ПАНҶАКЕНТ: ТОҶИКИСТОН ДАР ҒАЛАБА ЧӢ САҲМ ДОШТ?

Дар мулоқот бо устодону хонандагони литсеи касбӣ- техникӣ, ки дар доираи нақшаи омодагӣ ба 76-умин солгарди ғалаба дар Кумитаи иҷроияи ҲХДТ дар шаҳри Панҷакент таҳия шудааст, баргузор шуд, ба ин савол посух гуфтанд. Мудири шӯъбаи кор бо ҷавонони Кумитаи иҷроия Қобилҷон Ҷалолов, омӯзгорони литсей Марҳабо Гулобова ва Сино Рофиев дар бораи саҳми Тоҷикистон, аз ҷумла ҷавонмардони Панҷакент, ки дар ҷабҳа қаҳрамонӣ нишон додаанд, бонувоне, ки дар он солҳои душвор дар ақибгоҳ ба ҷои мардон кор мекарданд, сухан карда, аз ҷавонон даъват намуданд, ки баъди хатми литсей ихтиёрӣ ба хидмати Ватан раванд ва бо ин садоқаташонро ба ин марзу бум нишон диҳанд.