Конибодом: Ҳаёт бидуни хушунат зебост !

Мувофиқи нақша-чораҷӯиҳои кумитаи иҷроияи ҲХДТ дар шаҳри Конибодом дар доираи маъракаи иттилоотии “16-рузи мубориза алайҳи хушунат ва зӯроварӣ дар оила” дар ташкилотҳои ибтидоӣ, ҷамоатҳои деҳот, коллеҷу литсейҳо мулоқоту вохӯриҳо баргузор гардида истодааст. Чорабинии тарғиботӣ дар ҳамкорӣ бо маркази ташаккули тарзи ҳаёти солим санаи 7.12.2021 дар ташкилоти ибтидоии ба номи “Ҳоҷӣ Алиев” таҳти унвони “Ҳаёт бидуни хушунат зебост” бо иштироки масъулини маркази ташаккули тарзи ҳаёти солим, кумитаи иҷроияи шаҳрииҲХДТ ва устодону донишҷӯёни коллеҷи тибии шаҳр баргузор гардид. Донишҷӯён бобати мавзӯъ саҳнаҳои ҷолиб ва баромаду маърӯзаҳо намуданд. Ҳамчунин меҳмонон бобати якдигарфаҳмӣ дар оила, муносибатҳои байниҳамдигарӣ ва бад-ин васила ҷиҳати пешгирии омилҳои хушунат дар оила суҳбат оростанд. Ба ваксинаи зидди бемории сироятии Ковид 19 фаро гирифтани сокинон ва ба падару модар бурда расонидани чунин мулоқотҳои тарғиботӣ бобати эмгузаронӣ яке аз паҳлуҳои муҳими мулоқот арзёбӣ гардид.