Рубрики
Асосӣ

Деваштич: Сулҳ пойдор бод!

            На ҳар иттилооти дар воситаҳои ахбори омма ва шабакаҳои Интернетӣ ба самти аҳолӣ пешкашшуда қадру қиммат ва эътиборро соҳибанд. Зеро нафароне ҳастанд, ин воситаҳоро барои ақидаҳои нопоки хеш ба минбари озод табдил додаанд. Албатта, онҳо хонандагону пайравони худро ҳам то ҷое доранд. Аммо хонандагони ин иттилоот ё мардуми зудбоваранд ё гумроҳшуда. Муҳити осудаи тоҷикро бо нашри якчанд маводи тӯҳматомез бесомон сохтан имконнопазир аст. Зеро, мардуми тоҷик солҳои навадум таҷрибаеро аз сар гузаронид, ки дигар боварии ин мардумро чунин нафарон ба даст оварда наметавонанд.           

           Зеро, бар асари боварашон садҳои  ҳамватанони мо гурезаву садҳо ҳалоку бехонумон гаштанд. Ин ҳамачун, ду даҳсола пеш аст, ҳоло ҷароҳатҳои мардум хуншор аст, онҳо ба Шумо бовар намекунанд, аз Шумо ҳазар мекунанд. Зеро мардуми тоҷик имрӯз ба ҷашни Ваҳдату Истиқлолияти давлатӣ омодагӣ мебинад, нерӯгоҳҳои барқиро сохта, аз коми торикӣ ба равшанӣ расид, орзуи хондани фарзандонаш дар мактабҳои бонуфузро дораду дасти модаронаш дар дуои тинҷиву амонист. Шумо киро ҳидоят мекунеду сафсатаҳои бофтаатонро ба ки ҳикоят мекунед. Шумо кистед? Барои халқи тоҷик чӣ кор кардед? Шумо як кор кардед, ки на танҳо имрӯзу фардо ҳатто таърих кори хиёнаткоронаи Шуморо ба мисли Яҳудову хоинони дигар ҳаргиз фаромӯш нахоҳад кард.   

             Шумо нанги миллатед, зеро санг сӯи кишвари пешрафтаистодаи хеш меандозеду бар ивазаш аз хоҷагони хориҷии худ маблағҳои бедардимиёнро ба даст оварда, шоҳона зиндагонӣ мекунед. Шумо ҳатто ҳис намекунед, ки дар Тожикистон мардум бо меҳнати ҳалол зиндагӣ мекунанду тоқати шунидани калимаи ҷангро надоранд. Бигзор, дар Тоҷикистон сулҳ пойдор бошад!

Рубрики
Асосӣ

МАРДУМИ БАДАХШОН, ТАҲАММУЛГАРО БОШЕД!

ВОКУНИШ.Ҳамаҷониба густариш бахшидани худшиносиву худогоҳии миллū, ҳисси ватандўстиву ватандории мардум ва баланд бардоштани маърифати сиёсиву ҳуқуқии аҳолии кишвар, бахусус, ҷавонону наврасон яке аз ҳадафҳои имрўзаи рушди давлатдории миллū маҳсуб мешавад. Дар чунин вазъият масъулияти азими таърихū ва рисолати  шаҳрвандии мо аз он иборат  аст, ки давлати ҷавони миллū, истиқлолияти он ва ҷомеаи худро аз ҳар гуна пайомадҳои манфū эмин нигоҳ дорем.

Дар шаҳри Хоруғ як қисм ҷавонони гумроҳи хоинони миллат гашта мехоҳанд , ки нооромиҳоро нисбати кишварамон ба амал оваранд. Ин воқеияти талх моро вазифадор менамояд, ки корҳои пешгирū ва фаҳмондадиҳиро боз ҳам пурзўр намоем. Дар ин марҳилаи ҳассос ҷавонон бояд ҳамеша омодаи мудофиаи марзу буми Ватан бошанд, ба дассисаю фиреби доираҳои манфиатхоҳи бегона дода нашаванд ва Ватанро аз ҳар гуна таҳдиду хатарҳо ҳифз намоянд. 

Мардуми сарбаланди Бадахшон Шумо мардуми бофарҳанг ва бомаданият ҳастед, ки аз қарнҳо босаводии шумоёнро қайд кардан ба маврид аст, аммо имрӯзҳо гирди шумо нохалафе чарх мезанад, ки шумоёнро  гумроҳ гардонида истодааст, ки маданият ва тинҷию осудагии шуморо аз байн бурда истодааст. 

 Шумо гумроҳи нохалафон, террористон ва хунхуроне ҳастед, ки барои нотинҷию нооромии модарону хоҳарони шумо саъйю талош доранд, магар модари тоҷик, зани ҷангдидаи солҳои пешин ин саҳнаҳои даҳшатоварро бори дигар дидан мехоҳад? Хоҳарони паршикаставу фарзандони бепадармонда чунин ҳолатро мехоҳанд?

Бас кунед ифрогарони нохалаф, хоки тоҷиконро пур аз хун накунед, фарзанди мардумро гумроҳ зери панҷара накунед! Аз дур истода ин ҷавонони бечораро ба шур андохтед, видеороликҳои шабакаҳои иҷтимоӣ дилхунам мекунад. Махсусан дар вазъияти кунунӣ, ки гурӯҳҳои ифротгару хоини беватан мехоҳанд халалдори сулҳу суботи мо гарданд, дар ин маврид мо бояд ҳушёриро аз даст надода, аз як гиребон сар бароварда нагузорем, ки шахсони нохалаф, террорист ва ифротгар бо гуфтаҳои маразинаш фикрҳои моро парешон намоянд, бояд дастаҷамъона, оқилона зери партави супоришҳои сарвари давлат Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ҳаракат намоем, чунки мо пайрави Пешвои созандакор ҳастем. Рузҳое, ки ба давлату миллати мо аз ҷониби гуруҳҳои палиду беимон, беватану бесавод шуришҳо меандохтанд фаромуш нахоҳад гашт ва то ҳануз бо фитнаву найранги хеш мехоҳанд зиндагии мардумро талх созанд ва бо нияти нопоки худ пояҳои истиқлолияти давлатиро заиф гардонанд, аммо мо нахоҳем гузошт то, ки ин гуна ашхоси беватан ба давлати тинҷу осудаи мо халал ворид созанд, чунки мо ҷавонони созандакор, бо тарбия, соҳибмаърифату ватандӯстдор дорем ва алалхусус зери кору пайкори сарвари давлат Асосгузори сулҳу ваҳдати миллӣ Пешвои миллат Ҷаноби Олӣ муҳтарам Эмомалӣ Раҳмон фаъолият менамоем. 

 Чи хеле ки медонем ва огаҳ ҳастем, душман ҳилагару маккор аст ва бояд ақлҳоро кор фармонд, то ки фирефтаи гуфтаҳову найрангҳои ашхоси бадхоҳ нагардем ва барои осоиштагии миллат саҳми созгоре дошта бошем. Зиндаву поянда бод Тоҷикистони азизамон! 

Равшаной Маъмурзода 

Раиси КИ ҲХДТ дар ноҳияи Деваштич.

Рубрики
Асосӣ

ДЕВАШТИЧ:Ваҳдат поянда бод!

Ваҳдати миллии тоҷикон ганҷи бебаҳоест, ки бо ранҷу машаққати зиёд ва гузашта аз он, дар натиҷаи ҷонбозиву қурбониҳои ҳазорон нафар фарзандони фидоии миллат ба даст омадааст. 

                                                                                       Эмомалӣ Раҳмон.

Воқеан ҳам зебогии Ватан пораи бузурги хушбахтии мо аст, пораи дигар ин зиндагии осуда ва оромиву суббот дар Ватан мебошад.

Имрӯз бо қаноатмандиву ифтихор изҳор медорам, ки ҳанӯз аз оғози соҳибистиқлолӣ тамоми талошу пайкори Асосгузори сулҳу ваҳдати миллӣ –  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар ҷодаи бунёди давлатдории миллӣ ва таҳкими пояҳои истиқлолият ба ҳамин матлабу мақсади олӣ, яъне таъмини ваҳдату ҳамдигарфаҳмии мардуми Тоҷикистон асос ёфта, дарки ягонагии сарнавишти таърихӣ ва ҳифзи асолати милливу фарҳангӣ дар маркази фаъолияти мо қарор дошт.

       Роҳи бунёди давлати демократӣ, ҳуқуқбунёд, дунявӣ ва ташаккули ҷомеаи шаҳрвандӣ дар Тоҷикистон, ки мо бо он устуворона пеш рафта истодаем, воқеан далели барҷастаи пирӯзии ваҳдат, ҳамдигарфаҳмӣ, таҳаммулгароӣ, ягонагии халқ ва ҳокимияти сиёсӣ маҳсуб меёбад.

     Ин дастоварди нодир ҳоло ба ҳайси ҷузъи таркибии суннати таҳаммулгароӣ дар пешрафти ҳаёти сиёсӣ, иқтисодиву иҷтимоӣ ва фарҳангии кишварамон нақши бузург дорад.

     Миллати сарбаланди мо хуб дар ёд дорад, ки давлати тозаистиқлоли мо дар оғози солҳои 90-уми  асри гузашта ба гирдоби ҷанги таҳмилии шаҳрвандӣ гирифтор шуда, тамоми соҳаҳои иқтисоди миллӣ фалаҷ гардид ва давлатро буҳрони амиқи сиёсӣ фаро гирифт. Ҳамзамон даҳҳо бародарони худро дар ҷанги хонумонсӯз аз даст додем.

    Дар чунин вазъи пурфоҷиа ҷони худро дар хатар гузошта Асосгузори сулҳу ваҳдати миллӣ –  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба сари қудрат омада ватанро аз парокандагӣ раҳонд ва миллатро сарҷамъ намуд.

Хушбахтона, бо такя ба сабақҳои таърих ва хиради мардуми фарҳангсолори тоҷик ба мо муяссар шуд, ки дар муддати кӯтоҳ пеши роҳи низоъи даҳшатноки дохилиро гирем, барои интихоби низоми давлатдории муосир ва рушди мамлакат заминаи мусоид фароҳам оварем.

     Мардуми соҳибмаърифату сулҳҷӯи мо таҳти парчами ваҳдату ягонагии миллат ба ҳам омада, ваҳдати миллиро ҳамчун шарти асосии пешрафти ҷомеа пазируфтанд ва барои ҳифзу таҳкими ин арзиши гаронбаҳо то ба имрӯз бо камоли ғайрату матонат азму талош карда истодаанд.

Хотирнишон бояд сохт, ки барои ноил шудан ба чунин дастоварди тақдирсоз дар Иҷлосияи шонздаҳуми Шӯрои Олӣ  Пешвои миллат нақши муассир бозида, заминаҳои пойдори фароҳам овардани роҳи минбаъдаи рушди ҳаёти халқамонро муайян намуд.

Мардуми Тоҷикистон равшан дарк намуданд, ки танҳо дар фазои сулҳу ваҳдати миллӣ ва тавассути заҳмати ватандӯстона метавон давлати тозаистиқлоли хешро ба мамлакати ободу пешрафта мубаддал гардонид ва барои наслҳои оянда як кишвари воқеан мутараққӣ ва мутамаддинро ба мерос гузошт.

      Ваҳдати миллӣ ва таҷрибаи сулҳофаринии тоҷикон аз ҷумлаи сабақҳои басо арзишмандест, ки ҳам дар дохили кишвар ва ҳам дар сатҳи ҷаҳонӣ мавриди қабулу омӯзиш қарор гирифт. Имрўз Точикистони азизи мо ба муваффақиятҳои назарраси сиёсӣ, иктисодӣ, иҷтимоӣ, илмӣ ва фарҳангӣ ноил шуда, дар ҷаҳони муосир ҷойгоҳи худро пайдо кардааст. Пояҳои Истиклолияти давлатии мо сол аз сол қавитар мегарданд.

Дар бораи аҳамияти Созишномаи умумии истиқрори сулҳ ва ризоияти миллии Тоҷикистон Президенти кишвари соҳибистиқлоламон Эмомалӣ Раҳмон гуфтааст: «Созишномаи умумӣ аз лиҳози аҳамияти фавқулоддаи худ бо Эъломияи истиқлолияти Ҷумҳурии Тоҷикистон дар як радиф меистад. Агар Эъломия ба Тоҷикистон ба таври расмӣ истиқлол ва соҳибихтиёри ато карда бошад, пас Созишнома сулҳу суботро дар сарзамини мо таъмин сохт».

     Бесабаб нест, ки созмонҳои байналмилалӣ ва доирахои илмӣ ва сиёсии кишварҳои ҷаҳон таҷрибаи сулҳи тоҷиконро меомўзанд ва онро ҳамчун падидаи нодир ва боарзиш дар таърихи сулҳофарини байналмилалӣ донистаанд. Бояд қайд кард, ки дар давраи ҷаҳонишавӣ дар тамоми ҷаҳон раванди хатарноки муқобилгузории тамаддунҳо авҷ гирифта истодааст, ки инсониятро ба гирдоби таҳлука тела медихад. Тамоми донишмандони инсонпарвар ва сиёсатмадорони дурандеш аз ин ҷараён дар ташвишанд. Механизмҳо ва василаҳои амалисозии ин инкилобҳо ба воқеаҳои оғози солҳои 90-уми Тоҷикистони мо хеле монандхастанд. Бархурдҳои сиёсиву муборизахои гурўҳӣ далолат бар он доранд, ки мо бояд ба қадри сулҳу суботи кишварамон бирасем ва ҳамчунин дар ҳифзи истиқлолият саҳми муносиб гузошта, арзишҳои сулҳу ваҳдаро ҳифз намоем.

 НОСИРОВА НИЛУФАР СОЛИЕВНА

 МУДИРИ ШУЪБАИ МОЛИЯ-САРМУХОСИБИ 

 КИ ХХДТ ДАР НОХИЯИ ДЕВАШТИЧ.

Рубрики
Асосӣ

Деваштич: Маҷлиси ҳисоботӣ-интихоботӣ дар ташкилоти ибтидоии ҳизбии“КДФОК”

Дар ташкилоти ибтидоии ҳизбии корхонаи давлатии фаръии обу корезии ноҳияи Деваштич- “КДФОК” санаи 08.06.2022 маҷлиси ҳисоботӣ-интихоботӣ доир гардид.

Тибқи рӯзнома, нахуст ҳисоботи раиси ташкилоти ибтидоӣ дар давраи ҳисоботӣ шунида шуд. Қайд гардид, ки ташкилоти ибтидоии “КДФОК” дар давраи ҳисоботӣ фаъолияти назаррас намуда, оид ба амалӣ гардонидани ҳадафҳои созандаи ҲХДТ корҳои назаррасеро анҷом додааст. Қайд гардид, ки ҳамаи аъзоёни ташкилот баҳри зиндагии шоистаи мардум ва солимии шаҳрвандон софдилона фаъолият менамоянд. 

Дар музокира баромадкунандагон ҳисоботро қаноатбахш арзёбӣ намуданд.

Тибқи рӯзномаи маҷлис, аз ҷониби аъзоёни ҳизб Кенҷаев Пардабой- раиси  корхонаи давлатии фаръии обу корезии ноҳияи Деваштич раиси ташкилоти ибтидоии ҳизбии “КДФоК” интихоб гардид.

Дар фарҷоми  маҷлис ба фаъолони ҳизбӣ Сипоснома ва шаҳодатномаҳои ҳизбӣ супорида шуданд.

Рубрики
Асосӣ

ДЕВАШТИЧ: “Маркази ёрии иҷтимоӣ” маҷлиси ҳисоботӣ-интихоботӣ баргузор намуд.

Дар ташкилоти ибтидоии ҳизбии “Маркази ёрии иҷтимоӣ-и назди Кумитаи иҷроияи Ҳизби Халқии Демократии Тоҷикистон дар ноҳияи Деваштич  маҷлиси ҳисоботӣ-интихоботӣ доир шуд. Дар кори маҷлис масъулини Кумитаи иҷроияи Хизби Халқии Демократии Точикистон дар ноҳияи Деваштич Раҳбар Ёдгорова ва Нилуфар Носирова иштирок намуданд.

Сараввал ҳисоботи раиси ташкилоти ибтидоии “Маркази ёрии иҷтимоӣ’ Солиева Лутфинисо оид ба фаъолияти ташкилоти ибтидоӣ аз моҳи июни соли 2021 то моҳи июни соли 2022 ва вазифаҳо барои фаъолияти минбаъда шунида шуд.

Бояд қайд намуд, ки дар доираи муқаррароти оинномаи ҲХДТ раиси ташкилоти ибтидоии ”Маркази ёрии иҷтимоӣ” бо тарафдории аксарияти аъзои ҳизб аз нав раиси ташкилот интихоб гардид.

Сипас намояндаи Кумитаи иҷроияи Хизби Халкии Демократии Точикистон дар  ноҳияи Деваштич Раҳбар Ёдгорова баромад карда, оид ба таҳкими фаъолияти ҳизбӣ ва масъулиятнокии ҳар як аъзои ҳизб суханронӣ намуд. Гуфта шуд, ки Ҳизби Халқии Демократии Тоҷикистон яке аз ҳизбҳои пурнуфуз маҳсуб ёфта, дар самтҳои фаъолияти иқтисодиву иҷтимоии мамлакат нақши муассир дорад. Ҳадафҳои Ҳизби Халқии Демократии Тоҷикистон дар Оиннома ва барномаҳои ҳизбӣ ба таври возеҳу равшан инъикос ёфтааст. Ҳизб сохтори комил ва шеваи фаъолияти ба худ хосро доро буда, барнома ва стратегияи давлат меҳвари асоси фаъолияти ҳизб аст. Қайд гардид, ки ташкилотҳои ҳизбӣ роҳандозии чорабиниҳоро баҳри таҳкими ваҳдати миллӣ ва ризоияти ҷомеа ҳамеша густариш мебахшанд. 

Ҳамчунон нақши аъзо ва ҷонибдорони ҲХДТ дар рушду пешрафти ҳаёти  сиёсӣ, иқтисодӣ, иҷтимоӣ ва ташаккули ҷомеаи шаҳрвандӣ ҷиҳати мусоидат дар ҳалли мушкилоти мардум  хеле назаррас арзёбӣ карда шуд. 

 Таъкид гардид, ки вобаста ба ҷаҳони муосири зудтағйирёбанда аъзои ҳизбро зарур аст, ки фаъолияти худро бозбинӣ намуда, дар муборизаҳои иттилоотӣ баҳри ҳимояи манфиатҳои миллӣ пешқадаму фаъол бошанд.

Дар анҷом ба нафароне, ки иродаи сиёсии худро муайян намуда, аъзои ҲХДТ шуданд, шаҳодатномаи ҳизбӣ супорида шуд.

Рубрики
Асосӣ

Деваштич: САНҶИШИ ТАШКИЛОТИ ИБТИДОӢ

Мутобиқ ба дастуру супоришҳои раиси кумитаи иҷроияи ҲХДТ дар ноҳияи Деваштич оид ба санҷиши ҳолати воқеии ташкилотҳои ибтидоӣ  масъулини кумиҷроияи ноҳиявӣ аз ташкилоти ибтидоии «Маркази ёрии иҷтимоӣ” дидан намуданд.

Зимни аз назаргузаронии ҳуҷҷатҳо ба роҳбарияти ташкилоти ибтидоии мазкур Солиева Лутфинисо  дастур дода шуд, ки бобати ба низомдарории ҳуҷҷатҳо, насби овезаю шиорҳо, саривақт баргузории ҷаласаҳои ташкилот, соатҳои сиёсӣ, обуна ба нашрияҳои ҳизбӣ, ҳаракати аъзо ва ҷалби аъзо корҳоро боз ҳам ҷоннок намоянд.

Рубрики
Асосӣ

АНДЕША

     Тавре ки огаҳӣ дорем,17-18 майи соли равон, як гурӯҳи ҷинояткорон дар Рӯшон, ки бо террористони наҳзатӣ пайвастаанд, шоҳроҳи Душанбе-Хоруғ- Қулмаро баста, ба ҳаракати нақлиёт монегӣ эҷод намудаанд.Сабабгори тамоми бадбахтиҳо Алим Шерзамонов гардид, ки ӯ аз ҷониби хоҷагони зархариди хориҷӣ ин тарҳро рӯи кор овардааст. Зеро дар асоси маслиҳати пешакӣ бо ҷинояткорон Маҳмадбоқир Маҳмадбоқиров, Холбаш Холбашев ва ҳимоятгари ба ном ҳуқуқи инсон Улфатхонум Мамадшоева бетартибиҳои оммавиро дар Хоруғ ва Рӯшон ташкил намуданд.

    Дар филми “Шикасти фитна”, ки тариқи ҳамаи шабакаҳои иҷтимоӣ намоиш дода шуд, пай бурдем, ки ҳар яки ин нафарон вазифаҳои махсуси худро доштанд ва бар ивази манфиатҳои шахсию гурӯҳӣ хиёнаткорона амал намуданд. Ин ҳодиса аз хориҷи кишвар роҳбарӣ ва назорат мешуд. Мақсади асосии онҳо ноором сохтани вазъият дар Тоҷикистон, теша задан ба решаҳои Ваҳдати миллӣ ва халалдор сохтани суботи сиёсӣ дар кишвар буд.

     Албатта, имрӯз Тоҷикистон барои ҳамаи мо азиз, ҳамон қудрате дорад, ки ба ҳар гурӯҳу созмоне, ки қасди душманона дорад, посухи сазовор диҳад.

     Баъди таъсиррасонии ҷомеа ва ба эътидол омадани вазъият 22- май миёни чанд нафар ҷинояткорон муноқиша сурат гирифта, дар натиҷаи задухӯрди байни ҳамдигарӣ яке аз онҳо бо исми Маҳмадбоқир Маҳмадбоқиров аз маҳалли Бархоруғ кушта мешавад ва Холбаш Холбашеву Улфатхонум Мамадшоева ба мақомотҳои қудратӣ таслим мешаванд.

Шоири тоҷик Сайидо беҳуда нагуфтааст:

Ҳар кӣ бо душмании халқ равон аст чу баҳр,

Зуд бошад, ки сари хеш чу гирдоб хурад.

    Аз мардуми Бадахшон эҳтиромона хоҳиш менамоем, ки минбаъд набояд ба чунин ҳодисаҳо тамошобин бошанд. Мардуми бофарҳанги Бадахшони зархез барои манфиати миллату давлати худ вазифадоранд, ки пеши роҳи чунин ҳодисаҳоро бигиранд. Нагузоранд, ки дар замоне, ки барои ҷавонон- насли имрӯз тамоми шароитҳои мусоиди таълим, касбомӯзӣ ва фароғату истироҳат муҳайё карда шудааст, онҳо ба гурӯҳҳои ҷиноятпеша ҳамроҳ шаванд ва ба номи падару модар, давлату миллат иснод биёранд.

     Шукронаи шарофати ақлу хирад ва азму иродаи азалии халқамон, бо сарварии Асосгузори сулҳу ваҳдати миллӣ, Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон тавонистем аз ин вартаи ҳалокатбор халосӣ ёбем, зеро доираҳои муайяни манфиатҷӯ он замон бо истифода аз эътиқоду дин ва бо мақсади бунёди давлати исломӣ мардумро мубталои ҷанги таҳмилии шаҳрвандӣ қарор дода буданд.

     Дини мубини исломро истифода намуда, онро дигаргун маънидод мекарданд, ҳол он ки ба гуфтаи бузургон: “Беҳтарин мӯъминҳо аз ҷиҳати ислом касе ҳаст, ки дигарон аз дасту забони ӯ саломат бошанд. Беҳтарин мӯъминон аз ҷиҳати имон касе ҳаст, ки хулқаш накӯ бошад . Беҳтарин муҳоҷир касе ҳаст, ки он чӣ манъ кардаанд, аз он дурӣ ҷӯяд”.

     Дар воқеъ, дини мубини ислом тарбияткунандаи инсони комил мебошад, онро дуруст дарк намуд.

Наҷмиддин Бобоҷонзода- сархатиби масҷиди ҷомеи марказии ноҳияи Деваштич, аъзои фаъоли ҳизбӣ.

Рубрики
Асосӣ

Деваштич: Оила- сутуни ҷомеа!

     Масъулини Кумитаи иҷроияи Ҳизби Халқии Демократии Тоҷикистон дар ноҳияи Деваштич бо мақсади мустаҳкамии оилаҳои ҷавон, пойдор будани фазои якдигарфаҳмӣ дар оила, пешгирии вайроншавии оилаҳои ҷавон ва роҳ надодан ба ҳама гуна ҳодисаҳои номатлуб, хушунату зӯроварӣ дар оила  тасмим гирифтанд,ки ташрифи оилаҳоро роҳандози намояд.

     Аз ин лиҳоз бахшида ба Рузи оила ба оилаи намунавии сокини деҳаи Лолазори Ҷамоати деҳоти Яхтан  Мамадалиев Аҳмадҷон ташриф оварданд. Оилаи Мамадалиевҳо мувофиқи Ҷамоат оилаи намунави ва ибратбахш эҳтироф гардидааст. Зеро, ки ин марди ҳунар, сардори оила Мамадалиев Аҳмадҷон мутахассиси соҳаи кишоварзӣ буда, барои пешрафти соҳаи хоҷагии қишлоқ саҳми арзанда гузоштааст.

   Таҷрибаи зиндагии 50- сола дошта соҳиби 5-фарзанд, 18- нафар набера ва 2-абера мебошанд. Фарзандонашон дар соҳаҳои гуногун кору фаъолият бурда истодаанд. Кору пайкор ва зиндагиномаи ин марди ҳунар намунаи ибрати насли ҷавон аст.

Рубрики
Асосӣ

Деваштич: МУЛОҚОТУ ВОХӮРИИ ГУРӮҲИ КОРИИ КИ ҲХДТ ДАР ВИЛОЯТИ СУҒД ДАР ҶАМОАТҲОИ ШАҲРАКУ ДЕҲОТИ НОҲИЯИ ДЕВАШТИЧ

   Дар  асоси дастури супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон, ки дар доираи сафари навбатии кориашон ҳангоми мулоқот бо фаъолони шаҳру ноҳияҳо иброз доштанд ва ҷадвали тасдиқнамудаи Кумитаи иҷроияи ҲХДТ дар вилояти Суғд аз санаи 21.04.2022 сол мулоқоту вохӯрии гурӯҳи кории вилоятӣ дар ҳайати мудири шӯъбаи занони КИ ҲХДТ дар вилояти Суғд, роҳбари гурӯҳ –  Заррина Раҳмон, декани факултети таърих ва ҳуқуқи Донишгоҳи давлатии Хуҷанд ба номи академик Бобоҷон Ғафуров Иброҳим Ҷабборов, инчунин раиси Кумитаи иҷроияи ҲХДТ дар ноҳияи Деваштич Равшаной Маъмурзода ва мудири шӯъбаи рушди иҷтимоӣ ва робита бо ҷомеаи дастгоҳи Раиси ноҳия Мақсуда Шарофзода   ҷиҳати пешгирӣ кардани гароиши ҷавонон ба ҳизбу ҳаракатҳои радикаливу экстремистӣ, зуҳуроти бегонапарастӣ, тақлид ба сарулибоси бегона ва анъанаҳои номатлуб, давъати ҷавонон ба сафи Қувваҳои Мусаллаҳи Ҷумҳурии Тоҷикистон ва истифодаи самараноки ҳар як ваҷаби замин бо занони хонашин, собиқадорон, аъзоёни ТҶҶ “Созандагони Ватан”  ва сокинони касбу кори гуногун  дар толори Ҷамъияти матлуботи ноҳияи Деваштич баргузор гардид.

   Чорабиниро раиси Кумитаи иҷроияи ҲХДТ дар ноҳияи Деваштич Равшаной Маъмурзода ҳусни оғоз бахшида, доир ба даъвати ҷавонон ба сафи Қувваҳои Мусаллаҳи Ҷумҳурии Тоҷикистон,  истифодаи самараноки замин, пешгирии болоравии нархи ниёзи маҳсулоти аввал, таъсири манфии омилҳои беруна вобаста ба вазъи мураккаби имрӯзаи ҷомеаи ҷаҳонӣ, пешгирии шомилшавии сокинон ба ҳизбу ҳаракатҳои ифротӣ ва пешгирии таълимоти ғайриқонунии динӣ баромад намуданд.

    Сипас,  аъзоёни гурӯҳи корӣ роҳбари гурӯҳ, мудири шӯъбаи занони КИ ҲХДТ дар вилояти Суғд –  Заррина Раҳмон,  декани факултети таърих ва ҳуқуқи Донишгоҳи давлатии Хуҷанд ба номи академик Бобоҷон Ғафуров Иброҳим Ҷабборов ва мудири шӯъбаи рушди иҷтимоӣ ва робита бо ҷомеаи дастгоҳи Раиси ноҳия Мақсуда Шарофзода  баромад намуда,  вобаста ба  ҷалби ҷавонон ба сафи Қувваҳои Мусаллаҳи Ҷумҳурии Тоҷикистон, пешгирии шомилшавии бархе аз сокинону ҷавонон ба сафи ҳизбу ҳаракатҳои иртиҷоӣ ва риояи фарҳанги миллии либоспӯшӣ  ибрози андеша намуда, қайд намуданд, ки мо бояд аз истиқлолияту озодӣ ва соҳибватаниву соҳибдавлатӣ шукрона намоем, шукронаи Ватани соҳибихтиёру маҳбубамонро ба ҷо орем, онро сидқан дӯст дорем ва ба давлати соҳибистиқлоламон содиқ бошем, ҳамаи саъю талоши худро ба хотири пешрафту нерӯманд гардонидани он ва дар арсаи байналмилалӣ боз ҳам баланд бардоштани нуфузу эътибори Тоҷикистони азизамон равона кунем.

Рубрики
Асосӣ

ДЕВАШТИЧ: “Ватан, ҳар пораатро ҳифз хоҳам кард”!

Кумитаи иҷроияи Ҳизби Халқии Демократии дар ноҳияи Деваштич таҳти унвони “Ватан ҳар пораатро ҳифз хоҳам кард” вохӯрии сарбозони аз хизмати ҳарбӣ баргаштаро бо хонандагони муассисаҳои таълимии ноҳия оғоз намуд.

Санаи 18 – апрели соли равон бо сарбозони Қувваҳои Мусаллаҳи Ҷумҳурии Тоҷикистон Шерафкан Додоев ва Зоҳирҷон Ӯзбеков вохӯрии мазкур баргузор карда шуд.

Дар вохӯрӣ таъкид карда шуд, ки Ватан макону манзили ободу меҳрпарвар буда, инсон дар оғӯши гармаш ба камол мерасад, аз чашмаҳои зулолаш менӯшад ва дар фазои паҳновараш чун парандаҳои баландпарвоз озодона пару бол мезанад.

Имрӯз ҷавонони бонангу номуси тоҷик хуб дарк мекунанд, ки хизмат ба Ватан барои онҳо қарзи муқаддаси фарзандӣ ва рисолати мардонагист. Ҳар як ҷавонмарди бо нангу номус бояд муҳофизати Ватан-Модарро қарзи муқаддаси фарзанди хеш дониста, ҳеҷ гоҳ аз ин шарафи бузург худро канора нагирад. Зеро, оромиву амният, осоиштагиву арзишҳои миллӣ маҳз аз ҷасорату матонат, иродаи қавии ҷавонмардони ватандӯсти диёр, аз эҳсоси баланди худшиносӣ ва меҳанпарастии ҷавонон вобастагии калон дорад.

Вазъи ҷаҳони имрӯза ҳар яки моро ҳушдор месозад, ки зиракии сиёсӣ, омодагии доимӣ, эҳсоси баланди ватандӯстӣ, худогоҳӣ ва муқаддас доштану ҳифз намудани арзишҳои истиқлолияти давлати соҳибистиқлоламонро аз даст надиҳем.

Имрӯз бо ифтихор гуфта метавонем, ки артиши миллиамон ба талаботи замон ҷавобгӯ буда, на танҳо дар дохили мамлакат, балки берун аз он низ нуфузу мавқеи хоса касб намудааст.

Сарбозон ба толибилмон- сарбозони ояндаи Ватан қайд намуданд, ки мо ҷавонон ояндагони диёри биҳишосо буда,талош бар он меварзем, ки дар пешрафти Артиши миллӣ саҳми худро гузошта, ба халқу Ватани худ сарбаландонаю ҷавонмардона хизмат кунем. Хизмат дар сафи Артиши миллӣ ва ҳифзи давлату миллат, марзу буми кишвар барои ҳар як шаҳрванде, ки онро сарбаландона адо намудааст, ифтихори бузург аст.