Рубрики
Асосӣ

Панҷакент: Ташкилоти ибтидоӣ

          Ташкилоти ибтидоии ҳизбӣ давоми як соли гузашта чӣ корҳоро анҷом дод, корҳои тарғиботиро чӣ гуна роҳандозӣ намуд, ҳизбиён то чӣ ҳад дар корҳои ҷамъиятӣ фаъол буданд?

          Ба ин саволҳо дар ҳисоботи муовини раиси ташкилоти ибтидоии ҳизбии “Обтаъминкунӣ ва канализатсия” Рустам Азимов дар маҷлиси ҳисоботӣ- интихоботии ташкилоти ибтидоии  ҳизбии корхонаи обу ташноби шаҳри Панҷакент ҷавоб гуфта шуд.

         Дар ҷаласа   иштирокчиён ба музокира баромада, паҳлуҳои дигари фаъолияти  ташкилоти ибтидоии ҳизбиро баррасӣ намуда, пешниҳод карданд, ки сафи аъзоёни ҳизб аз ҳисоби фаъолон ва ҷонибдорон зиёд карда шавад.

          Дар идомаи маҷлис  Алишер Пӯлодзода – сарвари коргоҳ раиси ташкилоти ибтидоии  ҳизбӣ  ва вакили конфронси шаҳрии ҳизб интихоб шуда,  нақшаи фаъолияти ташкилоти ибтидоии ҳизбӣ барои нимсолаи дуюми соли равон тасдиқ карда шуд.

          Дар интиҳои маҷлис мудири шуъбаи ташкилӣ ва кор бо кадрҳои Кумитаи иҷроияи шаҳрии ҳизб  Мастона Муродзода ва раиси Шӯрои собиқадорони ҳизб Ҳамида Холова сухан карда, барои пешбурди кори ташкилоти ибтидоии ҳизбӣ маслиҳатҳои муфид доданд.

Добавить комментарий

Ваш адрес email не будет опубликован. Обязательные поля помечены *