Рубрики
Uncategorized

Хуҷанд: “Ман ниқоб мебандам.Шумо чӣ?”

Дар шафати мағозаи “Оазис”-и шаҳри Хуҷанд бо ҷалби  кормандони Кумитаи иҷроияи ҲХДТ дар вилояти Суғд ва шаҳри Хуҷанд бо ҷалби аъзоёни Ташкилоти ҷамъиятии ҷавонон  “Созандагони Ватан” аз кумитаҳои иҷроияи ибтидоии “Инқилоб” ва “Сомон” аксияи навбатӣ ҷиҳати коҳиш додани интиқол ва сироятёбии бемории сироятии КОВИД – 19  таҳти унвони “Ман ниқоб мебандам. Шумо чӣ?”   дар сатҳи баланд доир гардид. Зимни баргузории аксия иштирокдорони он ба бошандагони шаҳри Хуҷанд ва меҳмонон дар хиёбонҳо, дар нақлиётҳои ҷамъиятӣ зарурати риоияи гигиенаи шахсӣ, фосилаи иҷтимоӣ ва пӯшидани ниқоби ҳимоятиро бо мисолҳои возеҳ фаҳмониданд. Гуфта шуд, ки бар асари ин бемории ҳамагир ҳамарӯза дар ҷаҳон садҳо нафар ҷон бохта, миллионҳо нафар гирифтори ин бемории шадид гаштаанд. Ба ин беморӣ танҳо дар он сурат пирӯз хоҳем шуд, ки ҳар яке худро эҳтиёт намоем ва дигаронро низ талқин кунем, ки бе зарурат ба кӯча набароянд ва кӯшиш намоем аз издиҳом дур бошем.

Зимни баргузории аксия нусхаи зиёди Муроҷиатномаи кумиҷроияи вилоятӣ ба сокинон тақсим шуда, ройгон маҳлулҳои антисептикиву ниқобҳо ба аҳолӣ тақдим гардид.

Рубрики
Uncategorized

Конибодом: Амалиёт дар бозорҳои деҳот

   Масъулини Кумитаи Иҷроияи ҲХДТ дар шаҳри Конибодом оиди пешгирии бемории сироятии COVID 19, бобати риояи қоидаҳои беҳдоштӣ байни сокинон субҳи имрӯз дар бозори деҳаи ” Равот”-и ҷамоати деҳоти Пӯлодон корҳои фаҳмонидадиҳиро ба роҳ монданд. Махсусан бо нафақахӯрон ва  волидайне , ки дар бозор бо кӯдакони ноболиғ гаштугузор доштанд , мулоқот гузаронида шуда , баъдан ба сокинони деҳот   Мурочиатномаи  ҲХДТ  тақсим карда шуд. Ҳамчунин  Муроҷиатнома бобати ҳушдор сохтани мардум дар ҷойҳои намоён насб карда шуданд.

Рубрики
Uncategorized

Андеша: Терроризм ва экстремизм- падидаҳои номатлуб

      Тайи солҳои охир ҳаракатҳои иртиҷоӣ, ифротгаройӣ ва динию мазҳабӣ бо амалҳои ғайриинсонӣ ва кирдорҳои разилона авзои сиёсии сайёраро ноором карда, ҳаёти осоиштаи мардумро зери хатар мегузоранд.  Тоҷикистон дар радифи кишварҳои мутаррақии ҷаҳон бо ин зуҳуроти марговар мубориза бурда, талош менамояд аз пайомади ногувори ин гуна амалҳо ҷилавгирӣ намояд.

      Мусаллам аст, ки терроризм ва экстремизм яке аз зуҳуроти номатлубтарини ҷомеаи ҷаҳонӣ ба шумор рафта, боиси ба миён омадани оқибатҳои нохуш, таҳдид ё истифодаи зуроварӣ, расонидани зарари вазнини рӯҳонию ҷисмонӣ, таҷовуз ба ҳаёти инсон, бенизомӣ тағйири сохти конститутсионии кишварҳои ҷудогона, ғасби ҳокимият, барангехтани низои миллӣ, иҷтимоӣ ва динӣ гардидааст. Терроризм ва ифротгаройӣ дар байни табақаҳои мухталифи ҷомеа, махсусан байни ҷавонон, ки баъзе аз онҳо аз лиҳози зеҳнӣ ва ақлонӣ рушд наёфтаанд, осебпазиртар буда, зуд ба ин ҷараёнҳо ҷалб мешаванд, яке аз муаммоҳои меҳварии ҳаёти башарият буда, оқибат ба бесуботӣ ва вайронӣ меорад.  Тарафи дигари масъала он аст, ки муҳоҷирати шаҳрвандони зиёди Тоҷикистон ба Руссия боиси афзоиши пайвастан ба гурӯҳҳои ифротиро бештар мекунанд, аз ҳамин сабаб ин гурӯҳҳо метавонанд, ки ин ҷавононро гумроҳ сохта, ба доми худ мекашанд. Омилҳо хеле зиёданд вале имрӯз мо бояд падару модарон, шахсони масъул метавонем, ҷавононро дар руҳияи ватандустиву хештаншиносӣ тарбия намоем , чунки  оянда ҷавонон созандагони Ватан ҳастанд.

    Аз ин рӯ ҳар як фарди худогоҳу худшинос ва ҳар сокини сайёраро зарур аст, ки нисбат ба ин гуна кирдори ҷиноятӣ ва амали ғайриинсонӣ бетараф набошад, зеро ин вабои аср мисли тори ангкабут сайёраро фаро гирифтааст ва ҳатто дар мутамаддинтарин, фарҳангитарин манотиқи кураи арз нишонаҳояш ба назар мерасад.

         Пӯшида нест, ки дар ҳудуди ҷумҳурӣ содиршавии ҷиноятҳои хусусияти террористӣ ва экстремистӣ дошта то ҳол ба назар мерасад. Ин моро ҳушдор медиҳад, то ба хулоса оем ва дарк намоем, ки омилҳои барангезандаи кинаву адовати динӣ ва ҳамзамон миллию маҳаллӣ дар ҷомеаи мо то ҳол пурра решакан нашудаанд.

         Имрӯз ҳар як фарди ҷумҳурӣ бояд дарк намояд, ки ошкору бартараф намудани зуҳури ин гуна амалҳои номатлуб на танҳо вазифаи мақомоти ҳифзи ҳуқуқ, ҳамчунин вазифаи ҷонии ҳар яки мову шумо мебошад. 

         Мо хуб дарк мекунем, ки дар як қатор давлатҳо идома доштани ҷангҳои харобиовар боиси афзоиши шумораи фирориёни иҷборӣ, бекорӣ, гуруснагӣ ва шиддат гирифтани муаммоҳои дигари иҷтимоӣ гардидаанд.

         Терроризм ва ифротгароӣ беш аз ҳарвақта авҷ г ирифта бо оқибатҳои даҳшатбору бераҳмонаи худ ба проблемаи ҷиддитарини инсоният дар асри бисту як табдил ёфтааст. Бинобарин бояд ҳар як шаҳрванди баору номуси кишвар ба қадри давлати соҳибистиқлол ва зиндагии орому осуда расида, ҳеҷ гоҳ зиракиии сиёсиро аз даст надиҳад ва ҳаргиз фирефтаи таблиғоту ақидаҳои бебунёди ифротӣ нашавад. Ба хотири ҳифзи сулҳу оромӣ ва пойдории суботи сиёсии ҷомеа мо ҳама бояд муттаҳид бошем ва ба фаъолияти сохтору мақомоти давлатӣ ҳамаҷониба мусоидат намоем.

       Мудири шӯъбаи кор бо занони

       КИ ҲХДТ дар ноҳияи Ашт                      Зиёбиддинова Г.С.

Рубрики
Uncategorized

АЙНӢ: Маҷлиси ҳисоботӣ-интихоботии Ташкилоти ибтидоии “Сино”

    Имрӯз дар асоси нақшаи Кумитаи иҷроияи ҲХДТ дар ноҳияи Айнӣ, маҷлиси ҳисоботӣ-интихоботии Ташкилоти ибтидоии “ Сино ”-и назди кумиҷроия аз рӯи 4 масъала:

1. Ҷамъбасти фаъолияти Ташкилоти ибтидоии “ Сино”

барои нимсолаи аввали соли 2021

2. Рафти обуна ба нашрияҳои ҳизбии “Минбари халқ” ва

“Сухани халқ” барои соли 2022

3. Интихоби ҳайати нави Раёсати ташкилоти ибтидоӣ

4. Интихоби Раис ва шахси масъули ташкилоти ибтидоии

“Сино” доир гардид, ки дар кори он раиси КИ ҲХДТ дар ноҳия Рузибой Раҳимзода, раиси ТИ “Сино” Бобозода Сироҷиддин ва дигар аъзоён ширкат намуданд. Дар ибтидо С.Бобозода доир ба иҷрои нақша-чорабиниҳои тарғиботиву ташфиқотӣ, бурдани корҳои фаҳмондадиҳӣ ҷиҳати пешгирии бемории коронавирус, иҷрои бандҳои Оиннома ва Барномаи Ҳизби Халқии Демократии Тоҷикистон ахбороти муфассал доданд.

Дар ҷараёни маҷлис, аъзоёни фаъоли ташкилот Шокирзода М., Азизов А., ба музокира баромада, ҳисоботи раиси ташкилотро мусбат арзёбӣ намуданд. Ҳамзамон аз рӯи масъалаи дуюми рӯзнома раиси ташкилот маълумот дода, бовар кунониданд, ки бо дастгирии аъзоёни ташкилот маъракаи  Обуна-2022 ба нашрияҳои ҳизбиро пеш аз муҳлат иҷро хоҳанд кард. Инчунин, масъулон аз рӯи масъалаи сеюми рӯзнома 5 – нафарро барои аъзои нави Раёсат пешниҳод намуданд, ки ҳамаи онҳоро иштирокчиёни маҷлис ҷонибдорӣ намуданд. Баъд аз тасдиқи аъзои Раёсат, аз рӯи масъалаи чорум бо тарафдории иштирокчиёни маҷлис аз байни аъзоёни нави Раёсати ташкилот Бобозода С., ба ҳайси раиси ташкилоти ТИ “Сино” интихоб гардиданд.

Рубрики
Uncategorized

Мақола: Шукронаи саодати миллат

„Ҳар яки мо бояд шукронаи ин неъмати бебаҳо, яъне истиқлолу озодиро ба ҷо оварем, онро ҳамчун гавҳараки чашм ҳифз кунем ва тамоми саъю кўшиши худро ба хотири таҳкими пояҳои давлатдории миллиамон равона созем.”

Эмомалӣ Раҳмон

Тоҷикистон рўзи 09.09.1991 соҳибистиқлол гардид. Дере нагузашта душманони миллат бесарусомониро оғоз намуда, ватанро ба вартаи ҳалокат кашиданд. Дар Тоҷикистон  ҷанги шаҳрвандӣ оғоз гардид. Дар ҳамин вазъияти ниҳоят ҳассос Иҷлосияи 16-уми Шўрои  Олӣ баргузор гардид. Ин Иҷлосия иҷлосияи тақдирсоз буд. Ба сари ҳокимият ҳамчун Раиси Шўрои Олӣ Эмомалӣ Раҳмон омаданд. Нахуст суханашон: „Ман ба Шумо сулҳ меорам”– буд. Аз рўзи аввали фаъолияташон худро ҳамчун шахсияти ватандўст, сарвари раиятпарвар нишон дода, ҷони худро  ба хатар монданд ва  баҳри рафъи ҷанги шаҳрвандӣ кўшиш намуданд. Ҷисму ҷони Президентамонро гўё аз ҷавҳари сулҳу ваҳдат сохта бошанд, бо саъйу талоши зиёд баъди вохўриҳои пай дар пай ва таҳаммулпазирии беандоза бо сарварони қувваҳои  мухолифин ба мо тоҷикон сулҳу салоҳ оварданд.

27 июни соли 1997 дар Тоҷикистон сулҳу ваҳдати миллӣ пойдор гардид. Аз ҳамин рўз сар карда дар кишвари мо дўстӣ, оромӣ тантана дошт.Корҳои  созандагиву  ободкорӣ бомаром оғоз ёфтанд.

Боиси ифтихор ва сарбаландист, ки сарвари давлатамон Эмомалӣ  Раҳмон борҳо аз минбари баланди СММ баромад намуда, Тоҷикистонро ба ҷаҳониён муаррифӣ намуданд. Ҷомеаи ҷаҳонӣ ба сарвари мо баҳои баланд доданд. Бояд гуфт, ки сарвари мо арзандаи ҳама гуна тавсифҳо мебошанд. Зеро дар байни мамолики мутамаддини ҷаҳон мақоми  муносиб пайдо кардан як ҷаҳон дониш, таҷриба ва ҷонфишониҳо талаб мекард, кори осон набуд, ки аз ўҳдаи ҳамаи ин баромада тавонистанд. Аз ин рў, ҳамаи мукофотҳои олӣ ва унвонҳои бошараф насиби сарвари мо гашт. Унвони Пешвои миллат,   Асосгузори сулҳу   ваҳдати миллӣ бузургтарин унвон ва шараф аст, ки президенти мамлакатамон ба он ноил гардиданд.

Дар 30 соли истиқлолият мо ба ҳадафҳои худ расидем. Аввалин баромадҳои сарвари давлат  умедбахш буданд, ки ояндаи некро ба мо ёдрас менамуд. Ин аст, ки имрўз соҳиби Ватани соҳибистиқлолу озод ҳастем. Дар хоки поки ватани хеш хушнудона қадам мезанем, босубот меҳнат мекунем, осуда мехобем. Ба Пешвои худ ҳамчун ҳомии сулҳу ваҳдат такя карда,  сиёсати хирадмандонаи он касро ҳамеша  дастгирем. 

Дилафрўз Мулоҷонова – вакили Маҷлиси вакилони халқи вилоятӣ, директори  гимназияи №1-и ба номи Маҳмудҷон Воҳидови ноҳияи Ашт

Рубрики
Uncategorized

АНДЕША: ФАРАҲМАНД АЗ БАҲОРИ ВАҲДАТЕМ!

Ҳамвазни калимаи саодат Ваҳдат,

Тавҳиду нубувату имомат Ваҳдат.

Сарчашмаи зиндагии пурҷӯшу хурӯш,

Сарматлаи хубию асолат Ваҳдат.

Тайи 24 соли комил мешавад, ки мо дар баҳори назокату латофати Ваҳдати миллӣ зиндагӣ менамоем. Баҳористони Ваҳдат дар тӯли 24 сол меваҳои шаҳдрез ба бор оварда, дар замини дили мову шумо меҳрдонаи умеду бовар парварида аст. Нигоҳе ба таърихи ин саодатномаи сарнавиштсоз басо самарабахшу муфид ба ҳисоб рафта, машъале дар пайроҳаи сабзи тамаддуни башарӣ ба шумор меравад. Бо гузариш аз фасле ба фасли зафару мавсими зебогиҳову ободонӣ пояҳои ваҳдати асолатофаринамон устувору баҳори бехазони ҷовидонаеро ба халқи маҳбуби тоҷик эҳдо менамуд. Имрӯз бо сарфарозӣ метавон гуфт, ки самараи ин армуғони халлоқӣ дар сифоти нодиртарин ёдгориҳо аз ҷумлаи эҳёи наврӯзи башарӣ, шинохти таърихи адабиёти ғании миллат, баҳрабардорӣ аз оинаи сӯҳбати нобиғагони диёр ва тимсоли инҳо маҳсуб меёбад. Каромоти Ваҳдати миллӣ барои ҳар тоҷику тоҷикистонӣ иқболи баланду нусрати раббониеро ато намуд ва дар гулшани фарҳангиву мадании хеш ёсуманҳои накҳатфизоеро дар мисоли фарзонафарзандони оламшумули миллат чӣ дар соҳаи варзишу чӣ дар соҳаи илму адабиёт парварида ба камол расонидааст.

Аслан, ваҳдати имрӯзини мо бо ишоратеву омоли чанд муддатае ба даст наомадааст. Бақои ин ваҳдати ниёгонамон ҷовидона буда, дар баробари меҳнату кӯшишҳои пайвастаи роҳбари заковатманду ваҳдатофарини миллат, Раиси муаззами ҲХДТ муҳтарам Эмомалӣ Раҳмон дар зарфи кӯтоҳтарин замони ба сари қудрат омадан, ба даст омадааст. Лиҳоз-о, ҳар субҳ намози шокириаш бояд хонду санои ин абармарди роҳи бекаронаи сиёсатро гуфт.

Саодатномаи дилҳост Ваҳдат,

Шарофатномаи яктост Ваҳдат.

Чу номуси дили соҳибдалерон,

Ба дилҳо пояаш барҷост Ваҳдат.

Ҷавонони зодаи замони истиқлолу озодӣ фархундарӯз аз онанд, ки ғунчаҳои сарсабзи чаманистони саодатанд ва фараҳманд аз баҳори Ваҳдату осоиштагӣ.

Умедҷони Амонӣ

Аъзои фаъоли ТҶҶ”Созандагони Ватан”-и назди КИ ҲХДТ Ашт

Рубрики
Uncategorized

ГУЛИСТОН: Душвориҳо паси сар мешаванд!

​     Кормандон ва тарғиботчиёни Кумитаи иҷроияи Хизби Халқии Демократии Тоҷикистон дар шаҳри Гулистон ​ корҳои тарғиботиву ташвиқотӣ ва фаҳмондадиҳиро баҳри пешгирии бемории сироятии “COVID-19 ” идома дода, ​ ба шаҳрвандон Муроҷиатномаи ҲХДТ, мавдҳои тарғиботиву ташвиқотӣ, маҳлулҳои безараргардонӣ ва ниқобҳои муҳофизатиро ​ дастрас намуданд. Зимни сӯҳбати рӯ ба рӯ​ бо мардум, таъкид карда​ шуд, ки​ аввалан​ дар роҳи пешгирии ин беморӣ бояд ҳар як нафар масъулиятро эҳсос намояд.​ Манзили худро тозаю озода нигоҳ дорад. Гигиенаи шахсӣ, истифодаи ниқоби тиббӣ, дар вақти зарурати​ баромадан ба кӯча масофаи байниҳамдигаро риоя намоянд. Худ ва наздиконро эҳтиёт намоянд.

Рубрики
Uncategorized

ГУЛИСТОН: Маҷлиси ҳисоботӣ-интихоботӣ дар ТИ КВ “ЭКГҚ”

       Дар ташкилоти ибтидоии ҲХДТ КВ “Экспедитсияи  комплексии геологии Қайроққум”-и КИ ҲХДТ дар шаҳри Гулистон бо иштироки фаъолон маҷлисҳои ҳисоботӣ-интихоботӣ баргузор гардид. Дар маҷлис  раиси ташкилоти ибтидоии ҳизбӣ Абдуллоев Ғуфрон Нуруллоевич  оид ба фаъолияти ташкилот ҳисобот дод. Дар ҷараёни маҷлис дигар масъалаҳои рӯзнома низ мавриди муҳокима қарор гирифта шуда, қарорҳои дахлдор қабул карда шуданд.

Рубрики
Uncategorized

Ашт: Мулоқот дар ташкилоти ибтидоӣ

Масъулини  Кумитаи иҷроияи Ҳизби Халқии Демократии Тоҷикистон дар ноҳияи Ашт корҳои фаҳмонидадиҳиро дар ташкилотҳои ибидоӣ ҷонок намуда, ҳамчунин масълиҳатҳои мудид оид ба пешбурди корҳои ҳизбӣ масълиҳатҳо медиҳанд. Дар ташкилоти ибтидоии ҲХДТ дар Ҷамоати деҳоти Ашт бо аъзоёни фаъоли ташкилот мулоқот доир намуданд.

 Зимни сӯҳбат атрофи сазовор пешвоз гирифтани 30-солагии Истиқлолияти давлатии Ҷумҳурии Тоҷикистон,  пешгирии шомилшавии ҷавонон ба ҳизбу ҳаракатҳои ифротӣ, инчунин  ҷиҳати  пешгирии бемории сироятии «КОВИД 19» суханронӣ намуд.

Рубрики
Uncategorized

Гулистон: Саломатии худ ва дигаронро зери хатар нагузоред!

Имрӯз бо мақсади пешгирии бемории сироятии COVID – 19 ҷиҳати бурдани корҳои фаҳмондадиҳӣ гурӯҳи тарғиботчиёни КИ ҲХДТ дар шаҳри Гулистон  бо сокинони шаҳр мулоқот карданд.

Гурӯҳи корӣ фаъолияти худро аз хонаҳо, кӯчаҳо, маҳалҳо, ҷойҳои ҷамъиятӣ оғоз намуданд. Аз ҷониби гурӯҳи тарғиботӣ ба   истиқоматкунандагони шаҳр тавсия дода шуд, ки ҳангоми гашту гузор кардан дар ҷойҳои ҷамъиятӣ ва серодам қоидаҳои беҳдоштиро риоя намоянд. Ҳамзамон пӯшидани ниқобҳои муҳофизатиро аз хотир набароранд. Зеро саломатии ҳар шахс аз шахси дигар вобастагии калон дорад. Маводҳои ташвиқотию тарғиботии оид ба пешгирии бемории сироятӣ тақсим кардашуда, боиси қаноатмандии шаҳрвандон гардид.