Рубрики
Асосӣ Мақола

ИСТАРАВШАН: “ПАЁМИ ПЕШВОИ МИЛЛАТ – РОҲНАМОИ МО ҶАВОНОН!”

     Паёми навбатии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 23-юми соли 2022 ба Маҷлиси Олии Ҷумҳурии Тоҷикистон ироа гардид, ҳамчун ҳуҷҷати муҳими барномавӣ, сиёсиву иқтисодӣ, иҷтимоӣ ва фарҳангӣ шинохта шуда ифодакунандаи рушду таҳкими соҳаҳои гуногуни хоҷагии халқи мамлакат арзёбӣ мегардад. Паём муҳимтарин барномаи дорои хусусиятҳо, созандаю сафарбаркунанда буда оғози ҳама гуна фаъолияти бунёдкорӣ дар он ифода меёбад. Дар Паёми худ ба Маҷлиси Олии кишвар Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон бо ибрози “Тоҷикистон худ кишвари ҷавонон аст” аз мардуми сарбаланди кишвар бобати таълиму тарбияи дурусти ҷавонон, пешгирию шомилшавии  ҷавонон ба ҳизбу ҳаракатҳо, гурӯҳҳои террористию экстримистӣ ва нақши модарро дар таълиму тарбияи фарзанд басо муҳим арзёбӣ намуданд.

Ҳамасола Паём чун роҳнамо ба мардуми сарбаланди тоҷик бо фарогирии ҳама самтҳо ва тамоми қишрҳои ҷомеа пешниҳод гардида бо беҳтарин суханҳои саршор аз меҳру муҳаббати падарона манзур гашта, ҳар фарди соҳибақлро бо дарки масъулияти баланди ватандорӣ равона месозад. Танҳо саъю талоши содиқонаву софдилона, ҳисси баланди масъулият дар назди халқу Ватан ва иқдому ташаббусҳои созанда моро ба ҳадафҳои олиамон наздик мерасонад.

      Пешвои муаззами миллат муҳтарам Эмомалӣ Раҳмон иброз доштанд, ки “Ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои ҳаёти давлат ва ҷомеа бисёр арзишманд ва назаррас мебошад. Мо бо ҷавонони кишвари худ ифтихор дорем, зеро онҳо дар рушди давлат ва ободии Ватан фаъолона саҳм мегузоранд, марзу буми сарзамини аҷдодиро ҳимоя мекунанд, ватандӯсту ватанпараст, бонангу номусанд ва ба халқу давлати Тоҷикистон содиқ мебошанд. Маҳз ҷавононанд, ки дар оммавигардонии варзиш нақши асосӣ дошта, ба шарафи пирӯзиҳои онҳо парчами Тоҷикистони маҳбуби мо дар гӯшаҳои гуногуни дунё парафшонӣ мекунад”.

     Мақсаду вазифаи тарбияи миллӣ ташаккули инсони комил, соҳиби ватан, нангу номуси миллӣ, ифодагари симои зеҳниву маънавӣ, ахлоқӣ, фарҳангӣ ва арзишҳои дигари инсонӣ мебошад. Бахусус, дар шароити ҷаҳонишавӣ ва рушди технологияҳои иттилоотӣ, ки воридшавии унсурҳои бегонаро ба фарҳанги миллӣ осон гардонидааст, рӯ овардан ба таърих ва огоҳ будан аз аслу насаби хеш барои ҳар як фарди миллат, хусусан, насли наврасу ҷавон зарур ва ҳатмӣ мебошад. Яке аз супоришҳои наҷиби Пешвои миллат ин буд, ки  волидайн аз ҷумла занонро зарур аст, ки дар тарбияи ҷавонон яъне фарзандон диққати ҷиддӣ дода, онҳоро аз амалҳои ношоиста аз ҳизбу ҳаракатҳои террористию экстремистӣ пешгирӣ намоянд.

Мо бояд ватандӯст бошем ва ҳаргиз фаромӯш насозем, ки эҳсоси гарми ватандӯстӣ ва ҳисси баланди миллӣ омили асоситарин ва роҳи муҳимтарини рушди давлат ва ҷомеа мебошад.

      Ҳар яки мо бояд минбаъд низ мафҳумҳои «ватандӯстӣ» ва «рушд»-ро шиори кору фаъолияти ҳаррӯзаи худ қарор диҳем.

     Бо боварии комил метавон гуфт, ки мардуми шарифу сарбаланд, ҷавонони ватандӯсту ватанпарвар ва қавииродаву заҳматдӯсти мо аз уҳдаи иҷрои ҳама гуна амалҳои нек ва бартараф намудани тамоми мушкилот баромада, Тоҷикистони азизамонро боз ҳам ободу зебо ва пешрафта гардонида ва барои зиндагии шоиста саҳми арзандаи хешро мегузоранд.  Ҳамин тариқ, паёми Президент барои кулли мо тоҷикон, хусусан, мо ҷавонони саодатманди диёр роҳнамо ва дастури бебаҳою муқаддас аст.                                  

Аъзои фаъоли ТҶҶ “Созандагони Ватан”-и назди КИ ҲХДТ шаҳри Истаравшан- Зоҳирзода Муҳаммадалӣ

Добавить комментарий

Ваш адрес email не будет опубликован. Обязательные поля помечены *