Бо фаро расидани ҷашни шукӯҳманди 31-солагии Рӯзи Истиқлоли давлатӣ дар тамоми гӯшаву канори шаҳрамон чорабиниҳои идона доир карда шуда, сокинон бо шукргузорӣ аз даврони шукуфоии сарзамин ин санаи фархундаро таҷлил менамоянд.
Аз ҷумла дар ташкилоти ибтидоии ҳизбӣ дар МТМУ 29-и ҷамоати деҳоти ба номи Абулқосим Лоҳутӣ чорабинии тантанавӣ бахшида ба ҷашни Истиқлол баргузор гардид. Дар оғоз раиси ҷамоати деҳот,вакили маҷлиси вакилони халқи шаҳр Умедахон Ғаниева ҳозиринро хайрамақдам намуда, аз неъмати Истиқлолу ободии ватанамон ва нақши роҳбари давлат дар роҳи расидан ба ин суруру саодат ҳарф зад.
Дар ин чорабинии идона муовини Раиси шаҳр Баҳоваддинзода Баҳоваддин иштирок ва суханронӣ намуда, паёми табрикотии Раиси шаҳр Абдусалом Тӯхтасунзодаро ба самъи ҳозирин расонид.
Баъдан ба фаъолони ҷамоат дар вазъияти тантанавӣ сипоснома ва тӯҳфаҳои хотиравӣ супорида шуд.
Барномаи консертии хонандагони МТМУ 29 ба чорабинӣ фазои идона бахшид.