ЗАФАРОБОД: Кӯдакон ояндаи миллатанд Вобаста ба барқияи кумитаи иҷроияи ҲХДТ дар вилояти Суғд таҳти рақами 79 дар бинои Кумитаи иҷроияи ҲХДТ дар ноҳияи Зафаробод бо иштироки як гурӯҳ кӯдакон аз муассисаҳои томактабӣ маҳфили солинавӣ ташкил карда шуд. Кӯдакони ояндасози Ватан дар васфи Тоҷикистони азиз, ғамхориҳои падаронаи Пешвои муаззами миллат мӯҳтарам Эмомалӣ Раҳмон, васфи дунёи рангини кӯдакон, фарорасии соли нави мелодӣ порчаҳои шеърӣ қироат намуданд. Раиси КИ ҲХДТ дар ноҳия Шарифзода Туйғун ғунчаҳои умедро ба фарорасии соли нави 2023 шодбош гуфта, ба кудакон таманиёти солинавӣ ва хониши хубу аъло орзу намуд. Сипас ба кӯдакон тӯҳфаҳои солинавӣ тақдим карда шуд.