Кумитаи иҷроияи Ҳизби Халқии Демократии Тоҷикистон дар шаҳри Исфара бо мақсади иҷроиши барқияи КИМ ҲХДТ № 30 аз 25. 06. 2021 вобаста ба баргузории мусобиқаи варзишӣ оид ба футболи хурд барои дарёфти “Ҷоми Ҳизби Халқии Демократии Тоҷикистон” байни дастаҳои ғайрикасбии шаҳру ноҳияҳои Ҷумҳурии Тоҷикистон бахшида ба 30 – солагии Истиқлолияти давлатии Ҷумҳурии Тоҷикистон ҷиҳати ташвиқу тарғиби тарзи ҳаёти солим ва ҷалби сокинони шаҳр ба машғулиятҳои тарбияи ҷисмонӣ ва варзиш, ташвиқу тарғиби васеи бозии футбол дар байни сокинони шаҳр, мустаҳкам намудани алоқаи дўстӣ байни ҷамоатҳои шаҳрак ва деҳоти Исфара марҳилаи дуввум (сатҳи шаҳрӣ) – и мусобиқаро байни дастаҳои ҷамоатҳои шаҳрак ва деҳоти Исфара оғоз бахшид.
Дар маросими ифтитоҳи мусобиқа муовини раиси шаҳри Исфара Бобоиён М. А. ва раиси Кумитаи иҷроияи Ҳизби Халқии Демократии Тоҷикистон дар шаҳри Исфара Зиёваддинзода С. Р. иштирок ва суханронӣ намуданд.
Марҳилаи якуми мусобиқа дар сатҳи ҷамоатҳо аз 5-уми июли соли 2021 оғоз гардида, дар он 92 – даста ҷиҳати иштирок дархост пешниҳод намуда, аз онҳо 10 – даста ба марҳилаи дуввум (сатҳи шаҳрӣ) роҳ ёфтанд.