дар шаҳри бӯстон
Дар толори калони Донишкадаи кӯҳию металлургии Тоҷикистон Конференсияи XXII-юми ғайринавбатии Ҳизби Халқии Демократии Тоҷикистон дар шаҳри Бӯстон ҷиҳати пешниҳод намудани номзад ба вакилии Маҷлиси вакилони халқи вилояти Суғд аз ҳавзаи интихоботии “Донишгоҳ” №38, пешниҳод намудани номзадҳо ба вакилии Маҷлиси вакилони халқи шаҳри Бӯстон аз ҳавзаҳои интихоботии “Театр” №5 ва “Абдураҳмони Ҷомӣ” №6 ба ҷои вакилони хориҷшуда инчунин, дар бораи ворид намудани тағйирот ба ҳайати аъзои Кумитаи иҷроияи Ҳизби Халқии Демократии Тоҷикистон дар шаҳри Бӯстон баргузор гардид.
Дар кори Конференсия Исматҷонов Бахтиёр Ҳусейнович муовини раиси Кумитаи иҷроияи ҲХДТ дар вилояти Суғд, Муинӣ Мавсума Муинзода – иҷрокунандаи вазифаи раиси шаҳри Бӯстон, Ҷалолзода Миршакар Саид – раиси Кумитаи иҷроияи Ҳизби Халқии Демократии Тоҷикистон дар шаҳри Бӯстон, Набизода Мадина Раҳмат – узви Маҷлиси Миллии Маҷлиси Олии Ҷумҳурии Тоҷикистон, вакил аз ташкилоти ибтидоии “Наврӯз”, Маҳмадалӣ Бахтиёр Набӣ – ректори Донишкадаи кӯҳию металлургии Тоҷикистон, вакил аз ташкилоти ибтидоии “Маърифат”, ҳамчунин, раиси комиссияи шаҳрӣ оид ба интихоботи вакилони Маҷлиси вакилони халқи шаҳр, собиқадорони Ҳизби Халқии Демократии Тоҷикистон, аъзои намояндагии ТҶҶ “Созандагони Ватан” ва намояндагони васоити ахбори умум низ ширкат варзиданд.
Чорабиниро, бо муаррифии ҳайати Раёсати Конференсия, Ҷалолзода Миршакар Саид – раиси КИ ҲХДТ дар шаҳри Бӯстон ифтитоҳ бахшида, рӯзномаи кори Конференсияро ба иштирокчиён шинос намуд.
Мутобиқи масъалаи якуми рӯзномаи Конференсия, ҷиҳати пешниҳод намудани номзад ба вакилии Маҷлиси вакилони халқи вилояти Суғд аз ҳавзаи интихоботии “Донишгоҳ” №38, дар асоси Оинномаи Ҳизби Халқии Демократии Тоҷикистон, мутобиқи моддаҳои 24 ва 25-и Қонуни Конститутсионии Ҷумҳурии Тоҷикистон “Дар бораи интихоботи вакилон ба Маҷлисҳои маҳаллии вакилони халқ”, бо назардошти натиҷаи овоздиҳии кушоди вакилони Конференсияи ХХII-юми Ҳизби Халқии Демократии Тоҷикистон дар шаҳри Бӯстон, чунин қарор карда шуд, ки Муинӣ Мавсума Муинзода – иҷрокунандаи вазифаи раиси шаҳри Бӯстон, ба вакили Маҷлиси вакилони халқи вилояти Суғд, аз ҳавзаи интихоботии “Донишгоҳ” №38 пешбарӣ карда шуда, ҳамчун номзад ба вакили Маҷлиси вакилони халқи вилояти Суғд (даъвати шашум) аз ҳавзаи интихоботии “Донишгоҳ” №38 аз Ҳизби Халқии Демократии Тоҷикистон ба қайд гирифта шавад.
Аз рӯи масъалаи дуюми рӯзномаи Конференсия, ки пешниҳод намудани номзадҳо ба вакилии Маҷлиси вакилони халқи шаҳри Бӯстон аз ҳавзаҳои интихоботии “Театр” №5 ва “Абдураҳмони Ҷомӣ” №6 ба ҷои вакилони хориҷшуда буд, ду нафар аъзоёни фаъоли Ҳизби Халқии Демократии Тоҷикистон: Муинӣ Мавсума Муинзода– иҷрокунандаи вазифаи раиси шаҳри Бӯстон ва Ҷалилов Абдуазиз Каримович – МД КАТС-и шаҳри Бӯстон ҳамчун номзад ба вакилӣ пешниҳод карда шуданд.
Дар идомаи Конференсия Набизода Мадина Раҳмат – узви Маҷлиси Миллии Маҷлиси Олии Ҷумҳурии Тоҷикистон, вакил аз ташкилоти ибтидоии “Наврӯз”, Маҳмадалӣ Бахтиёр Набӣ – ректори Донишкадаи кӯҳию металлургии Тоҷикистон ва раиси Шӯрои собиқадорони ҷангу меҳнатӣ шаҳр Содиқов Орифҷон баромад намуда, ба интихобшавандагон барору комёбиҳо таманно намуданд.
Тибқи масъалаи навбатии рӯзномаи Конференсия ба ҳайати аъзои Кумитаи иҷроияи Ҳизби Халқии Демократии Тоҷикистон дар шаҳри Бӯстон, ба ҷои аъзоёне, ки бо сабаби иваз шудани ҷои кор ва маҳалли зисташон бозхонд гардиданд, аъзоёни нав қабул карда шуданд.
Дар рафти Конференсия Исматҷонов Бахтиёр Ҳусейнович муовини раиси Кумитаи иҷроияи Ҳизби Халқии Демократии Тоҷикистон дар вилояти Суғд баромад намуда, ба интихобшавандагон ҷиҳати пешбурди фаъолияти босамари ҳизб барору комёбӣ таманно намуд. Мавсуф, ҳамзамон, “Номаи миннатдории Кумитаи иҷроияи Ҳизби Халқии Демократии Тоҷикистон дар вилояти Суғд”-ро ба самъи Муинӣ Мавсума Муинзода – иҷрокунандаи вазифаи раиси шаҳри Бӯстон ва Ҷалолзода Миршакар Саид – раиси Кумитаи иҷроияи Ҳизби Халқии Демократии Тоҷикистон дар шаҳри Бӯстон барои баргузор намудани Конференсияи илмӣ – амалии ҷумҳуривӣ таҳти унвони “Паёми роҳнамо” бахшида ба Паёми навбатии Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ва 30 – солагии Иҷлосияи XVI – уми Шӯрои Олии Ҷумҳурии Тоҷикистон расонид.
Муинӣ Мавсума Муинзода – иҷрокунандаи вазифаи раиси шаҳри Бӯстон ҳамчун номзад ба вакили Маҷлиси вакилони халқи вилояти Суғд ва шаҳри Бӯстон баромад карда, зикр намуданд, ки ҷиҳати дар амал татбиқ намудани Барномаи пеш аз интихоботии Ҳизби Халқии Демократии Тоҷикистон ва супоришҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ҳамаҷониба кӯшиш менамоям.
Дар интиҳо ба якчанд нафар фаъолони ҳизб Сипосномаҳо, шаҳодатномаҳои ҳизбӣ ва шаҳодатномаҳои ТҶҶ “Созандагони Ватан” дар муҳити тантанавор тақдим карда шуданд.
