Имрӯз дар ташкилоти ибтидоии ҲХДТ дар назди Ҷамоати деҳоти Шодоба бо иштироки раиси Кумитаи иҷроияи ҲХДТ дар ноҳияи Ашт Каримзода Хушнуд ва раиси Шӯрои собиқадорони Кумитаи иҷроияи ҲХДТ дар ноҳияи Ашт Мадаминова М. маҷлиси ҳисоботӣ-интихоботӣ доир гардид.
Раиси ташкилоти ибтидоии ҲХДТ дар назди Ҷамоати деҳоти Шодоба Ғафуров С. оид ба ҷамъбасти натиҷаҳои фаъолияти ташкилоти ибтидоии ҳизбӣ дар назди Ҷамоати деҳоти Шодоба дар давраи аз моҳи июни соли 2021 то моҳи июни соли 2022 ҳисобот дода, доир ба дастовардҳои даврони истиқлолияти мамлакат, пайкори созандаи Раиси муаззами ҲХДТ, муҳтарам Эмомалӣ Раҳмон, дастгирӣ ва кӯмак ба ниёзмандон, пешгирии падидаҳои номатлуби иҷтимоӣ, баргузории мулоқоту вохӯриҳо бо сокинони шаҳраку маҳаллаҳо ва амсоли инҳо суханронӣ кард.
Сипас, раиси Кумитаи иҷроияи ҲХДТ дар ноҳияи Ашт Каримзода Хушнуд ба сухан баромада, оид ба татбиқи Барномаи ҲХДТ, дастовардҳои замони истиқлолият, рушди иқтисодии кишвар, рушди соҳаи саноат, зиёд гардидани иқтидори энергетикии мамлакат, раванди боссозии сиёсӣ ва иқтисодии кишвар, нақши дин ва миллатгароӣ дар бозиҳои геополитикӣ ҷиҳати амалӣ сохтани амалҳои ғаразноки гурӯҳҳои ифротӣ, рӯҳонияти маҳаллӣ ва масъалаи истифодаи он дар бозиҳои геополитикӣ ва дигар масъалаҳои мубрами рӯз андешаҳои хешро баён карда, раиси ташкилоти ибтидоии ҲХДТ дар назди Ҷамоати деҳоти Шодоба Ғафуров С. ва масъулини ташкилоти ибтидоии ҳизбиро оид ба ҷобаҷогузории ҳуҷҷатҳо ва татбиқи корҳои ҳизбӣ дастуру супоришҳо доданд.