Рубрики
Асосӣ

АШТ: Ҷавонон нерӯи бузург бар зидди терроризм ва экстремизм

Дар замони муосир терроризм дар минтақаҳои гуногуни ҷаҳон паҳн гардида, хатари бузурги иҷтимоиро ба бор меорад ва барои амнияти давлатҳои алоҳида ва минтақаҳо таҳдид эҷод менамояд. Дар айни ҳол амалҳои террористӣ аҳли ҷомеаи сулҳхоҳи ҷаҳонро ба ташвиш андохтааст. Сарфи назар аз тадбирҳои солҳои охир андешидашуда, дар самти мубориза бо терроризм,  таҳдиди  амалҳои нави террористӣ на фақат аз байн нарафтааст, балки афзоиш ёфта истодааст.

Имрӯз, дар як қатор давлатҳо ҷангҳои харобиовар идома дошта, боиси афзоиши шумораи фирориёни иҷборӣ, гуруснагӣ ва шиддат гирифтани муаммоҳои дигари иҷтимоӣ гардидаанд.

Терроризм  ва ифротгароӣ беш аз ҳарвақта  авҷ гирифта, бо оқибатҳои даҳшатбору  бераҳмонаи худ ба проблемаи ҷиддитарини инсоният дар асри кунунӣ табдил ёфта, аҳли б намуда, башарро ба таҳлука андохтааст.  Боиси қайд аст, ки имрӯз ифротгароӣ дар кадом шакл набошад мо онро қабул нахоҳем кард, чунки он ҳуқуқу озодиҳои инсонро поймол мекунад, асосҳои маънавии ҷомеаро вайрон амнияти минтақа ва кулли ҷаҳонро  низ таҳдид мекунад. Ба муқобили  ифротгароӣ бояд ҳама мубориза барем. Зеро ин амалу зуҳурот метавонад,  дар тамоми соҳаҳои фаъолияти инсон- дар дин, сиёсат, идеология, илм ва ҳатто дар варзиш низ ба миён ояд. Дар таблиғи ақидаҳои  ифротӣ ташкилотҳои махсуси хориҷӣ дар минтақа  манфиат доранд ва ин андешаҳоро миёни ҷавонон таблиғ ва интишор мекунанд. Ҳоло гурӯҳҳои террористии ба ном ТТЭ ҲНИ, «Давлати исломӣ», «Ҳизб-ут-таҳрир», «Ҳизбуллоҳ», «Алқоида» ва монанди инҳо барои анҷом додани ғаразҳои сиёсии худ фаъолият доранд. Мақсади асосии ин гурӯҳҳои террористӣ пеш аз ҳама расидан ба ғаразҳои сиёсию иқтисодист. Махсусан, барои гирифтани нуқтаҳои  коркарди нафту газ ва дигар сарватҳои зеризаминӣ, ки паси онҳо малағҳои хеле калон меистанд.

Мақсад аз нигоштани гуфтаҳои дар боло зикр гардида, дар он аст, ки бояд мо аҳли ҷомеа ҳаматарфа насли наврасу ҷавонро тавре тарбия намоем, ки онҳо ҳамеша дар фикри ояндаи дурахшони худ, ояндаи дурахшони давлату миллати хеш бошанду, ҳеҷ гоҳ ба дасисаҳои ин гурӯҳҳои нафратовар бовар накунанд.  Барои ояндаи худро мустаҳкам намудан, амалҳои неки инсониро пешаи кори худ созанд.

КИ ҲХДТ дар ноҳияи Ашт.

Добавить комментарий

Ваш адрес email не будет опубликован. Обязательные поля помечены *