Рубрики
Асосӣ

ПАНҶАКЕНТ: ОЗМУНИ “АЛЛАИ МОДАР” БАРГУЗОР ГАРДИД

Бо мақсади арҷ гузоштан ба арзишҳои миллию фарҳангӣ, баланд бардоштани маърифати оиладорӣ, омодасозии ҷавонон ба ҳаёти мустақил, таҳкими ҳисси ватандӯстӣ, мустаҳкам намудани эҳтирому садоқат ба Модар-Ватан, пешвози Рӯзи модар ва сазовор истиқбол гирифтани 30-солагии Рӯзи таъсисёбии Ҳизби Халқии Демократии Тоҷикистон дар санаи 21-уми феврали соли 2024 даври шаҳрии озмуни “Аллаи Модар” дар толори Кохи Фарҳанги шаҳр баргузор шуд. Дар озмуни мазкур муовини раиси шаҳри Панҷакент Парвина Нақибӣ, раиси Кумитаи иҷроияи Ҳизби Халқии Демократии Тоҷикистон дар шаҳри Панҷакент, узви Маҷлиси миллии Маҷлиси Олии Ҷумҳурии Тоҷикистон Мурод Шукурзода, мудирони бахши кор бо занони мақомоти иҷроияи ҳокимияти давлатии шаҳр ва Кумитаи иҷроия, кормандони Кумитаи иҷроия, собиқадорони ҳизб, фаъолзанон, , намояндагони ташкилотҳои ибтидоии ҳизбӣ, донишҷӯёни ДОТ, Коллеҷи омӯзгорӣ ва Коллеҷи тиббӣ иштирок варзиданд. Дар оғоз ҳайати ҳакамон муаррифи карда шуданд. Иштирокчиён аз Ҷамоатҳо, Донишкадаи омӯзгории Тоҷикистон дар шаҳри Панҷакент, Коллеҷи омӯзгорӣ, Коллеҷи тиббӣ, ташкилотҳои ибтидоии ҳизбии Маркази саломатӣ, Китобхонаи марказӣ, Хонаи пиронсолон, Кумитаи иҷроияи ибтидоии ҳизбии Маорифчиён фаъолона ширкат варзида, малакаю маҳорати баланди худро нишон дода, суруди алларо бо як меҳру муҳаббати хоса, ки ба фарҳанги миллиамон хос аст, хонданд. Дар фарҷом баҳри болидаруҳии иштирокчиён барномаи фарҳангӣ пешкаш шуда, ҳамаи иштирокчиёни озмун бо туҳфа ва ғолибони озмун бо диплом ва туҳфаҳои хотиравии Кумитаи иҷроияи Ҳизби Халқии Демократии Тоҷикистон дар шаҳри Панҷакент сарфароз гардонида шуданд.

Рубрики
Асосӣ

ИСТАРАВШАН: Нақши ҷавонон дар устувор гардонии мавқеъва нуфузи Ҳизби Халқии Демократии Тоҷикистон

Дар асоси нақшаи чорабиниҳои Кумитаи Иҷроияи Марказии Ҳизби Халқии Демократии Тоҷикистон ва Ташкилоти Ҷамъиятии Ҷавонон “Созандагони Ватан” бо мақсади дар сатҳи баланд таҷлил намудани ҷашни 30 – солагии таъсисёбии ҲХДТ Форуми ҷумҳуриявии ҷавонон – «Созандагони Ватан» ба ифтихори ҷашни 30 – солагии таъсисёбии Ҳизби Халқии Демократии Тоҷикистон таҳти унвони «Нақши ҷавонон дар устувор гардонии мавқеъ ва нуфузи Ҳизби Халқии Демократии Тоҷикистон» дар доираи нақшаи чорабиниҳои ҷашнии Кумитаи Иҷроияи Марказии ҲХДТ баргузор гардид, ки дар он аз ҷумла мудири шӯъбаи таблиғот ва иттилооти Кумитаи иҷроияи Ҳизби Халқии Демократии Тоҷикистон дар шаҳри Истаравшан иштирок намуд.

Рубрики
Асосӣ

ГУЛИСТОН: АРТИШИ МИЛЛӢ-ТАКЯГОҲИ БОЭЪТИМОДИ КИШВАР

     Кумитаи иҷроияи Ҳизби Халқии Демократии Тоҷикистон дар шаҳри Гулистон бахшида ба 31-солагии Рӯзи таъсисёбии Кувваҳои Мусаллаҳи Ҷумҳурии Тоҷикистон дар қисми низомии № 0216 воқеъ дар деҳаи Зарчашмаи шаҳраки Адрасмон бо афсарону сарбозон вохӯрӣ роҳандозӣ намуд.

      Дар чорабинӣ мазкур Ҷамолиён Муслимахон Ғайбуллозода – раиси Кумитаи иҷроияи Ҳизби Халқии Демокартии Тоҷикистон дар шаҳри Гулистон афсарону аскаронро бо Рӯзи таъсисёбии Кувваҳои Мусаллаҳи Ҷумҳурии Тоҷикистон шодбош намуда, қайд кард, ки Артиши миллӣ такягоҳи боэътимоди кишвар буда, ҷавонон ҳамчун нерӯи созанда дар ҳимояи истиқлоли давлатӣ, таъмини суботи сиёсӣ ва ҳифзи сулҳу Ваҳдат миллӣ нақши муассир доранд. Хизмат дар сафи Қувваҳои Мусаллаҳи Ҷумҳурии Тоҷикистон рисолати инсонӣ ва қарзи шаҳрвандии ҷавонмардон аст.

      Ҳамзамон, китоб бо дастхат аз номи раиси Кумитаи иҷроияи Ҳизби Халқии Демократии Тоҷикистон дар шаҳри Гулистон Ҷамолиён Муслимахон Ғайбуллозода ба муҳофизони Ватан тақдим карда шуд. Суратгузориш аз ҷараёни чорабинӣ.

Рубрики
Асосӣ

ХУҶАНД: «АРТИШИ МИЛЛӢ ҲАМЧУН МАКТАБИ ҶАСОРАТУ МАРДОНАГӢ»

ҶАМЪБАСТИ ОЗМУНИ РАССОМӢ

Бо мақсади тарбия намудани хонандагон дар руҳияи далерӣ, шуҷоатмандӣ, ватандӯстию ватанпарварӣ, шинос намудани толибилмон ба дастовардҳои замони Истиқлол, тарғибу ташвиқи ғояҳои ватандӯстӣ, дарёфти истеъдоди насли наврас, муайян намудани маҳорат ва малакаи расомӣ, дастгирии истеъдодҳои наврасон ва даъвати ҷавонписарон ба сафи Қувваҳои Мусаллаҳ бо иқдоми Кумитаи иҷроияи Ҳизби Халқии Демократии Тоҷикистон дар шаҳри Хуҷанд дар ҳамкорӣ бо бахши фарҳанги Мақомоти иҷроияи ҳокимияти давлатии шаҳри Хуҷанд ва Ташкилоти ҷамъиятии барқароркунандагони сохти Конститутсионии “Сипари сулҳ” имрӯз 19 феврали соли 2024 дар мактаби рассомии №4-и шаҳри Хуҷанд озмуни «Рассомони ҷавон» байни хонандагони мактабҳои рассомии шаҳри Хуҷанд дар мавзӯи «Артиши миллӣ ҳамчун мактаби ҷасорату мардонагӣ» бахшида ба 31 солагии таъсисёбии Қувваҳои Мусаллаҳи Ҷумҳурии Тоҷикистон ва 30-солагии таъсисёбии Ҳизби Халқии Демократии Тоҷикистон ҷамъбаст гардид.

Дар чорабинии мазкур намояндаи Кумитаи иҷроияи Ҳизби Халқии Демократии Тоҷикистон дар шаҳри Хуҷанд Маҳмадсалим Ҳаитов, намояндаи бахши фарҳанги Мақомоти иҷроияи ҳокимияти давлатии шаҳри Хуҷанд Набиҷон Ҷӯразода, раиси Ташкилоти ҷамъиятии барқароркунандагони сохти Конститутсионии “Сипари сулҳ” Фахриддин Ахмедов, раиси Шӯрои ҷанговарони интернатсионалист Муқим Қобилов, иштирокчиёни озмун, устодон ва волидайни рассомон иштирок доштанд.

Сараввал, маҳсули дасти рассомони наврасу ҷавон ба намоиш гузошта шуда, меҳмонон аз он боздид ба амал оварданд. Аён гардид, ки наврасону ҷавонон бо як маҳорати хосса расмҳои гуногунро бахшида ба Артиши миллӣ ва дигар муқаддасоти Тоҷикистонро тасвир намуданд.

Сипас, дар ҷамъбасти озмун баромадчиён аз хизматҳои шоёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи мамлакат Эмомалӣ Раҳмон ҳарф зада, баён доштанд, ки маҳз бо шарофати кӯшишу заҳматҳои Пешвои миллат Артиши миллии Тоҷикистон дар ҳоли рушду нумуъ қарор дошта, марҳила ба марҳила устувору нерумандтар мегардад.

 Мувофиқи баҳогузории коршиносони низомӣ имрўз Артиши миллии Тоҷикистон аз қудратмандтарин қувваҳои мусаллаҳи пиёдагарди минтақа ба ҳисоб меравад, ки сӣ сол муқаддам дар шароити ниҳоят вазнину мураккаби сиёсиву иҷтимоӣ дар ҳаёти кишвари тозаистиқлоламон таъсис дода шудааст. Қайд гардид, ки имрӯз мо бояд ба қадри сулҳу оромии Ватани маҳбубамон расем, ва сари таъзим фуруд орем, назди онҳое, ки дар ҳифзи Ватан ҷонбозиҳо намуда, бо меҳнати софдилона Тоҷикистонро ба як гӯшаи биҳишосо табдил додаанд.

Дар ҷамъбаст ғолибон бо дипломҳои дараҷаи 1, 2 3, сипосномаҳо ва тӯҳфаҳо сарфароз гардонида шуданд. Ҳамчунин, якчанд нафар иштирокчиёни барқароркунандагони сохти Конститутсионӣ бо сипосномаю тӯҳфаҳои Кумитаи иҷроияи ҲХДТ дар шаҳри Хуҷанд қадрдонӣ гардиданд.

Бо ҳамин чорабинӣ ҳусни хотима ёфт.

Рубрики
Асосӣ

ДЕВАШТИЧ: БАРГУЗОРИИ ЧОРАБИНИҲО ОИД БА РӮЗИ ТАЪСИСЁБИИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

 Бахшида ба 31-солагии таъсисёбии Рӯзи Қувваҳои Мусаллаҳи Ҷумҳурии Тоҷикистон дар ташкилотҳои ибтидоии ҳизбии Кумитаи иҷроияи Ҳизби Халқии Демократии Тоҷикистон дар ноҳияи Деваштич чорабиниҳои гуногуни маърифатӣ – ватанпарастӣ роҳандозӣ гардида истодаанд. Дар муассисаи таҳсилоти миёнаи умумии рақами 14-и деҳаи Эшонқӯрғони ташкилоти ибтидоии ҳизбии “Ҷамоати Ғазантарак” бахшида ба ҷашни 31-умин солгарди таъсисёбии Артиши миллии Ҷумҳурии Тоҷикистон ва инчунин эълон гардидани “Соли 2024-соли маърифати ҳуқукӣ” ва бо мақсади баланд бардоштани тарбияи дифоӣ-ҳарбӣ, ҳисси ватандӯстии ҷавонон, дар руҳияи баланди ифтихори миллӣ ва садоқат ба Ватан тарбия намудани ҷавонон чорабинии идона таҳти унвони “Хизмати Ватан вазифаи муқаддас аст” баргузор гардид. Бояд қайд намуд, ки тавоноӣ ва пурқудрат будани Қувваҳои Мусаллаҳи Тоҷикистони соҳибистиқлолро хонандагон бо хондани шеъру суруд ва иҷрои саҳначаҳои ҷолиби диққат бори дигар ба иштирокчиёни чорабинӣ исбот намуданд.

Рубрики
Асосӣ

АШТ: БАРГУЗОРИИ ЧОРАБИНИИ ИДОНА БАХШИДА БА 31-СОЛАГИИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН

Дар асоси ҷадвали Кумитаи иҷроияи ҲХДТ дар вилояти Суғд аз санаи 05.02.2021 сол бахшида ба 31-солагии таъсисёбии Қувваҳои Мусаллаҳи Ҷумҳурии Тоҷикистон дар кӯдакистони №4 ба номи “Сафина” чорабинии идона таҳти унвони “Артиши миллӣ такягоҳи боэътимоди кишвар” бо иштироки раиси Шӯрои КИ ҲХДТ дар ноҳияи Ашт Мадаминова М., муовини раиси КИ ҲХДТ дар ноҳияи Ашт Нурматов О. ва падару модарони тарбиятгирандагони мазкур доир гардид.

Чорабиниро мудираи кӯдакистони №4 ба номи “Сафина” Турсунова Н. оғоз намуда, ҳозиринро бахшида ба 31-солагии таъсисёбии Қувваҳои Мусаллаҳи Ҷумҳурии Тоҷикистон табрику таҳният намуд.

Сипас муовини раиси КИ ҲХДТ дар ноҳияи Ашт Нурматов О. тарбиятгирандагону мураббиягони кудакистон ва дар симои онҳо тамоми мардуми шарифи ноҳияро ба 31-солагии таъсисёбии Қувваҳои Мусаллаҳи Ҷумҳурии Тоҷикистон таҳният намуда, қайд кард, ки ҳарчанд рӯзҳои нахустини таъсисёбии Қувваҳои Мусаллаҳи Ҷумҳурии Тоҷикистон барои давлати ҷавони мо давраи ниҳоят душвор буд, вале бо вуҷуди ин мо мардум болида аз он ҳастем, ки дар диёри биҳиштосоямон бо донишу ғайрат, заковату садоқат ва талошу ҷонбозиҳои фарзанди бонангу номуси Ватан, Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон сохти конститутсионӣ дар Тоҷикистон барқарор гардида, заминаи сулҳ, субот, оромӣ, осудагӣ, ваҳдати миллӣ ва ҳаёти осоишта, умеди устувор ба зиндагии имрўзу оянда фароҳам оварда шуд.

Баъдан ба чорабинӣ барномаи фарҳангие, ки  бахшида ба 31-солагии таъсисёбии Қувваҳои Мусаллаҳи Ҷумҳурии Тоҷикистон таҳиянамудаи тарбиятгирандагони кудакистони мазкур ҳусни хосае зам намуд.

Пас аз анҷоми чорабинӣ дар вазияти тантанавӣ якчанд нафар аъзоёни ҲХДТ ва тарбиятгирандагони кудакистони мазкур бо сипосномаву туфаҳои хотиравии КИ ҲХДТ дар ноҳияи Ашт ва  кӯдакистони №4 ба номи “Сафина” қадршиноси карда шуд.

Суратгузориш аз рафти чорабинӣ

Рубрики
Асосӣ

АЙНӢ: БАРГУЗОРИИ ОЗМУНИ “АЛЛАИ МОДАР”

      Бо мақсади арҷ гузоштан ба арзишҳои миллию фарҳангӣ, баланд бардоштани маърифати оиладорӣ, омодасозии ҷавонон ба ҳаёти мустақил, таҳкими ҳисси ватандӯстӣ, мустаҳкам намудани эҳтирому садоқат ба Модар-Ватан ва сазовор истиқбол гирифтани 30-солагии Рӯзи таъсисёбии Ҳизби Халқии Демократии Тоҷикистон дар санаи 20-уми феврали соли 2024 даври ноҳиявии озмуни “Аллаи Модар” баргузор шуд.

     Дар озмуни мазкур Раиси Кумитаи иҷроияи Ҳизби Халқии Демократии Тоҷикистон дар ноҳияи Айнӣ Боқизода Боқимуҳаммад, собиқадори меҳнат Саъдуллоева Гулчеҳра, сармутахассиси шуъбаи маорифи ноҳия Холбеков Саидбек, мудири бахши кор бо занони МИҲД-и ноҳия Халифаева Сайёра, муҳаррири радиои маҳаллӣ Низомова Фарзона фаъолони ҳизб ва аъзоёни ТҶҶ “Созандагони Ватан” иштирок варзиданд.

     Занону ҷавондухтарон аз ҷамоатҳои шаҳраку деҳоти ноҳия иштироки фаъолона варзида, малакаю маҳорати баланди худро нишон дода, сурудҳои алларо бо як меҳру муҳаббати хоса ва ҷолибу қобили таваҷҷуҳ хонданд.

     Дар фарҷом баҳри болидаруҳии иштирокчиён барномаи фарҳангӣ пешкаш шуда, ғолибони озмун бо туҳфаҳои хотиравӣ ва дипломҳо Кумитаи иҷроияи Ҳизби Халқии Демократии Тоҷикистон дар ноҳияи Айнӣ сарфароз гардонида шуда, дигар иштирокчиён низ бо туҳфаҳо қадрдонӣ шуданд.

Рубрики
Асосӣ

ДЕВАШТИЧ: БАРГУЗОРИИ ОЗМУНИ ВИЛОЯТИИ “АЛЛАИ МОДАР ” МУВОФИҚИ НОҲИЯИ ДЕВАШТИЧ

Тибқи нақша – чорабиниҳои КИ ҲХДТ дар вилояти Суғд бо мақсади арҷ гузоштан ба арзишҳои миллию фарҳангӣ, баланд бардоштани маърифати оиладорӣ, омода намудани ҷавонон ба ҳаёти мустақил, таҳкими ҳисси ватандӯстӣ, ҳуввияти миллӣ, дастгирии ҷавондухтарону бонувони лаёқатманд, мустаҳкам намудани эҳтирому садоқат ба модар, истиқболи сазовори Рӯзи Модар ва 30-солагии таъсисёбии Ҳизби Халқии Демократии Тоҷикистон санаи 20-уми феврали соли равон дар Қасри фарҳанги ба номи Абуабдуллоҳи Рӯдакӣ даври аввали озмуни “Аллаи Модар” гузаронида шуд. Бояд қайд намуд, ки озмуни мазкур дар сатҳи баланд ва рӯҳияи идона баргузор гардида, бо намоиши тамоми ҷузъиёт, ки бо гаҳвораю кӯдак, суруди Алла ва расму оини ба гаҳвора бастани тифли навзод тавъам аст, ҷараён гирифт. Дар даври ноҳиявии озмун 7 нафар бонувон – Ашӯрова Нурҷаҳон, Шукурова Ӯғулой, Қулдошова Чаманоро, Ибрагимова Маърифат, Салимова Шоира, Шодиева Лочиной ва Ҷӯраева Насиба тибқи шартҳои дар Низомнома тасдиқгардида маҳорату истеъдоди худро намоиш доданд. Ба ҳунарнамоии иштирокчиён бонувони фаъолу собиқадор Абдусамадова Мамлакат, Солиева Лутфинисо, Каримова Рафоат, Ёдгорова Раҳбар ва Раҳимова Зулфия, ки солҳои тӯлонӣ дар сохторҳои гуногуни давлативу ҳизбӣ хизмати софдилонаву содиқона намуда, дар ҷодаи рӯзгор низ намунаи ибрати ҳамагон ҳастанд, ҳамчун ҳакамони озмун ба маҳорат, талаффузи бурро, тарзи баён, нафаси равон, хушсадоӣ, намуди зоҳирӣ, сарулибос, одобу ҳаракати саҳнавӣ, ҷалби шунаванда ва самимияти сароидани суруди Алла баҳогузорӣ намуданд. Дар рафти озмун бо мақсади таькими эҳтирому арҷгузорӣ нисбат ба вуҷуди муқаддас ва ба ранҷу заҳматҳои модар, ҷиҳати омода намудани ҷавондухтарон барои оиладорӣ ва зинаҳои ҳаёт саҳнаҳои ибратомӯз аз рӯзгор, ривояту гуфторҳои ҳикматнок, гулчини назму наво ва суруду таронаҳои дилангез ба самъи тамошобинон расонида шуд. Ҳамин тавр, даври ноҳиявии озмуни “Аллаи Модар” дар сатҳи зарурӣ ва хеле хубу хотирмон доир гардида, ба кулли иштирокчиён сипоснома ва тӯҳфаҳои хотиравии КИ ҲХДТ дар ноҳия супорида шуд. Иштирокчиёне, ки сазовори ҷойҳои якум, дуюм ва сеюм гаштанд, соҳиби диплом, сипоснома ва тӯҳфаҳо гардида, иштирокчӣ таҳти рақами 3 аз муассисаи таҳсилоти томактабии рақами 3 Қӯлдошова Чаманоро ғолиби озмуни“Аллаи Модар” ҳисобида шуда, бо дипломи дараҷаи 1, сипоснома ва тӯҳфаҳои хотиравӣ қардшиносӣ карда шуд. Суратгузориш аз рафти баргузории Озмуни “Аллаи Модар “

Рубрики
Асосӣ

ХУҶАНД: БА ВАТАН СОДИҚЕМ

Тибқи нақшаи шуъбаи ҷавонони Кумитаи иҷроияи Ҳизби Халқии Демократии Тоҷикистон дар шаҳри Хуҷанд дар ҳамкорӣ бо бахши кор бо ҷавонони ва варзиши  Мақомоти иҷроияи ҳокимияти давлатии шаҳри Хуҷанд бахшида ба 31-умин солгарди Рӯзи Артиши миллии Ҷумҳурии Тоҷикистон   бо ҷалби аъзоёни фаъоли ташкилоти ҷамъиятии ҷавонон “Созандагони Ватан” аксияи тарғиботиро таҳти унвони “Ба Ватан содиқем”- ро дар ҳудуди  шаҳр роҳандозӣ намуда, варақаҳои табрикоти тақсим карда шуд.

Рубрики
Асосӣ Мақола

ҶАББОР РАСУЛОВ: ХИЗМАТ БА ВАТАН ШАРАФИ ҶАВОНМАРДИСТ!

    АНДЕША:  Ватан ноёбтарин сарват ва беҳтарин неъмат аст, ки ин неъматро барои муҳофизат кардан вазифаи ҳар як шаҳрванд аст. Соли 1993 23-юми феврал Қувваҳои Мусаллаҳи Ҷумҳурии Тоҷикистон таъсис ёфт. Таъсиси Артиши миллӣ дар шароите, ки ҳам барои миллат ва ҳам барои давлат тозаистиқлоли Тоҷикистон мушкилтарин лаҳзаҳо маҳсуб мешуд ва умедворӣ расидан ба рӯзҳои неку осоишта мебошад.

     Ҳамасола 23-юми феврал дар Ҷумҳурии Тоҷикистон рӯзи Артиши миллии Ҷумҳурии Тоҷикистон бо як шукӯҳи баланд гузаронида мешаванд. Артиш дар ҳар давру замон барои ҳар як кишвари соҳибистиқлол кафили бехатарӣ ва таъминкунандаи ҳаёти осоиштагии мардум ба ҳисоб меравад. Артиш вазифаи бузурги мудофиавӣ буда, меҳру муҳаббати фарзандонро нисбат ба падару-модар боз ҳам бештар мекунанд, ба онҳо дарси зиндагиву ҷавонмардиро меомӯзад. Артишро чун мактаби мардонагӣ ва омӯзиши касбу ҳунар тавсиф карда, дар он ҷо ҳама рӯза посбониву ҳушёрӣ ва зиракии марзи кишвари азизамонро ҳифз намоянд. Ҳимояи амнияти мардум вазифаи артиши нерӯманд аст, ки аҳамияти ҳифзи марз ва ҳаёти осоиштаро ҳасостар дарк месозад. Аз ин рӯ, ҳар як падару модар фарзандашро бо даъвати баҳорӣ ва тирамоҳӣ ба хизмат ҳидоят намуда аз хизмати онҳо ифтихор намояд. Дар хотир дошта бошем, ки тақдири миллат ободиву осудагӣ ва ҳифзи он марзу бум аз ҳар як сокини кишвар вобастагии калон дорад. Имрӯз бо ифтихор гуфта метавонем, ки Артиши миллиамон бо талаботи замон ҷавобгӯ буда, на танҳо дар дохили мамлакат балки берун аз он нуфӯзу мавқеи хоса касб намудаст. Ҳукумати Ҷумҳурии Тоҷикистон баҳри мустаҳкам намудани қобилияти мудофиаи кишвар, баланд бардоштани сатҳи омодагии ҳарбӣ, беҳтар гардонидани шароити моддию техникӣ ва вазъи иҷтимоии ходимони ҳарбӣ ғамхории пайваста зоҳир менамояд.

    Бобоева Шахзода- мутахассиси КИ ҲХДТ дар ноҳияи Ҷаббор Расулов