Рубрики
Асосӣ Мақола

КОНИБОДОМ: ҲУНАРМАНД ҲАРҶО БУВАД САРФАРОЗ…

      Дар маркази шаҳр ярмаркаи ҷойҳои холии корӣ аз ҷониби шӯъбаи Агентии давлатии меҳнат, муҳоҷират ва шуғли аҳолии шаҳр бо роҳбарии  Шӯҳратҷон Ортиқов ташкилу баргузор карда шуд.

     Дар он 134 ҷойи кори доимӣ аз ҷониби ташкилоту корхонаҳои гуногуни шаҳрамон пешкаши корҷӯён гардонида шуд. Ҳамчунин маркази таълими калонсолон ва литсейю коллеҷҳо курсҳои касбомӯзии кӯтоҳмуддатро бо касбу ихтисосҳои мувофиқ ба замони муосир пешниҳоди ҷавонону касбомӯзон гардониданд.

     Тавре, Ш.Ортиқов маълумот дод, дар ярмарка 12 корхонаву идораҳо ҷойҳои холии кориашонро пешниҳод намуда, 6-нафар шаҳрвандони бекор барои кор дар соҳаи маориф ва ҶС “Бодом” роҳхат гирифтанд.

       Ҳамчунин дар шафати ярмарка озмуни ҳунарҳои мардумӣ доир гардид, дар он  корҳои эҷодии сокинон, донишҷӯёни коллеҷу литсейҳои шаҳр, маҳсули дастони пурҳунари кӯдакон ва тахайюлоти рангини тарбиятгирандгони кӯдакистонҳо ба маърази тамошо гузошта шуда, корҷӯён дар баробари пайдо кардани кор, инчунин аз намоиши ҳунарҳо ва маҳсулоти бо даст сохтаи ҳунармандон аз наздик шинос шуданд.

     Дар намоиш ва озмуни ҳунарҳои мардумӣ кулолгар Солеҳахон Раҳимова, адрасбоф Дилором Абдуллоева ва дар ҳунари гулдӯзӣ омӯзгори Литсейи касбии саноати дӯзандагӣ Матлуба Ҷӯраева беҳтарин дониста шуданд. Ғолибон ва беҳтаринҳо дар даври вилоятии озмун ширкат хоҳанд кард.

Рубрики
Асосӣ

Конибодом:Конференсияи XXIV-уми ҳисоботӣ – интихоботии Кумитаи иҷроияи Ҳизби Халқии Демократии Тоҷикистон дар шаҳри Конибодом баргузор гардид

18-уми августи соли 2022 дар маҷлисгоҳи Мақомоти иҷроияи ҳокимияти давлатии шаҳри Конибодом дар асоси банди 4.11. Оинномаи ҲХДТ Конференсияи XXIV-уми  ҳисоботӣ – интихоботии Кумитаи иҷроияи Ҳизби Халқии Демократии Тоҷикистон дар шаҳри Конибодом баргузор гардид. 

Дар он Раиси кумитаи иҷроияи ҲХДТ дар вилояти Суғд Исмоилзода Зуфар Муртазохон,Раиси шаҳри Конибодом Абдусалом Тӯхтасунзода, раиси Кумитаи иҷроияи шаҳрии ҳизб Бобоҷонзода Азимҷон Тоир , муовинони Раиси шаҳр, вакилон ва роҳбарони як қатор ташкилоту муассисаҳои шаҳрӣ, директорони муассисаҳои таҳсилоти миёна, ки ба ҳайси вакил аз ташкилотҳои ибтидоии ҳудуди шаҳри Конибодом интихоб шудаанд, ширкат намуданд. 

Ҳамзамон, дар конференсия раисони шӯроҳои собиқадорони ҳизб, намояндагии ТҶҶ «Созандагони Ватан» дар шаҳри Конибодом, кормандони масъули сохторҳои ҳизбии шаҳр ҳузур доштанд.

Пас аз садо додани Суруди миллӣ, интихоби котибот ва ҳайати таҳририя конференсия ба кори худ шурӯъ намуд. 

Конференсияи XXIV-уми ҳисоботӣ-интихоботии Кумитаи иҷроияи ҲХДТ дар шаҳри Конибодомро раиси Кумита Бобоҷонзода Азимҷон Тоир ифтитоҳ намуда, масъалаҳои ҳисоботи Кумитаи иҷроияи ҳизб дар шаҳри Конибодом дар бораи ҷамъбасти натиҷаҳои фаъолияти сохторҳои шаҳрии ҳизб дар давраи ҳисоботӣ ва вазифаҳо барои фаъолияти минбаъда, ҳисоботи Комиссияи тафтишотии ҲХДТ дар шаҳри Конибодом дар давраи ҳисоботӣ, ҳисоботи намояндагии ТҶҶ “Созандагони Ватан” дар шаҳрии Конибодом   дар  давраи ҳисоботӣ, интихоби аъзои Кумитаи иҷроияи шаҳрии ҳизб, аъзои Комиссияи тафтишотии ҳизб дар шаҳри Конибодомро ба ҳозирин муаррифӣ намуд.

Нахуст, ҳисоботи раиси Кумитаи иҷроияи ҳизб дар шаҳри Конибодом Бобоҷонзода дар бораи ҷамъбасти натиҷаҳои фаъолияти ташкилотҳои ҳизб дар давраи ҳисоботӣ ва вазифаҳо барои фаъолияти минбаъда шунида шуд.

Гуфта шуд, ки давраи ҳисоботӣ барои ташкилотҳои ҲХДТ дар шаҳри Конибодом ва аъзои он давраи ниҳоят пурмасъулияту хотирмон буд, зеро дар ин марҳила, мардуми шарифи кишвар, махсусан сокинони шаҳри Конибодом дар фазои суботи сартосарӣ, рӯҳияи созандагӣ, саҳмгузорӣ дар пойдории Истиқлоли давлатӣ чорабиниҳои муҳими сиёсӣ – интихоботи Президенти Ҷумҳурии Тоҷикистон, Маҷлиси Олии Ҷумҳурии Тоҷикистон, маҷлисҳои маҷаллии вакилони халқ ва Ҷашни 35–солагии Истиқлоли давлатиро бо фарҳанги баланди сиёсӣ ва мавқеи устувори шаҳрвандӣ таҷлил намуданд.

Аз рӯзҳои нахустини бақайдгирии бемории сироятии COVID-19 дар кишвар, махсусан дар шаҳри Конибодом  сохторҳои ҳизбии шаҳр дар ҳамбастагӣ бо ҷонибдорону фаъолони ҳизб, сохторҳои марбутаи Мақомоти иҷроияи ҳокимияти давлатии шаҳр, вакилони маҷлиси вакилони халқи шаҳрӣ ва шахсони саховатманду эҳсонкор суҳбату вохӯрӣ, корҳои фаҳмондадиҳӣ, иттилоотӣ, таблиғотиву ташвиқотӣ ва хайриявиро бо сокинони шаҳр доир намуда, 160 аксияву ҳамоиш ва як қатор тадбири муҳими дигарро ба анҷом расонданд.

Дар музокира Раиси шаҳри Конибодом Тухтасунзода Абдусалом, вакилону фаъолони шаҳр ва роҳбари намояндагии ТҶҶ “Созандагони Ватан” мулоҳизаҳои худро баён карданд.

Дар идома Раиси Кумитаи иҷроияи  ҲХДТ дар вилояти Суғд Исмоилзода Зуфар Муртазохон  атрофи фаъолияти сохторҳои шаҳрии ҳизб дар давраи ҳисоботӣ, корҳои дохилиҳизбӣ, риояи ҳатмии Оиннома ва татбиқи Барномаи ҳизб, супоридани саривақтии ҳаққи узвият, қабули шахсони арзанда ба сафи ҳизб, ҷоннок намудани корҳо дар сатҳи маҳаллаҳо бо қишрҳои осебпазири ҷомеа, бартараф намудани мушкилоту камбудиҳои ҷойдошта, ҷалби аъзои нав ба сафи ҳизб, таъсиси ташкилотҳои нави ибтидоӣ ва дигар масъалаҳои дохилиҳизбӣ суханронӣ намуда, дар маҷмӯъ, фаъолияти ҳизбро дар давраи ҳисоботӣ қаноатбахш арзёбӣ кард.

Ҳамзамон, Исмоилзода З.М  аз масъулин ва ҳизбиёни шаҳр тақозо кард, ки ба ифтихори ҷашни 35-солагии Истиқлоли давлатии Ҷумҳурии Тоҷикистон корро ҷоннок намуда, баҳри саҳм гузоштан дар ин ҷашни муборак тадбирҳои иловагӣ андешанд.

Ҳамин тариқ, аз рӯйи ҳамаи масъалаҳои баррасишуда дар Конференсияи XXIV-уми  ҳисоботӣ – интихоботии Кумитаи иҷроияи Ҳизби Халқии Демократии Тоҷикистон дар шаҳри Конибодом  қарорҳои дахлдор қабул гардид.

Пас аз анҷоми конференсия бо иштироки вакилони Конференсия маҷлиси нахустини ҳайати нави Кумитаи иҷроияи шаҳрии ҳизб баргузор шуда,   раёсати Кумитаи иҷроия тасдиқ  гардида, Бобоҷонзода Азимҷон Тоир аз нав дар мувофиқа бо роҳбарияти олии ҲХДТ ба вазифаи  раиси Кумитаи иҷроияи ҲХДТ дар шаҳри Конибодом интихоб  гардид.

   Дар анҷоми Конференсия ба  як гурӯҳ фаъолони ҳизб медали ҷашнӣ, сипосномаҳои Кумитаи иҷроияи марказӣ ва вилоятии ҳизб ва ба  аъзоёни нави ҳизб шаҳодатномаҳои узвият ва тӯҳфаҳои хотиравӣ тақдим карда шуд.

Рубрики
Асосӣ

КОНИБОДОМ: Ниҳоли душманӣ баркан…

    Беш аз сӣ сол аст, ки мардуми сарбаланди тоҷик дар фазои истиқлолият, ваҳдат ва ҳамдигарфаҳмӣ ба хотири ободии Ватаи маҳбуб ва таъмини рӯзгори ободу осуда ҳалол заҳмат мекашад. Тоҷикистон имрӯз барои ҳар як сокини бо нангу ораш муқаддас аст ва ин маҳбубичт дар мағз-мағзи ҷони ҳар яке ба шарофати сиёсати хтрадмандонаи Пешвои муаззами миллат муҳтарам Эмомалӣ Раҳмон ҷой гирифтааст. Ягон қуввае онро наметавонад заррае ҳам коҳиш диҳад.

    Се даҳсола аст, душманони миллат-сарварони ҷонибдорони гурезаи ТТЭ ҲНИ, ки имрӯз худро  узви созмони “Паймони миллӣ” ном мебаранд, нисбати Ватани худ, миллати ба ору номуси худ, сарзамине, ки онҳоро ба дунё овардаву тарбия додааст хиёнатро раво дида, мехоҳанд, ки ба вазъи сиёсӣ халал ворид созанд. Дар Тоҷикистон ошкор шудани 720 ҷинояти марбут ба экстремизму терроризм давоми шаш моҳи гузашта аз он шаҳодат медиҳад, ки душманони миллат то ҳанӯз аз ҳадафи нопоки хеш даст накашидаанд. Қаблан дар ҳудуди кишвар аъзои ҳаракатҳои эктремистии “Ихвон-ул-муслимин”, “Ҳизб-ут-таҳрир”, созмонҳои террористии ҷамоати “Ансоруллоҳ”, “Ҳаракати исломии Ӯзбекистон”, “Ал-қоида”, “ДОИШ” ва ғайра боздошт ва зиндонӣ шуда буданд.

   Ягон амал ҳамешагӣ пинҳон намемонад. Дер ё зуд ҳатман ошкор мешавад. Ҷавонон бояд хуб донанд, ки пайравии кӯр-кӯрона ва ё боварӣ ба ваъдаҳои бардурӯғи дҳушманони миллат оқибатҳои фоҷиабор дорад. Ҷавонон, ҳанӯз дар қӯраи зиндагонӣ обутоб наёфтаанду шояд қудрати фарқ кардани дустро аз душман надоранд, ба ҳар гуна ташвиқоти беасос дода мешаванд.

   Аз ин хотир падару модар дар тарбия ва назлрати рафтори фарзандон масъулият дошта бошанд. Ононро тавре бояд тарбия кард, ки дар ҳақиқат номбардор ва ифтихори миллату давлати худ бошанд.

          Зарифаи Содиқ

декани факултаи коллеҷи омузгории

 ба номи М.Турсунзода

Рубрики
Асосӣ Мақола

Конибодом: Иҷлосияи тақдирсоз

       Иҷлосияи ХVI Шўрои Олӣ, ки моҳи ноябри соли 1992 дар шаҳри бостонии Хўҷанд баргузор шуд, ба ташкили давлату ҳукумати нави Тоҷикистон замина гузошт.

Эмомалӣ Раҳмон

        Бо пароканда шудани сохтори муқтадири собиқ ва заиф гаштани сутунҳои ҳокимият дар Ҷумҳурии Тоҷикистон муд дате вазъи носолим ва низоми дохилӣ ба миён омада, ба хоҷагии халқ хисороти зиёд ворид сохт.

Ҳазорон нафар ҳамватанони мо аз манзили истиқоматӣ маҳрум гашта, қисмате қурбони ин фоҷиаи миллӣ гардиданд. Новобаста ба ин, халқи тоҷик ба субҳи умед эътиод дошта, сафедии шабро интизор шуд ва билохир бо афкори тоза дари саодатро бикшод:

Аз но умедиҳо басе умед аст,

Поени шаби сиёҳ сафед аст,

      Дар таърихи миллати тоҷик ин фоҷиаи гарон чун саҳифаи фаромўш-нашуданӣ ва ҳузнангез сабт шудааст, то ояндагонро сабақи зиндагӣ бошад.

      Бешубҳа Иҷлосияи 16-уми Шўрои Олии Ҷумҳури Тоҷикистон фазои нави сиёсӣ, буда дар таърихи миллати тоҷик саҳифаи наверо боз на-муд. Маҳз ҳамин Иҷлосияи тақдирсоз бақои миллатро таъин намуда, дастгоҳи нави давлатиро, ки омили пешрафту тараққиёти ҷомеа мебо-шад, рўи кор овард.

      Президенти Ҷуҳурии Тоҷикистон, мўҳтарам Эмомалӣ Раҳмон ҳанўз соли 1993 нақш ва мавқеи Иҷлосияро ба сифати рўйдодӣ сарнавиштсози миллат муайян намуд, зеро он дар кишвар гардиши кулиеро ба вуҷуд овард.

       Дар Иҷлосияи фавқ ба раиси Шўрои Олии Ҷумҳурии Тоҷикистон ваколати сардори давлат дода шуд. Ба ўҳдаи Сардори давлат таъмини ҳуқуқ ва озодиҳои шаҳрвандон, Конститутсия ва Қонунҳои ҶТ вогузор гардид.

         Хулоса, давлати навтаъсисе, ки ба миён омад, фаъоли яти худро аз Ошти миллӣ, халъи силоҳ, авф, баргардонидани гурезагон, таъмини ҳуқуқи инсон ибтидо бахшид.

Сиёсати хирадмандонаи Сарвари давлат назми ҷомеаро ба вуҷуд оварда,марудмро ба ояндаи дуррахшон бовар кунонид.

      Воқеан, донаи умед ба тарофату файзи борони Оштии миллӣ дар дили ҳар як сокини кишвар сабзид.

Ба ҳар коре, ки ҳиммат баста гардад,

Агар хоре бувад,гулдаста гардад.

      Ҳар сол истиқлолияти Давлатии Ҷумҳурии Тоҷикистон дар фазои ором, мутанад сурат мегирад. Ҳама пешрафту нумўи давлати феълии тоҷикон аз файзу баракти Иҷлосияи 16-уми Шўрои Олии Ҷумҳурии Тоҷикистон сарашма мегирад. Зеро маҳз ҳамин Иҷлосия чун субҳи босафо бар шоми миллат ғоиб омада, ба хушбахтии мардум заминаи мусоид фароҳам овард. Ва барои дигар сокинони манотиқи гуногуни кишварро ба дурандешиву бунёдкори ҳидоят намуд.

        Хуллас,ҳар рўзе, ки сипарӣ мешавад, барои мо як навъ аз худкунии асосҳои давлату давлатдории муосир ва гузаштан ба ҷомеи демокра-тиву дунявиро талқин мекунад. Вазифаҳои ҳар фарди ҷомеа аз он иборат аст, ки баҳри оромии кулл ва ҳмфзи сарватҳои Тоҷикистони азиз саҳми худро гзорад. Шодию нишот, бахти баланди одамон ба воситаи дўстиву рафоқат пайдо мегардад ва баръакс, душманӣ ба рў-зи сахту гарони мардум боис мегардад. Барҳақ, устод Мирзо Турсунзода фармудааст:

Одамон аз дўсти ёбанд бахт,

Душманӣ орад ба марду рўзи сахт.

Мухторов Баҳром

Вакили маҷлиси вакилони халқи шаҳри Конибодом

Рубрики
Асосӣ

КОНИБОДОМ: Ташкилоти ибтидоии ҳизбӣ дар деҳаи Ғалчамулло аз фаъолияти яксолааш натиҷабардорӣ намуд

Тибқи нақшаи кории Кумитаи иҷроияи Ҳизби Халқии Демократии Тоҷикистон дар шаҳри Конибодом санаи 4уми июли соли ҷорӣ маҷлиси ҳисоботӣ-интихоботӣ дар ташкилоти ибтидоии ҳизбӣ дар деҳаи Ғалчамулло баргузор гардид, ки дар он намояндаи КИ ҲХДТ дар шаҳри Конибодом иштирок дошт.

Мувофиқи масъалаи дар рузномабуда сараввал раиси ташкилот Икромов Ҳотамбой оид ба фаъолияти ташкилот ҳисобот пешкаш намуд. Фаъолияти ташкилоти ибтидоии зерин дар давраи 1.06.2021 то 1.06.2022 аз тарафи иштирокчиёни ҷаласа қаноатманд ҳисобида шуд. Аз руйи масъалаи дуюм раиси ташкилот ва котиби он интихоб карда шуд.

Баъдан аз тарафи шахси масъули ташкилоти ибтидоӣ номзадии ду нафар аъзоёни ташкилоти зерин ҳамчун вакил ба Конфренсияи 24уми ҲХДТ дар шаҳри Конибодом пешниҳод карда шуд. Пешниҳоди зайл ҷонибдорӣ ва тасдиқ карда шуд. Аз руйи се масъала маҷлис қарорҳои дахлдор қабул намуд.

Дар поёни ҷаласа намояндаи кумиҷроияи шаҳрӣ суханронӣ намуда, аз аъзоёни ташкилот даъват ба амал овард, ки баҳри пешрафт ва беҳбудии фаъолияти ҲХДТ ҳиссаи арзандаи худро гузоранд . Ҳамчунин ҳуҷраи ташкилоти ибтидоӣ, фаъолияти корӣ ва ҳуҷҷатҳо аз тарафи намояндаи кумиҷроияи шаҳрии ҲХДТ омухта шуда, тавсияҳои методӣ дода шуд.

Рубрики
Асосӣ

КОНИБОДОМ: Сулҳу ваҳдат-созанда, терроризму экстремизм-сӯзанда

    Таҳти чунин унвон тибқи нақшаи кории Кумитаи иҷроияи ҲХДТ дар шаҳри Конибодом субҳи 1уми июли соли равон дар Коллеҷи технологии шаҳр мизи мудаввар доир гардид. Ҳадаф аз баргузории чорабинии мазкур пешгирии шомилшавии ҷавонон ба ҳизбу ҳаракатҳои ифротгаро, мустаҳкам намудани зиракии сиёсӣ, нигоҳ доштани афкори солими ҷавонон мебошад.

   Дар чорабинии мазкур ёрдамчии сардори ШВКД ҶТ дар шаҳри Конибодом Диловар Ализода, имомхатиби масҷиди Тезгузар Нурулло Ҳидоятов, сардори Раёсати омори шаҳр Мамадов Назирҷон, омузгорону донишҷӯёни ҷавони коллеҷу литсейҳо, кормандони ҷавони ташкилоту муассисаҳои шаҳр, аъзоёни ТҶҶ Созандагони Ватан иштирок доштанд.

       Сараввал чорабиниро мудири шуъбаи таблиғот ва иттилооти КИ ҲХДТ дар шаҳри Конибодом Гулнора Урунова ҳусни оғоз бахшида, ҳадафи баргузории чорабиниро баён намуд. Баъдан аз тарафи котиби ҷамоати деҳоти ба номи Фирузоба Комилов Ҳусниддин маъруза зери унвони “Терроризм-бадтарин зуҳурот дар ҷомеа” ироа гардид. Ҳамчунин маърузаи дигар дар мавзуи “Зиракии сиёсӣ-омили пешрафти ҷомеа” аз тарафи донишҷуи Коллеҷи технологӣ шунида шуд. Аз тарафи аъзои фаъоли ТҶҶ Созандагони Ватан Ҳоҷиев Муҳаммадалӣ маъруза таҳти унвони “Ҷавонмард онест, ки хизмати Модар-Ватан кунад” пешкаш гардид.

    Зимни чорабинӣ узви фаъоли ҲХДТ Баҳодурзода Боирҷон бо ҷавонон суҳбат намуда, оид ба фарҳанги истифодаи телефонҳои мобилӣ ва расонаҳои иҷтимоӣ ақидаронӣ намуда, таъкид дошт, ки ҷавонон бояд вақтро гарон дониста дониши амиқ омузанд.

    Дар рафти суҳбат намояндаи ҳифзи ҳуқуқ Диловар Ализода бобати оилаҳои ҷавоне, ки фирефтаи ваъдаҳои пучу беасоси гуруҳҳову равияҳои тундгар шуда, мулку хонаҳои худро тарк карда рафтаанд суханронӣ намуд. Аз ҷавонон даъват ба амал оварда шуд, ки ҳамеша ҳушёр бошанд ва ба дасисагуиҳои нохалафон бовар накунанд.

    Имомхатиби масҷиди маҳаллаи Тезгузар Нурулло Ҳидоятов низ чанд насиҳату пандҳо намуда, ба ҷавонон дар роҳи рост будан, хизмати халқу Ватани хеш кардан ва ба нооромиҳо роҳ надоданро тавсия дод.

       Гуфтан ба маврид аст, ки дар фарҷом бархе аз омузгорони коллеҷҳои шаҳр низ бобати мавзӯи зикргардида фикрҳои худро баён намуда бо ҷавонон мубодилаи афкор намуданд.

      Намояндаи Кумиҷроияи шаҳрӣ бо суханони шукргузор будан аз соҳибистиқлоливу ободонӣ, соҳибдавлатию соҳибмулкӣ, ки ба мардуми шарафманди мо бо душвориҳо ба даст омада, миллатамонро нусрату файз бахшидааст чорабиниро ҷамъбаст намуд.

Рубрики
Асосӣ

КОНИБОДОМ: Заминҳои наздиҳавлигӣ

самаранок истифода мешаванд

Дар шаҳри Конибодом сокинон заминҳои наздиҳавлигиро самаранок истифода намуда, дар як сол то се ҳосил ба даст меоранд. Раиси Кумитаи иҷроияи Ҳизби Халқии Демократии Тоҷикистон дар шаҳри Конибодом Бобоҷонзода Азимҷон Тоир дар асоси дастуру супоришҳои давлату Ҳукумат ва мақомоти болоии ҳизб бо усули хона ба хона аз заминҳои наздиҳавлигии сокинони ҷамоати деҳоти Куҳандиер дидан намуданд. Зимни корҳои тарғиботӣ ба сокинон ҷиҳати истифодаи самараноки замин, ки барои боз ҳам ғанӣ гардонидани бозори истеъмолӣ ва таъмини беҳдошти аҳли оила манфиатовар мебошад, дастурҳо дода шуд.

Сокинон иброз доштанд, ки ҷиҳати самаранок истифода намудани заминҳои наздиҳавлигӣ сарҷамъона меҳнат намуда, ҳар як порча замини наздиҳавлигиро самаранок истифода мебаранд ва аз ин ҳисоб шароити зиндагии худро беҳтар мекунанд.

Рубрики
Асосӣ

Конибодом: Ташкилоти ибтидоии ҳизбии Ҳоҷӣ Алиев аз фаъолияти яксолааш ҳисобот дод

 Санаи 30.06.2022 дар ташкилоти ибтидоии ҳизбӣ дар маҳаллаи Ҳоҷӣ Алиев (Коллеҷи тиббӣ) маҷлиси ҳисоботӣ-интихоботӣ бо иштироки муовини раиси Кумитаи иҷроияи ҲХДТ дар шаҳри Конибодом Шерматова Фируза доир гардид.  Аз руйи масъалаи якуми ҷаласа аз тарафи муовини раиси ташкилот Султонов Олимҷон ҳисоботи яксолаи ташкилот ба саҳми ҳозирин расонида шуд. Зимни музокира ҳисобот қаноатбахш арзёбӣ гардид.

Сипас раиси ташкилот ва котиби он аз нав интихоб карда шуданд.

Дар рафти ҷаласа собиқадори фаъоли ҲХДТ  Абдуллоев С баромад намуда, қайд карданд, ки ҲХДТ барои рушди нерӯи инсонӣ, тарбияи шахсияти худогоҳу  ватандуст  ва босадоқат дар сафи ҳизб аз тамоми имконоти мавҷуда истифода бурда, дар таҳкими рушду неруи  ҷомеа тавассути аъзоёни худ саҳм мегузоранд.

Аз руйи масъалаи сеюм аъзоен номзадии Нуриен Амирҷон-раиси ташкилоти ибтидоӣ, Султонов О -муовини директор, Ботирова З – вакили маҷлиси вакилони халқи шаҳр, Юлчизода Г – масъули ҲХДТ дар ташкилоти ибтидоӣ ҳамчун   вакил ба Конфренсияи 24уми ҲХДТ дар шаҳри Конибодом интихоб гардиданд. Қарорҳои дахлдор оид ба масъалаҳои баррасишуда қабул карда шуд.

Дар фарҷом муовини раиси  КИ ҲХДТ дар шаҳри Конибодом  суханронӣ намуда, вобаста ба масъалаҳои сиёсии ҳизбӣ: баланд бардоштани масъулияти аъзоёни ҳизб, содиқ будан ба Ватану миллат, нақши ҲХДТ дар идораи сиёсии давлат, саодат ба миллат ва вусъат бахшидан ба тарғиби идеологияи миллӣ дар ҷомеа андешаронӣ намуданд. 

Ҳамчунин, ба якчанд нафар аъзоёни фаъоли ҲХДТ дар ташкилоти ибтидоии ҳизбӣ дар маҳаллаи Ҳоҷӣ Алиев Сипосномаҳои КИШ ҲХДТ  тақдим карда шуд.

Рубрики
Асосӣ

КОНИБОДОМ: Баргузории маҷлисҳои ҳисоботӣ-интихоботӣ дар ташкилотҳои ибтидоии ҳизбӣ дар ҳудуди ҷамоатҳои деҳот

   Санаи 28-уми апрели соли 2022 дар ташкилоти ибтидоии ҳизбӣ дар Беморхонаи минтақавии №2 дар ҷамоати деҳоти ба номи Ҳамробоев  баргузор гардид, ки дар он намояндагони Кумитаи ияроияи ҲХДТ дар шаҳри Конибодом ширкат варзиданд. Ҷаласа аз руйи се масъалаи дар рузномабуда гузаронида шуд. Аз руйи масъалаи якум раиси ташкилоти ибтидоӣ Ахмедов Шуҳрат ҳисобот пешкаш намуд ва оид ба он қарори лозима қабул карда шуд.

   Сипас раиси ташкилоти ибтидоӣ ва котиби он аз тарафи иштирокчиён пешниҳод ва тасдиқ гардид.

  Аз руйи масъалаи сеюми ҷаласа раиси ташкилоти ибтидоии зерин ҳамчун вакил ба Конфренсияи 24уми ҲХДТ дар шаҳри Конибодом интихоб гардид.

    Инчунин, дар фарҷом муовини раиси кумиҷрояи шаҳрӣ баромад намуда, нақши ҲХДТ ро дар пешрафти ҷомеа муҳим арзёбӣ намуд.

Рубрики
Uncategorized

КОНИБОДОМ: Маҷлиси ҳисоботӣ-интихоботӣ дар ташкилотҳои ибтидоии ҳизбӣ дар ҳудуди ҷамоатҳои деҳот бомаром идома дорад

Дар рафти ҷаласаҳои ҳисоботӣ-интихоботии ташкилотҳои ибтидоии ҳизбӣ субҳи 23юми июни соли равон дар ташкилоти ибтидоии ҳизбӣ дар ҷамоати деҳоти ба номи Абулқосим Лоҳутии шаҳри Конибодом бо иштироки раиси Кумитаи иҷроияи ҲХДТ дар шаҳри Конибодом Бобоҷонзода А.Т маҷлиси ҳисоботӣ-интихоботӣ гузаронида шуд. Маҷлисро раиси ташкилоти ибтидоии мазкур Ғаниева Умеда ҳусни оғоз бахшида, иштирокчиёнро бо масъалаҳои рузномаи маҷлис шинос намуд ва мухтасар оид ба фаъолияти ташкилоти ибтидоии ҲХДТ дар солҳои ҳисоботӣ ахборот пешниҳод намуд. Ҳамчунин аз тарафи аъзоёни ташкилот музокира шунида шуда оид ба тезонидани суръати обунашавӣ ба рузномаҳои ҳизбӣ ва минбаъд беҳтар намудани фаъолияти ҳар як аъзои ҳизб, қабули аъзоёни нав ба сафи ҳизб истода гузаштанд.

Аз руи масъалаи дуюми рӯзнома котиби ташкилоти ибтидоӣ Тоҷиева Раҳима баромад намуда, таклиф пешниҳод намуд, ки ба раиси ташкилоти ибтидоии ҲХДТ раиси ҷамоати деҳоти ба номи А,Лоҳутӣ Ғаниева Умеда интихоб карда шавад. Пешниҳоди мазкур аз тарафи иштирокчиён қабул ва тасдиқ карда шуд.

Аз рӯи масъалаи сеюм раиси ташкилоти ибтидоии номбурда суханронӣ намуда номзадии якчанд нафар аъзоёни фаъоли ташкилотро ҳамчун вакил ба Конфренсияи 24-уми ҲХДТ дар шаҳри Конибодом пешниҳод намуданд. Аз рӯи масъалаҳои дар рузнома буда маҷлис қарорҳои дахлдор қабул намуд.

Дар фарҷом раиси КИ ҲХДТ дар шаҳри Конибодом Бобоҷонзода Азимҷон Тоир баромад намуда, оид ба вазъи геопалитикӣ, сиёсиву иҷтимоӣ ақидарониҳо намуда, барои пешрафти ҷомеа, баланд бардоштани нуфузи ҲХДТ, тарбияи ҷавонон дар руҳияи ватандӯстӣ ва беҳтар намудани фаъолият пешниҳоду дастурҳои методӣ доданд ва ҳамчунин ба якчанд нафар аъзоёни фаъол бо Сипосномаи Кумитаи иҷроияи ҲХДТ дар шаҳри Конибодом сарфароз гардонида шуданд.