Истаравшан: Мусобиқаи футбол байни наврасон

Бахшида ба Рӯзи Конститутсияи Ҷумҳурии Тоҷикистон КИ ҲХДТ дар шаҳри Истаравшан мусобиқаи футболро байни наврасони 14-15 сола доир намуд. Дар мусобиқа дастаҳои муассисаҳои таҳсилоти миёнаи умумӣ байни ҳам қувваозмоӣ намуданд. Дирӯз бозии финалии мусобиқа барпо гардид, ки дар он футболбозони дастаҳои МТМУ №37, №39, №12 маҳорати худро нишон доданд. Натиҷаи бозӣ нишон дод, ки дастаи муассисаи таҳсилоти миёнаи умумии №12, деҳаи Ругунд, сазовори ҷойи сеюм, дастаи МТМУ №39 деҳаи Қалъачаи Араб сазовори ҷойи дуюм ва дастаи МТМУ №37 деҳаи Вогат сазовори ҷойи якум ва ҷоми КИ ҲХДТ дар шаҳри Истаравшан гардиданд. Ғолибон бо Сипосномаи КИ ҲХДТ дар шаҳри Истаравшан сарфароз гардонида шуданд.