Рубрики
Асосӣ

Бобоҷон Ғафуров: Оила – саодати зиндагӣ

    Оила мазҳарест, ки инсон дар он ба дунё меояд, ба камол мерасад ва рӯзе худаш оила барпо менамояд. Оила муҳимтарин низоми ҷамъият аст. Оила бояд мактаби худогоҳӣ, худшиносӣ ва ватандӯстию инсондӯстӣ барин хислатҳои неки инсонӣ бошад. Бояд донист, ки муҳимтарин вазифаи оила таъмини хушбахтии аҳли хонавода ва тарбияи шоистаи фарзандон мебошад. Дар ҳақиқат оила саодати зиндагӣ ва пойдевори ҷамъият мебошад, зеро аввалин таҳкурсии тарбия дар оила гузошта мешавад.Мактаб дар тарбияи насли наврас нақши аввалиндараҷаро бозад ҳам,вале таҷрибаи ҳаётиро ба кӯдак оила медиҳад.Хислат ва симои маънавии фарзанд маҳз дар оила ташаккул меёбад. Оиди ин мавзӯъ ва дигар масъалаҳои мубрами рӯз дар маҳфили тарбиявие, ки бахшида ба Рӯзи оила дар маҳаллаи Даштаки ҷамоати деҳоти Унҷӣ ташкил гардид, фикру мулоҳизаронӣ карда шуд.

   Дар ин чорабинӣ котиби масъули нашрияи “Сухани халқ” – Моҳира Раҳимзода, мутахассиси шуъбаи занони КИВ ҲХДТ – Мирзохоҷаева Азиза, мудири шуъбаи кор бо занон ва оилаи МИҲД – и ноҳияи Бобоҷон Ғафуров – Ӯғулой Ҳоҷибоева, Мудири шуъбаи занони кумитаи иҷроияи ноҳиявӣ – Солиева М, мутахассиси пешбари ҷамоат оид ба рушди иҷтимоӣ ва робита бо ҷомеа – Расулова М, занони фаъоли маҳалла иштирок намуданд.

   Нахуст, раиси шӯрои занони маҳалла Ашӯрова Д, мақсади баргузории чорабиниро шарҳ дод.  Собиқадори ҳизбу меҳнат Турсунова Дилбар оид ба маърифати оиладорӣ бо ҷавонон суҳбат намуданд. Аз тарафи хонандагони Гимназияи №2 саҳначаи тарбиявӣ намоиш дода шуда, мавриди муҳокима қарор гирифт.

   Пирони рӯзгордида, аз ҳаёти оиладории худ ба ҷавонон нақл карда, даъват ба амал оварданд, ки ҷавобан ба ғамхориҳое, ки имрӯз давлату Ҳукумат бо сарварии Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон нисбати ҷавонон мекунанд, хонанд, илму ҳунар омӯзанд ва ба Ватани хеш хизмат намоянд.

Рубрики
Асосӣ

БОБОҶОН ҒАФУРОВ: Модар яктост – Тоҷикистон яктост!

  Боиси хурсандӣ ва  ифтихор  аст,  ки имрӯзҳо кишвари  азизи мо  Тоҷикистони соҳибистиқлол  тинҷу  осуда  ва  ободу  зебо аст,  ки  воқеан  мояи ифтихору  сарфарозист. З-ин  сабаб  ҳар  як  ҷавони бонангу  ор  бояд баҳри ин  Ватан  сидқидилона  хизмат намуда, қарзи худро адо  намояд.

 Чуноне ки Асосгузори сулҳу ваҳдати миллӣ – Пешвои миллат,  Раиси муззами ҲХДТ муҳтарам Эмомалӣ Раҳмон  дар  баромадҳои  худ борҳо  таъкид  менамоянд, ҷавонон ояндаи миллатанд ва уммеди халқи тоҷик ба ҷавонони бонангу ор аст, ки тавонанд, дар ҳама ҳолат Ватани худро ҳифз намоянд.

  Мо имрӯзҳо ифтихор аз он мекунем, ки  ҷавонони фаъолу  пешқадам дорем, ҷавононе, ки ҳамеша мекушанд дар сафи пеш бошанду ба манфиати халқу Ватан ҳиссаи арзандаи худро гузоранд.

 Гуфтан ба маврид аст, ки барои сарбаландона ҳифз намудани ватани худ яке аз вазифаи асосии ҷавонмардон ин хизмат ба сафи Қувваҳои Мусаллаҳ  мебошад.  Ҳифзи Ватан, ҳимояи манфиати давлат, таҳкими Истиқлолият, амният ва иқтидори мудофиавии он  вазифаи муқаддаси ҳар шаҳрванд аст. Хизмат дар  сафи  Қувваҳои мусаллаҳ  яке аз нишонаҳои муҳаббат ба Ватан аст. Ҳар як фард ва ҳар як шаҳрванди Ҷумҳурии Тоҷикистон бо сарбозаш фахр мекунад.

Инҷо боз  ҳам  гуфтаҳои   Президенти кишвар, Раиси муаззами Ҳизби халқи демократии Тоҷикистон муҳтарам Эмомалӣ Раҳмонро кайд кардан  зарур аст, ки  мегӯянд: “ Хизмат ба сафи Қувваҳои Мусаллаҳи Ҷумҳурии Тоҷикистон  на танҳо қарзи муқаддаси фарзандӣ, балки шоистаи ифтихор ва шарафи бузург буда, хизмати ҳарбӣ ба ҳар як ҷавонмард мактаби ҷасорату матонат, дӯстиву рафоқат ва худогоҳиву меҳанпарастӣ шинохта мешавад.”

      Аз фурсати муносиб истифода бурда, даъват ба амал меорем, ки шумо ҷавонони азиз бо хоҳишу иродаи худ, ба сафи Қувваҳои мусаллаҳ дохил шуда, сарбаландона хизмати Модар – Ватанро ба ҷо оред, ки хизмат кардан  ба  Ватан – Модар ин шарафи ҷавонмардӣ  ва  мояи  ифтихор  аст.

Негматҷонова С – масъули  КИ ҲХДТ дар  ноҳияи  Бобоҷон  Ғафуров

Рубрики
Асосӣ

Бобоҷон Ғафуров: Мулоқоти Судманд

Бо мақсади иҷрои дастуру ҳидоятҳои Асосгузори сулҳу ваҳдати миллӣ, Пешвои миллат, Перезиденти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон ки дар доираи сафари навбатии кориашон ҳангоми мулоқот бо фаъолони шаҳру ноҳияҳо иброз доштанд ва ҳамчунин вазифагузориҳои Раиси вилояти Суғд муҳтарам Раҷаббой Аҳмадзода дар машварати корӣ бо фаъолони вилоят, мулоқоту вохӯриҳои грӯҳи таблиғотии КИ ҲХДТ дар вилояти Суғд санаи 25 апрели соли 2022 дар Қасри маданияти ҷамоати деҳоти Унҷӣ баргузор гардид.

Дар чорабинии мазкур Моҳира Раҳимзода – аъзои гурӯҳи тарғиботии КИ ҲХДТ дар вилояти Суғд, Акбарзода Маъруф – роҳбари ТҶҶ “Созандагони Ватан” дар ноҳия ва Акбархӯҷаева Сайёра – раиси ҷамоати деҳоти Унҷӣ иштирок намуда, оид ба истифодаи самараноки замин, пешгирии болоравии нархи  ниёзи маҳсулоти аввал, таъсири манфии омилҳои беруна вобаста ба вазъи мураккаби имрӯзаи ҷомеаи ҷаҳонӣ, пешгирии шомилшавии сокинон ба ҳизбу ҳаракатҳои ифротӣ, пешгирии таълимоти ғайриқонунии динӣ, таҳкими тарбияи ҳарбӣ-ватандӯстӣ ва ҷалби ҷавонон ба сафи Қувваҳои мусаллаҳи Ҷумҳурии Тоҷикистон баромад намуданд.

Сипас, иштирокчиён ибрози андеша намуда, баён доштанд, ки баҳри ободии диёр ва дар амал тадбиқ намудани ҳидоятҳои Пешвои муаззами миллат кӯшиш ба харҷ медиҳанд.

Рубрики
Асосӣ

Баҳри татбиқи ҳадафҳои шоиста

Тибқи  нақша-чорабинии  КИ ҲХДТ  дар  вилояти  Суғд  оид  ба баргузории мулоқоту вохӯриҳо  оид  ба  татбиқи  дастуру  супоришҳои  Президенти  Ҷумҳурии Тоҷикистон , Раиси  ҲХДТ ,  Пешвои  миллат, муҳтарам  Эмомалӣ Раҳмон дар  шаҳру  ноҳияҳои  вилоят, ки  аз санаи 14 апрел то 18 апрели соли равон дар ташрифи навбатиашон ба вилояти Суғд баргузор гардид субҳи  имрӯз  дар толори  Колеҷи тиббӣ дар ноҳияи Бобоҷон  Ғафуров  мулоқоти  судманд  бо аҳолӣ  ва  донишҷӯён  баргузор  гардид.

Дар  мулоқот муовини Раиси КИ ҲХДТ дар  вилояти Суғд  Мансурӣ  З, дотсенти  ДКМТ  дар шаҳри  Бӯстон  Осими  Оқил, муовини Раиси ноҳия  Турсунзода М  ва  Раиси КИ ҲХДТ  дар ноҳияи  Бобоҷон  Ғафуров  Анварзода  Амирҷон  иштирок ва баромад намуданд.

Мулоқотро  Раиси кумиҷроияи ноҳиявӣ Анварзода  Амирҷон  ҳусни оғоз бахшида,  чунин   қайд намуданд, ки   санаи 17 апрели соли 2022 дар шаҳри Гулистон мулоқоти Пешвои миллат бо фаъолони шаҳру ноҳияҳои вилоят баргузор гардид. Зимни ин мулоқот аз ҷониби сарвари давлат оид ба истифодаи самараноки замин, пешгирии болоравии нархи маҳсулоти ниёзи аввал, таъсири манфии омилҳои беруна вобаста ба вазъи мураккаби имрӯзаи ҷомеаи ҷаҳонӣ, пешгирии шомилшавии сокинон ба ҳизбу ҳаракатҳои мамнӯъ, пешгирии таълимоти ғайриқонунии динӣ, таҳкими тарбияи ҳарбӣ ватандӯстӣ ва ҷалби ҷавонон ба сафи Қувваҳои Мусаллаҳи Ҷумҳурии Тоҷикистон эътибори аввалиндараҷа додан, дастуру супоришҳои мушаххас иброз гардид.

Аз ин лиҳоз кумитаи иҷроияи Ҳизби Халқии Демократии Тоҷикистон дар ноҳияи Бобоҷон Ғафуров дар якҷоягӣ бо мақомоти иҷроияи ҳокимияти давлатии ноҳия тибқи ҷадвали тасдиқгардидаи кумитаи иҷроияи ҲХДТ дар вилояти Суғд тасмим гирифт, ки мулоқоту вохӯриҳоро дар ҷамоатҳои шаҳраку деҳоти ноҳия бо сокинон доир намояд. Ингуна вохӯриҳо бо иштироки меҳмонон, аъзои гурӯҳи тарғиботию ташвиқотӣ дар якчанд ҷамоатҳо баргузор шуда истодааст.

Дар  навбати  худ меҳмонони вохӯрӣ  низ  бо  навбат  оиди  масъалаҳо  зикршуда,  фикру  ақидаҳои  худро баён  намуда,  маслиҳатҳои  муфиду  судманд доданд.

.

Рубрики
Асосӣ

Н. БОБОҶОН ҒАФУРОВ: Мулоқот бо занони хонашин

     Тибқи нақшаи чорабиниҳои КИВ  ҲХДТ  дар маҳаллаи Кулангири ҷамоати деҳоти Ҳайдар Усмонови ноҳияи Бобоҷон Ғафуров бо иштироки мудири шуъбаи занони кумитаи иҷроияи вилоятӣ – Заррина Раҳмон, мудири шуъбаи ҷавонони КИ ҲХДТ дар вилояти Суғд – Мирмуллоев Назирҷон, намояндаи кумитаи иҷроияи ноҳиявӣ – Солиева М бо занону бонувони хонашин мулоқот доир гардид. Нахуст, муовини раиси ҷамоат Шодибоева М мақсади баргузории ин вохӯриро шарҳу тавзеҳ намуд. Дар ин мулоқот баромадчиён мавзӯъҳои даъвати ҷавонон ба сафи Қувваҳои Мусаллаҳи Ҷумҳурии Тоҷикистон, дар амал татбиқ намудани Қонуни ҶТ “Дар бораи танзими анъана ва ҷашну маросим”, “Масъулияти падару модар дар таълиму тарбияи фарзанд”, пешгирии шомилшавии ҷавонон ба ҳизбу ҳаракатҳои ифротгаро, ҷудошавии оилаҳои ҷавон, истифодаи самараноки заминҳои наздиҳавлигиро мавриди муҳокима қарор доданд. Зикр гардид, ки занро дар зиндагӣ тавоно ва созанда гуфтаанд, ки дар ниҳоди ин калимаҳо маъноҳои хеле зиёд ғунҷоиш ёфтааст. Занон тавоногии худро на ба сухан, балки ба амал бояд нишон дода тавониста бошанд.

    Инчунин, аз бонувони арҷманд даъват ба амал оварда шуд, ки нисбати имрӯзу фардои миллати худ бетафовут набошанд. Арзишҳо ва дастовардҳои Тоҷикистони азизро пос доранд, фарзандони худро дар руҳияи ватандӯстиву меҳанпарастӣ тарбия намуда, барои боз ҳам ободию гулгулшукуфии кишвар саҳми арзандаи хешро гузоранд.

Рубрики
Асосӣ

Н. БОБОҶОН ҒАФУРОВ: Истиқлоли ватанам

Метапад дил, мезанад дил, эй  азизон  зиндаам!

Тоҷикам  аз  дудаи  он  тоҷдорон зиндаам!

Гар  лаби ноне  надорам,  мушти хокат  нони  ман,

Ман  ба  як  каф  хоки  покат,  Тоҷикистон  зиндаам!

Истиқлолият  дар  таърихи  ҳазорсолаи  халқи тоҷик аз  ҷумлаи  он  миллатҳоест,  ки  марзу  буми  худро  хеле  дӯст  медоранд  ва  барои  ҳастии миллат  ҷоннисорӣ мекунанд. Истиқлолият   шараф  ва номуси  ҳар  як  миллати озодандеш  ва  соҳибхираду соҳибэҳтиром  аст.

Дар  ибтидои истиқлолияти  давлатӣ  Худованд  ба  халқи  тоҷик  Пешвоеро  ато  кард, ки миллату  давлати   моро  дар  арсаи  ҷаҳон  муаррифӣ намуда, Тоҷикистони  соҳибистиқлолро обод ва ҷанги бародаркушро хотима  бахшид.

Соли 1992  фарзанди  дурандеш ва шердили халқамон Эмомалӣ Раҳмон  дар  Иҷлосияи тақдирсози XVI  Шӯрои Олии кишвар  дар шаҳри бостонии Хуҷанд  бори сангини  сарварии   давлати соҳибистиқлоли тоҷикро  ба дӯш  гирифт. Дар  шароит ва вазъияти  басо мушкили  сиёсӣ, иқтисодӣ  ва иҷтимоӣ рӯи  кор  омад.  Эмомалӣ Раҳмон  баҳри  пойдорӣ ва  шукуфоии  кишвари  азиз,  сулҳи  устувор ва  ваҳдати  комили  миллӣ талош  варзид. Тоҷикистони  биҳиштосоямонро  дар  кӯтоҳтарин  вақт  ба  нодиртарин  давлат  табдил  дод  ва ба тоҷикони ҷаҳон  фаҳмонд, ки тоҷик  ҳама ҷову  Тоҷикистон  яктост. Онҳо  метавонанд ба  Тоҷикистони азиз  озодона  рафтуо  кунанд  ва  аз  тамошои  Ватани азиз  ҳаловат  баранд. Аз  он  хурсандем, ки сарнавишт  ба  мо  чунин  Пешворо  дод. Мо  бо  Президенти  ваҳдатовару  раиятпарвари  худ Асосгузори  сулҳу  ваҳдати  миллӣ – Пешвои  миллат,  Раиси муаззами  Ҳизби  Халқии Демократии Тоҷикистон  муҳтарам  Эмомалӣ   Раҳмон  ифтихор  мекунем. Дар  Тоҷикистон зистану шаҳрванди  Тоҷикистони  соҳибистиқлол  будан  ифтихор  аст. Модоме  ки  ба  мову  шумо  чунин  шараф  муяссар гардидааст, биёед шаҳрванди ҳақиқию арзанда  бошем. Барои  ободонии  кишвари азизамон ҳиссаи арзанда гузорем. Дар  атрофи  Пешвои  миллат муттаҳид  гардем. Чи хеле  ки  Президенти  кишвар муҳтарам  Эмомалӣ  Раҳмон    дар  Паёмҳои худ  таъкид менамоянд “Истиқлол  рамзи  соҳибдавлатӣ ва  ватандории  миллати  сарбаланду  мутамаддини  тоҷик  аст, ки  аст, ки номаи тақдирашро  бо дасти хеш  навишта,  роҳу  равиши  хоса  ва  мақому  мавқеи  муносиберо  дар  ҷомеаи ҷаҳонӣ  пайдо карда,  набзи  давлату  миллати моро  ба  набзи  сайёра  ҳамсадо  месозад.”

Яъне  истиқлолият  рамзи  саодати  миллат  ва  давлати  соҳибихтиёрии  миллӣ,  нишонаи  пойдориву  бақои  он  мебошад.  Зеро  дар  ин  дунёи  пуртазоди  муосир  миллате  соҳиби  ному  иззат  шуда  метавонад, ки истиқлоли  воқеӣ  ва  давлати  озоду  мустақили  хешро  дошта  бошад.

Мо бояд  шукргузор  аз он  бошем,  ки дорои давлату  миллат  ва  истиқлолияти  комилему  дар  фазои  сулҳу  амонӣ умр  ба сар мебарем.  Вазифаи  мо  дар  назди  ин  неъматҳо  он  аст,  ки бо  ҷаҳду  талоши  хеш  дар  ободии Ватани  азиз   саҳмгузор  бошем.

 Негматҷонова С – мудири  бахши 

умумии  КИ ҲХДТ  дар  ноҳияи Бобоҷон  Ғафуров    

Рубрики
Асосӣ Мақола

БОБОҶОН ҒАФУРОВ: Амали дастҷамъона баҳри мубориза бо зуҳуроти номатлуб

АНДЕША: Дар ҷаҳони имрӯза  кишваре  нест,  ки аз таъсири  гурӯҳҳои ифротӣ  дар  олам  нигарон  набошад. Зеро террор  ин  таҳдид ба тамоми  башарият  мебошад.

Аз ин  рӯ  имрӯз  аҳли ҷаҳонро  лозим  аст,  ки бар  зидди  ин  зуҳуроти  номатлуб муборизаи  ҳамҷоя  барад. Имрӯзҳо низ  бархе  аз ифротгароён,  хоинони  миллат  мехоҳанд,  ҳадафҳои  нопоки  худро  дар  тамоми  ҷаҳон  амалӣ  созанд ва  сулҳу суботи  ҷомеаро  халалдор  месозад. Имрӯзҳо  мардум  чеҳраи  аслии  ин  гуна  афроди  пастсифатро  шинохтаанд.  Онҳо  афроди  хиёнаткор  мебошанд,  ки  арзиши  истиқлол , ки  волотарин  ва  пурарзиштарин  дастоварди  давлату  миллати  тоҷик  аст, қадр  намекунанд. Миллати  тоҷик  тӯли  асрҳои  зиёд  дастовардҳои фарҳанги  асил,  ҳуввияти  миллӣ,  забонӣ давлатӣ ва  илму  адабиёти  оламгирашро нигоҳ доштааст. Ба  ҳамагон  маълум  аст,  ки ниёгони  мо  бо  афкори  пурарзиш, беҳтарин  ва  равшантарин  орзуву  омоли  халқи  тоҷик ва ахлоқи  ҳамидаро  басо  орифона  ифода  намудааст.  Мо  бояд  ба насли ҷавон  талқин  намоем, ки шукронаи  даврони истиқлолият,  шукронаи  обу  хоки  диёр, осмони  софу  беғубор  намоянд  ва  андешаи  ободгароёнаю  суботкорона  дошта  бошанд. З-ин  сабаб муқаддас доштани  истиқлоли  давлатӣ, ки  барои  мо  рамзи  олии Ватану  ватандорӣ,  бузургтарин  неъмати  давлат  аст, расидан ба истиқлолияти  сиёсӣ,  иҷтисодӣ ва  фарҳангӣ мебошад. Истиқлолият  барои мо нишони  барҷастаи пойдории давлат, бақои  симои  миллат,  рамзи асолату ормонҳои  таърихӣ,  шарафу эътибори  ба  ҷаҳони  мутамаддин  пайвастани  кишвари соҳибистиқлоли  Тоҷикистон мебошад. Ва  ин  арзишҳоро  чун  гавҳари  ноёб  аз ҳар гуна  гурӯҳҳои  номатлубу  хиёнаткор  ва  афроди ватанфурӯш эҳтиёт  бояд  намуд.

Баҳри  саҳм  гузоштан  дар  ободиву  пешрафти  Ватан, зодгоҳ,  маҳалли  зисти  худ кӯшишҳо  ба  харҷ  диҳем.  Баҳри  он  талош варзем,  ки Ватани ҷоноҷони  мо  боз  ҳам  ободтару  зеботар  гардаду  обрӯю нуфузаш дар арсаи  байналмилал боз ҳам  рушд ёбад.

Аъзои  фаъоли  ҳизб дар  ноҳияи   Бобоҷон  Ғафуров

Рубрики
Асосӣ Мақола

БОБОҶОН ҒАФУРОВ: Иҷлосияи сарнавиштсоз

Соли равон 30 – солагии Иҷлосияи тақдирсози миллат, ки поягузори сулҳу ваҳдат ва давлатдории навини тоҷикон ба ҳисоб меравад, бо шукӯҳу шаҳомати бузург таҷлил карда хоҳад шуд.

Иҷлосияи 16-уми Шӯрои Олии ,Ҷумҳурии Тоҷикистон анҷумани ормонҳои миллат, сулҳу ваҳдат, эъмори давлат гардида, маҳз дар ҳамин иҷлосия сарнавишти минбаъдаи давлати миллӣ ва соҳибистиқлоли тоҷикон тарҳрезӣ, муайян ва мушаххас гардид ва ба сӯйи ҳадафҳои бузурги умумимиллӣ – оромӣ ва амният , сулҳу ваҳдат , ҳифзи якпорчагии марзу бум ва давлат қадамҳои устувор гузошта шуд.

Дар ҳақиқат ҳам, маҳз дар ҳамин Иҷлосия тақдири ояндаи давлати миллии тоҷикон тарҳрезӣ гардид ва ба сӯйи ҳадафҳои бузурги умумимиллӣ – сулҳу субот ва ваҳдати миллӣ аввалин қадамҳо гузошта шуд. Рамзҳои давлати соҳибистиқлоли тоҷикон – Парчам ва нишони давлатӣ қабул ва тасдиқ шуданд, ки ин аз эҳсоси ватандӯстӣ ва ифтихори миллии ҳар як фарди бонангу номус дар ҳамон давраи муташанниҷ дарак медод.

Иҷлосияи 16-уми Шӯрои Олии ҶТ аз лиҳози моҳияти худ бо Эъломияи Истиқлолияти Тоҷикистон баробарарзиш аст. Агар эъломия давлатеро бо номи Тоҷикистони соҳибистиқлол эълом дошта бошад, пас, Иҷлосияи 16 –ум дар Хуҷандшаҳр ҳамин давлатро аз фаношавӣ нигоҳ дошт ва миллати тоҷикро аз гирдоби нобудӣ берун кашид.

Ин Иҷлосияи тақдирсоз ба фарзанди барӯманди халқи тоҷик Эмомалӣ Раҳмон ваколати роҳбарӣ ба ҷомеаи Тоҷикистонро дода, ҳамзамон, ба дӯши ӯ вазифаи мураккабу муқаддаси бунёди давлати воқеан соҳибистиқлол ва демократиро вогузошт. Воқеан, заҳматҳои бесобиқа ва қаҳрамониву фидокории Пешвои муаззами миллат,Президенти Ҷумҳурии Тоҷикистон муҳтарам Эмомалӣ Раҳмон аст, ки дар сарзамини биҳиштосои мо ливои ваҳдату ҳамдилӣ ва парфишонӣ дорад.

Инчунин, дар Иҷлосия санадҳои меъёри ҳуқуқие қабул шуд, ки моҳиятан барои таъмини сулҳ ва ризоияти миллӣ, посдорӣ ва ҳимояи озодиҳои шаҳрвандон, таъмини бехатарии давлат созгор буданд.

Ин Иҷлосияи таҷдирсоз дар дар саҳифаҳои таърихи навини халқи тоҷик ба ҳайси Иҷлосияи наҷотбахшу сарнавиштсоз сабт гардида, омӯзонидани аҳамияти таърихии ин анҷумани ормонҳои миллат ба насли наврасу ҷавон вазифаи ҳар як шахси ватандӯсту хештаншинос ба ҳисоб меравад.

Солиева М – мудири шуъбаи занони КИ ҲХДТ дар ноҳияи Бобоҷон Ғафуров

Рубрики
Асосӣ

БОБОҶОН ҒАФУРОВ: Амали дастҷамъона бар зидди зуҳуроти номатлуб

Дар замони муосир дар тамоми кишварҳо ҷавонони ба доми фиреби ифротгароён афтода кам нестанд. Ин ҷавонон бехабар аз мақсаду мароми ифротиён ҷони ҷавони худро қурбон мекунанд. Ноогаҳӣ аз асолати фарҳангӣ ва камсаводӣ ҳамчун муҳимтарин омили гумроҳшавии ҷавонон аст.

Гурӯҳҳои террористӣ бо амалҳои худ дар ҷомеаи ҷаҳонӣ нооромӣ ба вуҷуд меорад. Бо ин роҳ барои амалӣ намудани ҳадафҳои нопокашон кӯшиш менамоянд. Аммо, бояд таъкид намуд, ки онҳо ҳеҷ гоҳ ба мақсадҳои ғайриинсониии худ нахоҳанд расид, зеро дар ҳастии башарият ва зиндагии воқеии инсонӣ ахлоқ аз ҳар чизи дигар муҳиму асосӣ ба ҳисоб меравад.

Таҳти ин мавзуъ масъулини кумитаи иҷроияи ноҳияи Бобоҷон Ғафуров бо хонандагони синфҳои болоӣ мулоқоти судманд гузаронида, бори дигар таъкид намуд, ки бояд ҷавонони мо ҳамеша ҳушёр бошанду зиракии сиёсиро аз даст надода баҳри ободии Ватан ҳамеша саҳмгузор бошанд.

Рубрики
Асосӣ Мақола

БОБОҶОН ҒАФУРОВ: Амали дастҷамъона баҳри мубориза бо зуҳуроти номатлуб

АНДЕША: Дар ҷаҳони имрӯза кишваре нест, ки аз таъсири гурӯҳҳои ифротӣ дар олам нигарон набошад. Зеро террор ин таҳдид ба тамоми башарият мебошад.

Аз ин рӯ имрӯз аҳли ҷаҳонро лозим аст, ки бар зидди ин зуҳуроти номатлуб муборизаи ҳамҷоя барад. Имрӯзҳо низ бархе аз ифротгароён, хоинони миллат мехоҳанд, ҳадафҳои нопоки худро дар тамоми ҷаҳон амалӣ созанд ва сулҳу суботи ҷомеаро халалдор месозад. Имрӯзҳо мардум чеҳраи аслии ин гуна афроди пастсифатро шинохтаанд. Онҳо афроди хиёнаткор мебошанд, ки арзиши истиқлол , ки волотарин ва пурарзиштарин дастоварди давлату миллати тоҷик аст, қадр намекунанд. Миллати тоҷик тӯли асрҳои зиёд дастовардҳои фарҳанги асил, ҳуввияти миллӣ, забонӣ давлатӣ ва илму адабиёти оламгирашро нигоҳ доштааст. Ба ҳамагон маълум аст, ки ниёгони мо бо афкори пурарзиш, беҳтарин ва равшантарин орзуву омоли халқи тоҷик ва ахлоқи ҳамидаро басо орифона ифода намудааст. Мо бояд ба насли ҷавон талқин намоем, ки шукронаи даврони истиқлолият, шукронаи обу хоки диёр, осмони софу беғубор намоянд ва андешаи ободгароёнаю суботкорона дошта бошанд. З-ин сабаб муқаддас доштани истиқлоли давлатӣ, ки барои мо рамзи олии Ватану ватандорӣ, бузургтарин неъмати давлат аст, расидан ба истиқлолияти сиёсӣ, иҷтисодӣ ва фарҳангӣ мебошад. Истиқлолият барои мо нишони барҷастаи пойдории давлат, бақои симои миллат, рамзи асолату ормонҳои таърихӣ, шарафу эътибори ба ҷаҳони мутамаддин пайвастани кишвари соҳибистиқлоли Тоҷикистон мебошад. Ва ин арзишҳоро чун гавҳари ноёб аз ҳар гуна гурӯҳҳои номатлубу хиёнаткор ва афроди ватанфурӯш эҳтиёт бояд намуд.

Баҳри саҳм гузоштан дар ободиву пешрафти Ватан, зодгоҳ, маҳалли зисти худ кӯшишҳо ба харҷ диҳем. Баҳри он талош варзем, ки Ватани ҷоноҷони мо боз ҳам ободтару зеботар гардаду обрӯю нуфузаш дар арсаи байналмилал боз ҳам рушд ёбад.

Аъзои фаъоли ҳизб дар ноҳияи Бобоҷон Ғафуров