Рубрики
Uncategorized

Хуҷанд: Рисолати Президенти мо – сулҳофарист

Ба ҳамагон маълум аст, ки кӯшишҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон мебошад, ки баҳри барқарор намудани сулҳу субот дар кишвар, ободӣ, баланд бардоштани сатҳи зисти аҳолӣ, вусъати робитаҳои иқтисодӣ, тиҷоратӣ, инсонӣ ва дар сатҳи муносибатҳои баланди байналмилалӣ баровардани Тоҷикистон равона гардидааст.

Дар ташаккули ҳаёти ҳуқуқии халқу миллатҳо шахсиятҳои таърихие ҳастанд, ки ном, фаъолият ва зиндагиномаи онҳо бо таърих ва сарнавишти давлатдорӣ ва низоми ҳуқуқии онҳо пайванди ногусастанӣ дорад. Дар шаклгирии низоми ҳуқуқии тоҷикон, муҳтарам Эмомалӣ Раҳмон аз зумраи он шахсиятҳои таърихи муосир ҳастанд, ки на танҳо дар ташаккул ва таҳаввули таърихи навини миллати тоҷик, ҳастии имрӯзу фардои Тоҷикистон, давлатдорӣ ва ҳуқуқии муосири давлати соҳибихтиёрамон, балки барои эҳё намудани падидаҳои неку писандида ва арзишҳои волои фарҳанги ҳуқуқии ниёгон, таҳия ва қабули қонунҳои миллӣ хизматҳои шоиста намудаанд.

Пешвои миллат, муҳтарам Эмомалӣ Раҳмон роҳбарии давлатро дар замони ҷанги шаҳрвандӣ ва вазъияти басо хатарнок ба уҳда гирифта буданд. Чунки ҳамон солҳои вазнин, вақте мардуми тоҷик паси сангарҳо қарор гирифта муқобили ҳамдигар қиём менамуданд, касе роҳбарии кишвар ва бори сангини мардуми тоҷикро ба ҷузъ Эмомалӣ Раҳмон ба зимма нагирифт. Маҳз дар ҳамин лаҳзаҳои барои миллат мушкилу тақдирсоз ва барои таърих фаромӯшнашаванда, Пешвои миллат, муҳтарам Эмомалӣ Раҳмон бе ягон тарсу ҳарос, балки бо шуҷоати том ва иродаи қавӣ ин бори сангинро ба дӯш гирифта, дар баромади аввалини худ, дар Иҷлосияи XVI-Шӯрои олии Љумҳурии Тољикистон Тоҷикистон дар Қасри Арбоб аҳд карданд, ки ба халқи тоҷик сулҳ меоваранд ва Худованду мардуми тоҷик шоҳиданд, ки Президенти кишвар, муҳтарам Эмомалӣ Раҳмон ба савганди худ вафо намуданд.

Дар ин радиф Сарвари давлат чунин гуфта буданд, ки «Ман ба раҳми парвардигор, ба хиради азаливу иродаи неки халқам боварӣ доштам ва ҳамеша ба неруҳои солим ва руҳи сулҳхоҳонаи миллати тоҷик такя менамудам».

Сиёсати Президенти кишвар дар даврони Истиқлолият баҳри аз бунбасти коммуникатсионӣ баровардани кишварамон ва таъмини ҳаракати озодии одамон ва мол ҳадафи стратегӣ барои миллати тоҷик ва аҳамияти байналмилалӣ дошта, на танҳо барои Тоҷикистон, балки ба кишварҳои ҳамсоя низ шароити мусоидро барои гардиши мол ва вусъати тиҷорат ба вуҷуд овард. Дар ин самт Сарвари давлат ҳанӯз аз давраҳои аввали ба даст овардани Истиқлолияти давлатӣ дар Тоҷикистон барои ҳалли мушкилиҳои ҷумҳуриявӣ ва минтақавӣ ба мулоқотҳои дуҷониба ва бисёрҷониба фаъолияти дипломатиро оѓоз карда буданд. Баъд аз истиқрори сулҳ то инҷониб ин фаъолият хеле васеътар ва пурсамартар гардида истодааст. Чунин самти фаъолияти Сарвари давлат аз вусъати робитаҳои иқтисодӣ, тиҷоратӣ инсонӣ ва дар сатҳи муносибатҳои баланди байналмилалӣ баровардани сиёсати дохилии Тоҷикистон шаҳодат медиҳад. Дигар самти фаъолияти Пешвои миллат, ки дар тули 30 соли Истиқлолияти давлатӣ дар сатҳи баланд ба иҷро расид, ин ислоҳоти конститутсионӣ ва рушди низоми ҳуқуқӣ таҳти роҳбарии бунёдгузори давлати миллӣ, низоми ҳуқуқии кишварро ба низоми ҳуқуқии давлати комилан мустақили миллӣ табдил доданд.

Солиев И.М. – аъзои ҲХДТ

дар шаҳри Хуҷанд

Рубрики
Uncategorized

Панҷакент:Дар Чиларчаю Абдусамад

         Ин навбат гурӯҳи тарғиботии Кумитаи иҷроияи ҲХДТ дар шаҳри Панҷакент бо сокинони деҳаҳои Чиларча, Абдусамад ва Ҳавзаки болои Ҷамоати деҳоти Саразм дар мавзӯҳои муҳими рӯз сӯҳбат орост.

          Муовини раиси Кумитаи иҷроия Парвина Тошева, мудири шуъбаи кор бо ҷавонон Қобил Ҷалолов ва устоди коллеҷи  иноватсионӣ-технологии шаҳр , рӯзноманигор Қаҳрамон Олимов ба сомеъон вазъи сиёсии имрӯзаи ҷаҳонро вобаста ба воқеаҳои  Афғонистони ҳамсоя шарҳ дода, таваҷҷӯҳи онҳоро ба тарбияи дурусти фарзандон, пешгирии гароиши онҳо ба ақоиди ифротӣ ҷалб намуданд.

          Ҳамчунин онҳо мазмуну мӯҳтавои қонунҳо дар бораи танзими ҷашну анъана, масъулияи падару модар дар тарбияи фарзанд, пешгирии хушунат дар оиларо ба онҳо шарҳ дода, таъкид намуданд, ки санадҳои ҳуқуқӣ бо мақсади таъмини рӯзгори осоиштаи мардум қабул шуда, иҷрои онҳо аз ҷониби шаҳрвандон воҷиб аст

Рубрики
Uncategorized

Панҷакент: Ҳизбиён ҳисобот медиҳанд

          Кумитаи иҷроияи ибтидоии ҲХДТ дар шуъбаи маориф аз ниҳодҳои калонтарини ибтидоии ҳизбии шаҳри Панҷакент буда, беш аз 3600 нафар омӯзгорон ва дигар кормандони соҳаро сарҷамъ менамояд.

          Давоми семоҳаи сеюми  соли равон, тавре аз ҳисоботи раиси кумиҷроияи ибтидоӣ, мудири шуъбаи маориф Шоҳида Мукамалова  дар маҷлиси ҳисоботӣ бармеояд, ҳизбиён корҳои зиёдеро ба ҷо овардаанд. Воқеан, саҳми омӯзгорон- аъзоёни ҳизб, на танҳо дар таълиму тарбияи насли наврас, балки тарғибу амалӣ намудани ҳадафҳои барномавии ҳизб низ калон аст. Бо талошҳои онҳо муассисаҳои таълимӣ сари вақт ба соли нави таҳсил омода карда, бо дастгирии аҳолӣ, соҳибкорон ва мақомоти иҷроияи ҳокимияти давлатии шаҳр барои ҳазор ҷои нишаст синфхонаҳои иловагӣ бунёд карда шуд.

          Дар ҳисоботи раиси кумиҷроияи ибтидоӣ ҳамчунин оид ба рафти баргузории хонишҳои сиёсӣ , роҳандозии корҳои тарғиботӣ , пардохти аъзоҳаққӣ, ташкили обуна ба нашрияҳои ҳизбӣ сухан рафта, самтҳои асосии   фаъолияти ҳизбиён дар семоҳаи чорум  муайян карда шуд.

          Тибқи нақшаи Кумитаи иҷроияи шаҳрии ҳизб  дар ташкилоти ибтидоии Агентии минтақавии “Тоҷикстандарт” низ маҷлиси ҳисоботӣ баргузор шуда, ба фаълоияти он дар семоҳаи сеюми соли ҷорӣ баҳо дода шуд.

          Дар  маҷлисҳои ҳисоботии  ташкилотҳои ибтидоии ҳизбӣ мудирони шӯъбаҳои Кумитаи иҷроияи ҲХДТ дар шаҳри Панҷакент Бурсибой Лутфуллоев ва Қобил Ҷалолов иштирок намуда, сухан карданд.

Рубрики
Uncategorized

Истаравшан: Мулоқоти тарғиботчиён

         Тибқи нақша-чорабинии КИ ҲХДТ дар шаҳри Истаравшан вохӯрии ҳайати гурӯҳи тарғиботӣ бо падару модарон ва омӯзгорону хонандагони гимназияи №2 ҷиҳати пешгирии шомилшавии ҷавонон ба ҳизбу ҳаракатҳои ифротӣ ва таълимоти ғайрирасмӣ, амалӣ гардонидани Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва дигар масъалаҳои мубрами рӯз баргузор гардид.

         Вохӯриро бо сухани ифтитоҳӣ равоншиноси муассиса Аминҷон Инъомбоев ҳусни оғоз бахшид. Ҳайати гурӯҳ  М.Абдуваҳҳобова – сармуҳаррири нашрияи “Афкори халқ”, Мадина Ҳакимова – мутахассиси пешбари бахши кор бо ҷавонон дар назди иштирокчиён доир ба масъалаҳои пешниҳодшуда фикру ақидаҳои худро иброз намуданд.

         Дар вохӯрӣ хонандаи синфи Х-и муассиса Фаридун Ёқубов аз номи ҷавонон баромад намуда, зикр намуд, ки ба ҷавоби ғамхориҳои Пешвои миллат, Асосгузори сулҳу ваҳдати миллӣ, Президенти мамлакат, ки тамоми шароитҳоро барои хондану ҳунаромӯзии ҷавонон муҳайё намудаанд, бо хониши хубу аъло ва интизоми намунавӣ ҷавоб мегардонанд.

Рубрики
Uncategorized

Истаравшан: Вохӯриҳо идома дорад.

         Дар МТМУ №7 вохӯрии раиси ТҶҶ “Созандагони Ватан” Аслиддин Расулов ва мудири бахши кор бо ҷавонон ва варзиши шаҳри Истаравшан Аскар Ҳотамов         бо хонандагон ва падару модарон ҷиҳати пешгирии шомилшавии ҷавонон ба ҳизбу ҳаракатҳои ифротӣ ва таълимоти ғайрирасмӣ, иҷрои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва дигар масъалаҳои мубрами рӯз барпо гардид.

         Дар вохӯрӣ тарғиботчиён омилҳои шомилшавии ҷавононро ба ҳизбу ҳаракатҳои ифротӣ ва пешгирии он шарҳ доданд. Ҷавонон дар ҷавоб иброз намуданд, ки пайрави Пешвои миллат буда, ба ҷавоби ғамхориҳои Сарвари давлат бо баҳои хубу аъло таҳсил менамоянд ва Ватани худро самимона дӯст медоранд.

Рубрики
Uncategorized

Гулистон:Узви Ҳизби Халқии Демократии Тоҷикистон будан боиси ифтихор аст

       Бахшида ба 30-солагии Истиқлолияти давлатии Ҷумҳурии Тоҷикистон Кумитаи иҷроияи Ҳизби Халқии Демократии Тоҷикистон дар шаҳри Гулистон як қатор ҷавонони фаъолро аз соҳаҳои гуногуни ташкилотҳои ибтидоии ҳизбӣ ба сафи Ҳизби Халқии Демократии Тоҷикистон қабул намуд. Раиси Кумитаи иҷроияи шаҳрӣ Ҷамолиён Муслимахон Ғайбуллозода аъзоёнро шодбош намуда, шаҳодатномаҳои ҳизбиро дар вазъияти тантанавӣ  супорид. Узви Ҳизби Халқии Демократии Тоҷикистон будан боиси ифтихор аст қайд намуданд аъзоёни тозаинтихобшудаи ҳизб.

Рубрики
Uncategorized

Бобоҷон Ғафуров: Андеша:Шукронаи тинҷию осудагӣ

Имрӯзҳо бо баробари мушоҳида намудани корҳои ободониву созандагӣ дар кишвари маҳбубамон  Тоҷикистон ба назар мерасад, ки чи тавр Ҷумҳурии Тоҷикистон ободу зебо ва рӯз аз рӯз гулгуншукуфон гардида истодааст. Намунаи олии ҳамаи ободиҳо пойтахти азизамон шаҳри Душанбе мебошад, ки симояшро на ба солу на ба моҳ балки соат ба соат обод шуда истодааст. Имрузҳо мардуми кишвар дар амнияту тинҷӣ ва сулҳу субот истиқомат намуда инчунин дар ҳамаи соҳаҳои иқтисодӣ ва иҷтимоиёти ватанамон пешравию дигаргунии кулли руй дода истодааст.

Халқи шарифи Тоҷикистон чунин Пешвои одилу тавоно ва  маҳбуби халқ дорад, ки хизматҳои ин шахси бузург ҳазорсолаҳо фаромӯш намешаванд ва дар таърихи навини тоҷикон бо ҳарфҳои тиллоӣ дарҷ хоҳад шуд. Асосгузори сулҳу ваҳдати миллӣ-Пешвои муаззами миллат, муҳтарам Эмомалӣ  Раҳмон, Ҷумҳурии Тоҷикистонро дар солҳои 90-уми асри гузашта аз вартаи ҷангу хунрезӣ раҳо намуда, мурдуми шарифи онро ба зиндагии орому осуда ва  тараққиёту фардои нек муваффақ гардонид.

Аммо мутаассифона дар хориҷи кишвар то ҳол баъзе инсонҳои ношукр, ватанфурӯшу хиёнаткор, бадхоҳу ҷангҷӯй, ки ҳамаи онҳо аъзоёни ташкилоти экстремистиву террористии ҳизби наҳзати ислом, гуруҳи 24 ва паймони миллии тоҷикон мебошанд вуҷуд доранд, ки ин ҳама амну субботу пешравию хушҳолии мардуми шарифи Ҷумҳурии Тоҷикистонро нодида гирифта, боз мехоҳанд, ки дар Ҷумҳурии Тоҷикистон ноамнию бесуботи ва дар байни халқи азизамон тухми нифоқ ва кинаву адоват ҷорӣ  шавад. Аммо ин бадбахтҳо бехабаранд, ки дар сурати ба вуҷуд омадани нооромию бесуботӣ мардум ба мушкилотҳои зиёд ва гуруснагию саргардонӣ мувоҷеҳ мешаванд. Ва

якбор миллат чунин ҷангҳоро дар солҳои наваддум,ки маҳз бо ибтикор ва дастгирии роҳбарону аъзоёни ТЭТҲНИ ташкил шуда буд, аз сар гузаронид. Алҳол дар тамоми минтақаи кишвар имрӯз сулҳу амният пойдор аст ва ин неъмати бебаҳост. Роҳҳо байни ҳамаи манотиқи кишвар тамоми фасли сол кушода буда, корхонаҳою фабрикаҳои саноатӣ кор карда истодаанд. Аз ин рӯ мо сокинони ноҳияи Бобоҷон Ғафуров бо шукргузорӣ аз неъматҳои бузурге,ки дар 30 соли Истиқлолият бо хидматҳо ва ҷонфидоиҳои Пешвои миллат ба даст омаданд, амалҳои разилонаву хиёнаткоронаи Муҳиддин Кабирӣ, Муҳаммадиқболи Садриддини Кабутӣ ва дигар ҳаммаслаконашро маҳкум менамоем. Бояд ҳар як шаҳрванди Тоҷикистон ба қадри сулҳу субот, дастовардҳои даврони истиқлоли кишвар ва хидматҳои шоҳистаи Пешвои миллат бирасанд.

 Ҳакимов Ҳ.А.-аъзои фаъоли ҲХДТ

Рубрики
Uncategorized

Бобоҷон Ғафуров: Вохӯрии вакилон дар маҳаллаҳо

          Тибқи нақша-чорабинии КИ ҲХДТ дар ноҳияи Бобоҷон Ғафуров санаи 20-уми октябр дар ташкилоти ибтидоии ҲХДТ дар минтақаи ҷамоати Ёва вохӯрии вакилони халқи ноҳия, оиди иҷрои қарори Ҳукумати Ҷумҳурии Тоҷикистон аз 30 июли соли 2020, №431 “Дар бораи Барномаи миллии пешгирии ҳуқуқвайронкунӣ дар байни ноболиғон барои солҳои 2020-2024” дар ноҳия, ба касбу ҳунаромӯзӣ ҷалб кардани шаҳрвандони аз 18-сола боло, бо касбу ҳунаромӯзӣ фаро гирифтани писарону духтароне, ки пас аз синфи 9 муассисаи таълимиро тарк намудаанд, ташкили ҷои нави корӣ, пешгирии камшавии ҷои кор, истифодаи сарфакоронаи қувваи барқ, қитъаи замини наздиҳавлигӣ, гирифтани 3-4 ҳосил аз як замин, пешгирии ҷалби шаҳрвандон, ҷавонон,донишҷуён, омӯзгорону устодон ба таълимоти динӣ, иштироки онҳо дар расму оинҳои динӣ ва тақлидкорӣ ба либоси бегона, инчунин ҷалби ҷавонон ба сафи Қувваҳои Мусаллаҳи Ҷумҳурии Тоҷикистон гузаронида шуд.

     Дар вохурӣ вакили халқии ноҳия аз ҳавзаи интихоботии “Сойча” №28 Анварзода Амирҷон ва вакили халқии ноҳия аз ҳавзаи интихоботии “Камоли Хуҷандӣ”№27  Умаров Содирхон  иштирок ва баромад намуда, оиди масъалаҳои дар боло зикршуда, маърӯза намуданд. Махсусан, оиди масъалаи мубрами рӯз, пешгирии шомилшавии ҷавонон ба ҳар гуна ҳизбу ҳаракатҳо,экстремизму терроризм, ҷалби ҷавонон ба сафи Қувваҳои Мусаллаҳи Ҷумҳурии Тоҷикистон суханронӣ намуданд. Вакилон кайд намуданд, ки воқеан ҳам хизмат ба Ватан қарзи фарзандии ҷавонон буда, далерию ҷасурӣ ва ҷавонмардии ҳар нафари банангу номусро талаб мекунад. Хизмат ба Ватан боиси ифтихору сарбаландии насли ҷавон, муҳимтарин мактаби обутоб дониста шуда, маҳз дар ҳамин мактаб ҷавонписарон шуҷоату ҷавонмардонагӣ омӯхта, муқаддастарин арзиши инсонӣ дӯст доштан ва содиқона муҳофизат кардани марзу буми Ватани хешро азбар мекунад.

Рубрики
Uncategorized

Бобоҷон Ғафуров: Таъсиси ташкилоти ибтидоӣ

                

Ҳизби Халқии Демократии Тоҷикистон, ки рисолати аслиаш бо мардум будан аст ва ҳамчун ҳизби пешоҳанг такя ба халқ дораду саропо мардумӣ мебошад, имрӯзҳо ҷонибдорони худро рӯз аз рӯз зиёд намуда истодааст. Дар муассисаи  “Маркази муборизаи аҳолӣ аз бемориҳои сили ноҳия” бо иштироки корманди масъули кумиҷроия Убайдуллоева Д. якчанд нафар шахсони арзанда, ки Оиннома ва Барномаи ҳизбро эътироф намудаанд  ба сафи ҳизб қабул намуда, боз як ташкилоти ибтидоии нав таъсис дода шуд. Раиси ташкилоти ибтидоӣ Мадаминова Р. интихоб гардид, ки аз иштирокдорон барои боварӣ ба ин вазифа изҳори сипос намуд ва ваъда дод, ки  фаъолияти худро зери шиори “Барои пешрафт ва зиндагии шоистаи мардум” ба роҳ мемонад. Дар охир дар вазъияти тантанавӣ ба якчанд нафар аъзоёни тозаинтихоб шаҳодатномаҳои ҳизбӣ супорида шуд.

Рубрики
Uncategorized

Панҷакент: Сӯҳбат бо волидон

         Бо даъвати Кумитаи иҷроияи ҲХДТ дар шаҳри Панҷакент сокинони маҳаллаҳои  Меҳробод, Зардолузор, Боймурод Холмуродов ва 20- солагии Истиқлоли шаҳр, ки фарзандонашон   МТМУ № 71-и шаҳр таҳсил мекунанд, дар толори муассисаи таълимӣ ҷамъ омаданд.

             Кормандони масъули Кумитаи иҷроия- муовини раис Парвина Тошева, мудирони шӯъбаҳои Кумиҷроия Мастона Муродзода, Бурсибой Лутфуллоев ва сарвари таълимгоҳ  Махфират   Аҳророва ба онҳо мазмуну мӯҳтавои қонунҳои Ҷумҳурии Тоҷикистон дар бораи масъулияти падару модар дар таълиму тарбияи фарзанд, пешгирии зӯроварӣ дар оила, танзми анъана ва ҷашну маросимро шарҳ дода,  таъкид намуданд, ки ин қонунҳо ба хотири беҳдошти сатҳи рӯзгори мардум, тарбияи шоистаи фарзандон ва аз байн бурдани хушунати оилавӣ  таҳия ва қабул шудаанд ва иҷрои онҳо аз ҷониби  шаҳрвандон шарт аст.

             Дар ҷамъомад ҳамчунин таъкид шуд, ки волидон на танҳо барои таъминоти моддии фарзандон, балки тарбияи маънавии онҳо низ масъуланд ва аз ин рӯ онҳо бояд бо муассисаи таълимӣ робитаи пайваста дошта бошанд,  рафтору гуфтор ва  кирдори фарзандонашонро  зери назорат қарор диҳанд, аз кӯдакӣ хислатҳои некро дар онҳо тарбия намоянд.