайд намуд, ки Кумитаҳои иҷроияи шаҳру ноҳияҳо фаъолияти худро дар асоси Барнома, қарорҳо ва дастуру ҳидоятҳои Раиси ҳизб, Асосгузори сулҳу ваҳдати миллӣ- Пешвои миллат, муҳтарам Эмомалӣ Раҳмон, Паёми Президенти Ҷумҳурии Тоҷикистон ба Маҷлиси Олии мамлакат, Оинномаи Ҳизби Халқии Демократии Тоҷикистон ба роҳ монда, дар семоҳаи якуми соли 2022 корҳои муайянро ба иҷро расониданд. Дар идомаи сухани хеш Исмоилзода Зуфар Муртазохон иброз намуд, ки барои роҳандозӣ намудани ташвиқу тарғиби дастовардҳои Ҳукумати Ҷумҳурии Тоҷикисон байни қишри ҷомеа, Паёми Президенти мамлакат, ки ҳамасола  аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ба Маҷлиси Олии Ҷумҳурии Тоҷикистон ироа мегардад, дастуру раҳнамои кору зиндагӣ барои тамоми соҳаҳои хоҷагии халқи кишвар ва ҳар сокини кишвар маҳсуб меёбад. Вобаста ба ташвиқу тарғиби пешгирии афкору андешаи ғайр, манъи ташвиқи бегонапарастӣ, боло бурдани ҳисси ватандӯстӣ ба омӯзиши таъриху фарҳанги гузаштаву муосири халқ, таблиғи таҷрибаи пешқадами чеҳраҳои шинохтаи ҳизб ва ба қишри ҷомеа расонидани мӯҳтавои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон аз ҷониби кумитаи иҷроияҳо ва ташкилотҳои ибтидоӣ як қатор корҳои фаҳмондадиҳӣ ба анҷом расонида шудаанд.

Сипас оид ба фаъолияти КИ ҲХДТ дар шаҳру ноҳияҳои ш.Конибодом, н.Спитамен, н.Мастчоҳ бобати вусъати корҳои тарғиботиву ташвиқотӣ муовини раиси кумитаи иҷроияи ҲХДТ дар вилояти Суғд Мансурӣ Замира баромад намуд.

Барои амалӣ намудани Барномаи дурнамои ҳизбӣ кумитаҳои иҷроияи шаҳру ноҳияҳо ҳамкории зичро бо вакилони мардумии ҳизбӣ ба роҳ мондаанд. Доири ин масъала вакили Маҷлиси вакилони халқи вилояти  Суғд аз ҳавзаи интихоботии Пӯлодон, №18 Шокиров Абдураим Абдусалимович  баромад намуд.

Инчунин дар маҷлис оид ба ҳамкориҳо бо ташкилотҳои байналмиллалӣ ва муҳоҷирати меҳнатӣ, Раиси кумитаи иҷроияи ҲХДТ дар шаҳри Хуҷанд Маликисломӣ Наим Мунаввар маълумот дод.

 Дар идомаи маҷлис оид ба вазъи молиявӣ, пардохти аъзоҳаққӣ дар КИВ, КИ ҲХДТ дар шаҳру ноҳияҳои Истаравшан, Истиқлол, Исфара, Бӯстон, Гулистон, Мастчоҳ, Деваштич, Зафаробод, Шаҳристон, Раиси собиқадорони КИ ҲХДТ дар вилояти Суғд Зокиров Саидбой баромади таҳлилӣ намуд.

Дар фарҷоми маҷлис Раиси КИ ҲХДТ дар вилояти Суғд Исмоилзода Зуфар Муртазохон андешаҳои хешро оид ба фаъолияти минбаъдаи кумитаи иҷроияи шаҳру ноҳияҳо иброз намуда ба иштирокдорони маҷлиси Раёсати КИ ҲХДТ дар вилояти Суғд барору  комёбиҳо таманно намуд.