ПАНҶАКЕНТ: РӮЗИ ҶАВОНОН ДАР МАКТАБ

Наврасони имрӯза ҷавонони оянда ҳастанд ва заминаи омодагии онҳо ба ҳаёт маҳз дар муассисаҳои таълимӣ гузошта мешавад.Ин маънӣ дар чорабинии идона бахшида ба Рӯзи ҷавонони Тоҷикистон, ки дар муассисаи таҳсилоти миёнаи умумии № 34, ба номи Абдураҳмони Ҷомии шаҳри Панҷакент баргузор шуд, бори дигар таъкид гардид. Муовини раиси Кумитаи иҷроияи ҲХДТ дар шаҳри Панҷакент Парвина Тошева ва мудири шӯъбаи кор бо ҷавонон Қобилҷон Ҷалолов ба ҳозирин мӯҳтавои сиёсати давлатии ҷавононро шарҳ дода, таъкид намуданд, ки Пешвои миллат, муҳтарам Эмомалӣ Раҳмон чун ҳомӣ ва раҳнамои ҷавонон ба онҳо пайваста ғамхорӣ менамоянд ва ҳамасола даҳҳо муассисаҳои таълимии нав бунёд шуда, ҳазорон нафар имкон доранд аз тариқи Маркази миллии тестӣ таҳсилашонро дар коллеҷу макотиби олӣ идома диҳанд.