Кормандони КИ ҲХДТ дар ноҳияи Ҷаббор Расулов баҳри иҷроиши барқияи КИ ҲХДТ дар вилояти Суғд аз 12.10.2021 таҳти №85 ва тибқи иҷроиши нақша чорабиниҳои «Ташкилоти ҷамъиятии ҷавонон «Созандагони Ватан» санаи 15 октябри соли 2021 аксияи умумвилоятии Рӯзи дарҳои кушод таҳти унвони «Мо ҷавонон ҳомиёни ин Ватанем» дар қисми низомии 051056-и Гвардияи миллии Ҷумҳурии Тоҷикистон, воқеъ дар Ҷамоати деҳоти Деҳмойи ноҳияи Ҷаббор Расулов ташкил ва баргузор намуданд.
Дар ҷараёни баргузории аксияи мазкур хонандагони синфҳои болоии муассисаҳои таълимии ноҳия бо сарбозон ва афсарони қисми низомии 051056-и Гвардияи миллии Ҷумҳурии Тоҷикистон вохӯрданд.
Ин вохӯрӣ бо мақсади аз наздик шинос намудани ҷавонписарон бо шароити воқеъии хизмати ҳарбӣ дар қисмҳои низомӣ ва мусоидат баҳри муташаккилона баргузор намудани даъвати ҷавонон ба артиши миллӣ ташкил ва баргузор карда шуд. Ҷавонписарон дар ҷараёни вохӯрӣ аз шароити хобгоҳи сарбозон, хурду хӯроки онҳо ва дигар шароити зиндагонии сарбозон, аслиҳаҳои ҷангии сарбозон ва афсарон аз наздик ошноӣ пайдо карданд.
Дар идомаи вохӯрӣ дар байни сарбозон ва ҷавонписарон бозии футбол баргузор гардид. Чорабинии мазкур дар хотири ҷавонписарон ва сарбозон ҷиҳати боз ҳам баланд бардоштани ҳисси ватандӯстии онҳо мусоидат намуд.