Рубрики
Асосӣ

ХУҶАНД: Мусобиқаи варзишии «каратэ – до»

Дар доираи чорабиниҳои Аксияи ҷумҳуриявии “Албом-Эстафета” бахшида ба 30-солагии Иҷлосияи ХVI Шӯрои Олии Ҷумҳурии Тоҷикистон ва таҷлили Рӯзи шаҳри Хуҷанд мусобиқаи варзишии каратэ – до WKF байни кӯдакон, наврасон ва ҷавонон дар варзишгоҳи Мактаби болаёқати шаҳри Хуҷанд баргузор гардид.

Дар мусобиқаи мазкур Раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Бахтиёр Исматҷонов, мудири шуъбаи ҷавонони Кумитаи иҷроияи Ҳизби Халқии Демократии Тоҷикистон дар вилояти Суғд Мирмуллоев Назирҷон, мудири шуъбаи кор бо ҷавонон ва варзиши шаҳри Хуҷанд Абдувосид Ғафуров, устодон ва собиқадорони соҳаи варзиш иштирок доштанд.

Чорабинии варзишӣ дар ҳамкорӣ бо бахши ҷавонон ва варзиши Мақомоти иҷроияи ҳокимияти давлатии шаҳри Хуҷанд ташкил ва гузаронида шуд, ки мақсад аз он ҷалби наврасону ҷавонон ба соҳаи варзиш, баланд бардоштани ҳуввияти миллӣ, пешгири намудани ҳаргуна корҳои ношоям байни ҷавонон буда, ба ин васила бедор кардани ҳисси ватандӯстӣ дар қалби онҳо мебошад.

Рубрики
Асосӣ

Конференсияи XXVIII ҳисоботӣ – интихоботии ҲХДТ дар шаҳри Хуҷанд

Дар толори Муассисаи давлатии Кохи фарҳангии «Суғдиён»- и шаҳри Хуҷанд Конференсияи XXVIII ҳисоботӣ – интихоботии Ҳизби Халқии Демократии Тоҷикистон дар шаҳри Хуҷанд бо иштироки Раиси Ҳизби Халқии Демократии Тоҷикистон дар вилояти Суғд Исмоилзода Зуфар Муртазохон ва раиси шаҳри Хуҷанд Фирдавс Шарифзода баргузор гардид.

Коференсияро раиси Кумитаи иҷроияи ҲХДТ дар шаҳри Хуҷанд Маликисломӣ Наим Мунаввар ифтитоҳ намуд ва ҳайати раёсати кории  Конференсия, комиссияи мандатӣ, котибот, комиссияи таҳририяро барои тасдиқ пешниҳод кард ва он аз ҷониби вакилон якдилона қабул гардид.

 Дар Конференсия ҳисоботи Кумитаи иҷроияи ҲХДТ дар шаҳри Хуҷанд оид ба ҷамъбасти натиҷаҳои фаъолият аз моҳи ноябри соли 2019 то моҳи июли соли 2022 ва вазифаҳо барои фаъолияти минбаъда, ҳисоботи комиссияи тафтишотии Кумитаи иҷроияи ҲХДТ дар шаҳри Хуҷанд оид ба ҷамъбасти натиҷаҳои фаъолияти молиявӣ аз моҳи ноябри соли 2019 то моҳи июли соли 2022 шунида шуда, масъалаи интихоби аъзои Кумитаи иҷроияи ҲХДТ дар шаҳри Хуҷанд, интихоби аъзои комиссияи тафтишотии ҲХДТ дар шаҳри Хуҷанд, интихоби сармуҳарири нашрияи «Шафақ»-и Кумитаи иҷроияи ҲХДТ дар шаҳри Хуҷанд ва интихоби вакилон ба Конференсияи 15-уми ҳисоботӣ – интихоботии ҲХДТ дар вилояти Суғд мавриди баррасӣ қарор дода шуд.

Раиси Кумитаи иҷроияи ҲХДТ дар шаҳри Хуҷанд Маликисломӣ Наим Мунаввар оид ба фаъолияти  Кумитаи иҷроияи ҲХДТ дар шаҳри Хуҷанд  аз моҳи ноябри соли 2019 то моҳи июли соли 2022 ва вазифаҳо барои фаъолияти минбаъда дар назди ҳозирин ҳисобот дода, афзуд, ки  дар давраи ҳисоботӣ 17 ташкилотҳои ибтидоӣ таъсис дода шуда, он аз 232 ба 249 адад расонида шуд.  Дар ин давра теъдоди афзоиши аъзои ҳизб 3 ҳазору 794 нафарро дарбар мегирад. Айни замон шумораи аъзои ҳизб дар шаҳри Хуҷанд 20 ҳазору 45 нафарро ташкил медиҳад, ки аз инҳо 12 ҳазору 674 нафар занон ва 8 ҳазору 601 нафар ҷавонон мебошанд. Аз шумораи умумии аъзои ҳизб 9 ҳазору 671 нафар дорои маълумоти олӣ, 4 ҳазору 913 нафар маълумоти олии нопурра, 3 ҳазору 152 нафар маълумоти миёнаи махсус, 2 ҳазору 309 нафар маълумоти миёна мебошанд. Боиси ифтихор аст, ки 744 нафар аъзоёни ҳизб соҳиби унвони илмӣ буда, 87 нафарро докторону профессорон, 657 нафарро номзадҳои илм ташкил медиҳанд.

Сипас, ҳисоботи комиссияи тафтишотии ҲХДТ дар шаҳри Хуҷанд раиси комиссияи тафтишотии кумиҷроияи шаҳрӣ Абдумавлон Азимов шунида шуд.

Ҳамчунин Усмонзода Аюб Ислом – ректори Муассисаи давлатии таълимии Донишгоҳи давлатии Хуҷанд ба номи академик Бобоҷон Ғафуров, раиси кумитаи иҷроияи ибтидоии «Бобоҷон Ғафуров», Садриддинов Манучеҳр Исломиддинович –директори филиали Донишгоҳи байналмилалии сайёҳӣ ва соҳибкории Тоҷикистон, раиси ташкилоти ибтидоии «Сайёҳи меҳанпараст», Усмонова Таҳмина Ҳасановна – директори Маркази назорати давлатии санитарию эпидемиологии вилояти Суғд, раиси ташкилоти ибтидоии «Беҳдошт», Иброҳимзода Азимҷон – вакили Маҷлиси вакилони халқи шаҳри Хуҷанд, вакил аз ташкилоти ибтидоии «Қорираҳмат Қурбонов”, Шарипова Шифоатхон – устоди Донишгоҳи давлатии ҳуқуқ, бизнес ва сиёсати Тоҷикистон, вакил аз кумитаи иҷроияи ибтидоии «Сомон”, Исоев Эҳсонҷон Маҳмудҷонович –  мудири шуъбаи кор бо ҷавонони кумиҷроия, вакил аз ташкилоти ибтидоии «Навбаҳор”,  Раҷабов Муродҷон – мудири шуъбаи кор бо маҳаллаҳои МИҲД-и шаҳри Хуҷанд, вакил аз ташкилоти ибтидоии «Мевағул», Абдуқаҳҳорзода Таҳмина – мудири бахши фарҳанги Мақомоти иҷроияи ҳокимияти давлатии шаҳри Хуҷанд, вакил аз ташкилоти ибтидоии «1-Май» ба муҳокимаи масъалаҳо баромад намуда, фаъолияти дунимсолаи КИ ҲХДТ дар шаҳри Хуҷандро қатоатбахш арзёбӣ карданд.

Зикр гардид, ки ҳизбиён дар тарғиби Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоқикистон муҳтарам Эмомалӣ Раҳмон пешгирии падидаҳои номатлуб, хизмати содиқона ба Ватан – модар, ҳимояи марзу буми кишвар, дар руҳияи  меҳнатдӯстӣ ва меҳанпарастӣ ҳидоят намудани ҷавонон ва насли наврас ҳиссаи арзандаи хешро доранд.

 Раиси Кумитаи иҷроияи ҲХДТ дар вилояти Суғд Исмоилзода Зуфар Муртазохон зимни суханронии хеш таъкид кард, ки ҲХДТ  суботи сиёсии  кишвар ва дастовардҳои замони соҳибистиқлолиро асоси иродаи озодии мардум ҳисобида, барои пойдории сулҳу ваҳдати миллӣ, рушду нумӯи иқтисодиёти давлат, пешрафту тараққиёт ва тарбияи қадрҳои ҷавон дар давлатдории миллӣ, илму маориф ва фарҳанг ҳамеша талош дорад. Инунин вазифаҳоро барои фаъолияти минбаъдаи КИ ҲХДТ дар шаҳри Хуҷанд ва аҳли аъзоёни ҳизб баён кард.

Фирдавс Шарифзода Раиси шаҳри Хуҷанд, вакил аз Мақомоти иҷроияи ҳокимияти давлатии шаҳр баромад намуда, қайд кард, ки фаъолияти кумиҷроияи шаҳрии ҳизб ба таври шаффоф дар сомонаҳои мақомоти иҷроияи ҳокимияти давлатии шаҳри Хуҷанд, Кумитаи иҷроияи ҲХДТ дар вилояти Суғд, кумиҷроияи шаҳрӣ ва дар нашрияи “Шафақ” мунтазам нашр мешаванд. Гузашта аз ин, мо аз иқдомҳои кумиҷроияи шаҳрӣ дар мавриди баргузории чандин конфронсу ҳамоишҳо сидқан дастгирӣ менамоем. Махсусан, баргузории конференсия марбут ба даҳсолаи  оби тоза ва ҳадафҳои стратегии кишвар ҷомеаи моро ҳушдор дод, ки ба қадри дастовардҳои даврони соҳибистиқлолӣ расем.

Аммо бо вуҷуди фаъолияти самарабахши кумиҷроияи шаҳрӣ тавре аз маърӯзаи раиси кумиҷроия бар меояд, ҳанӯз кор дар самти ҷалби аъзо ва  иштироки ҳизбиён дар чорабиниҳои ҳизбӣ дар соҳаҳои савдо, бонк, сохтмон, саноат тақвият мехоҳад. 

Моро мебояд, ки ҷалби аъзоро аз ҳисоби ҷавонон бештар намуда, фаъолияти ташкилоти ҷамъиятии ҷавон “Созандагони Ватан”-ро тақвият бахшем. Онҳо бояд ба мактаби камолоти ҷавонон ва тарбияи кадрҳои арзандаи ҳизбӣ табдил дода шаванд. Зеро Ҳизби Халқии Демократии Тоҷикистон ҷавононро нерӯи созанда, боэътимод ва сармояи пойдори инсонӣ мешуморад ва ба онҳо такя мекунад.

Дар идомаи кори Конференсияи XXVIII ҳисоботӣ – интихоботии ҲХДТ дар шаҳри Хуҷанд ҳайати комиссияи тафтишотӣ иборат аз 3 нафар ва вакилон ба конференсияи вилоятӣ 72 нафар интихоб шуданд.

Маликисломӣ Наим Мунаввар бинобар ба вазифаи дигар гузаштан аз вазифаи раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд озод карда шуд ва  Бахтиёр Исматҷонов раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд интихоб гардид.

Дар охир дар вазъияти тантанавӣ якчанд нафар бо медали ҷашнӣ, Сипосномаи Кумитаи Иҷроияи Марказии ҲХДТ, Кумитаи иҷроияи ҲХДТ дар вилояти Суғд ва шаҳри Хуҷанд ва мақомоти иҷроияи ҳокимияти давлатии шаҳр қадршиносӣ гардиданд. Ҳамзамон ба 5 нафар аъзоҳои навинтихобгардида шаҳодатномаи ҳизбӣ супорида шуд.

Бо ҳамин Конференсияи XXVIII ҳисоботӣ – интихоботии ҲХДТ дар шаҳри Хуҷанд ҷамъбаст гардид.

Рубрики
Асосӣ

ХУҶАНД: Аёдати бепаноҳмондагон

Бахшида ба иди сайиди Қурбон вакили Маҷлиси намояндагони Маҷлиси Олии Ҷумҳурии Тоҷикистон Назирӣ Гулбаҳор Назир ва раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Наим Маликисломӣ  бошандагони хонапарваришгоҳи  шаҳри Хуҷандро аёдат намуданд.

Рубрики
Асосӣ

ХУҶАНД: Маҷлиси ҳисоботӣ – интихоботии ташкилоти ибтидоии “Дурахшон ”

         Аз рӯйи нақшаи тасдиқнамудаи Кумитаи иҷроияи ҲХДТ дар шаҳри Хуҷанд оид ба гузаронидани маҷлиси ҳисоботӣ – интихоботӣ дар ташкилотҳои ибтидоӣ ин навбат дар ташкилоти ибтидоии “Дурахшон” барпо гардид.

Дар кори он намоянда аз Кумитаи иҷроияи ҲХДТ дар шаҳри Хуҷанд мудири бахши омори кумиҷроия Бахтиёрзода Баҳодурхон, аъзоёни раёсат ва пешсафони ҳизб иштирок доштанд.

Раиси ташкилоти ибтидоии номбурда Мадмаров Лутфулло  маҷлисро ифтитоҳ намуда, оид ба фаъолият ва бурду бохти  ташкилоти ибтидоии “Дурахшон” дар назди ҳозирин маълумот дод ва вазифаҳо дар фаъолияти босамари минбаъда пешниҳод кард.

Дар рафти маҷлис яке аз аъзои фаъоли ҳизб ба музокира баромада, якчанд пешниҳоду дарсхостҳо қабул карда шуд, ки он пешниҳодҳо саривақтӣ буда, аз тарафи раёсат низ дастгирӣ гардид ва барои амалишавии  он  дар оянда чораҳои зарурӣ дида мешавад.

Бо ҳамин маҷлиси ҳисоботӣ – интихоботӣ хуб арзёбӣ гардида, ба кори худ хотима бахшид.

Рубрики
Асосӣ

ХУҶАНД: Маҷлиси ҳисоботӣ – интихоботии ташкилоти ибтидоии “Бозомӯз” баргузор шуд.

Дар ташкилоти ибтидоии “Бозомӯз” мачлиси хисоботӣ- интихоботӣ доир гардид. Дар маҷлиси мазкур  Раиси Кумитаи иҷроияи ҲХДТ дар шаҳри Хуҷанд Маликисломӣ Наим Мунаввар иштирок дошт.

Раиси ташкилоти ибтидоии номбурда Исомаддинзода Муҳаммад Эргаш маҷлисро ифтитоҳ намуда, оид ба фаъолият ва бурду бохти  ташкилоти ибтидоии “Бозомӯз” дар назди ҳозирин маълумот дод ва вазифаҳо дар фаъолияти босамари минбаъдаро пешниҳод кард.

Баъд аз шунидани хисобот ду нафар фаъолон ба музокира баромада, фаъолияти ташкилоти ибтидоиро каноатбахш хисобиданд.

Раиси Кумитаи иҷроияи ҲХДТ дар шаҳри Хуҷанд зимни баромади хеш иброз намуд, ки ташкилоти ибтидои асоси ҳизб буда, дар амали намудани ҳадафҳои созандаи ҳизб саҳми муносиб доранд. Аз ҷониби Раиси кумиҷроияи вилояти таъкид ба амал оварда шуд, ки дар шароити имрӯза бояд хар як аъзои ҲХДТ зиракии сиёсиро аз даст надода, барои нигаҳдории сулҳу суббот кушиш ба харҷ диҳанд.

Дар ҷараёни маҷлис масъалаи қабули нақшаи кории ташкилоти ибтидои барои нимсолаи дуюми соли 2022, интихоботи раиси ташкилот, интихоби вакил ба Конференсияи шаҳри ҳизб мавриди барраси карор дода шуд.

Дар охир якчанд нафар фаъолон бо Сипоснома ва тухфаи кумиҷроияи шаҳрӣ кадрдони гардиданд

Рубрики
Асосӣ

ХУҶАНД: Маҷлиси ҳисоботӣ – интихоботии ташкилоти ибтидоии “Хонаи пиронсолон”

 Тибқи нақшаи тасдиқнамудаи Кумитаи иҷроияи ҲХДТ дар шаҳри Хуҷанд оид ба гузаронидани маҷлиси ҳисоботӣ – интихоботӣ дар ташкилотҳои ибтидоӣ ин навбат дар ташкилоти ибтидоии “Хонаи пиронсолон”  барпо гардид.

Дар кори он намоянда аз  Кумитаи иҷроияи ҲХДТ дар шаҳри Хуҷанд мудири бахши умумӣ ва назорати кумиҷроияи шаҳр Якубов Абдумуталиб, мутахассиси шуъбаи таблиғоти КИ ҲХДТ дар вилояти Суғд Ёсуман Ахмедова ва аъзоёни раёсат ва пешсафони ҳизб иштирок доштанд.

Раиси ташкилоти ибтидоии номбурда Зуҳуров Абдуазиз маҷлисро ифтитоҳ намуда, оид ба фаъолият ва бурду бохти яксолаи ташкилоти ибтидоии “Хонаи пиронсолон” дар назди ҳозирин маълумот дод ва вазифаҳо дар фаъолияти босамари минбаъда пешниҳод кард.

Дар рафти маҷлис яке аз аъзои фаъоли ҳизб ба музокира баромада, якчанд пешниҳоду дарсхостҳо қабул карда шуд, ки он саривақтӣ буда, аз тарафи раёсат низ дастгирӣ гардид ва барои амалишавии  он  дар оянда чораҳои зарурӣ дида мешавад.

Бо ҳамин маҷлиси ҳисоботӣ – интихоботӣ хуб арзёбӣ гардида, ба кори худ хотима бахшид.

Рубрики
Асосӣ

ХУҶАНД: Натиҷагирӣ аз фаъолияти шашмоҳаи Кумитаи иҷроияи ҲХДТ дар шаҳри Хуҷанд

Санаи 1-уми июли соли равон маҷлиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд баргузор гардид, ки дар кори он намоянда аз Кумитаи иҷроияи ҲХДТ дар вилояти Суғд роҳбари дастгоҳ, мудири шуъбаи ташкилӣ ва кор бо кадрҳои кумиҷроияи вилоятӣ Фирдавс Салимов, мудири бахши кор бо дин ва танзими ҷашну маросимҳои МИҲД-и шаҳри Хуҷанд Муҳсин Миркамолов, раиси Шӯрои собиқадорони ҲХДТ дар шаҳри Хуҷанд Абдуҳаким Шарипов, сардори Раёсати маорифи  вилояти Суғд Мадина Набизода, раисони кумитаҳои иҷроияи ибтидоӣ ва ташкилотҳои ибтидоӣ иштирок доштанд.

Ҷаласаро раиси Кумитаи иҷроияи ҲХДТ дар шаҳри Хуҷанд Маликисломӣ Наим Мунаввар ифтитоҳ намуда, бо рӯзномаи маҷлис хозиринро шинос кард ва оид ба фаъолияти шашмоҳаи кумиҷроияи шаҳри Хуҷанд ҳисобот дод. Мавсуф дар баромади хеш зикр дошт, ки ба сафи ҳизб ҷалб намудани шахсони арзанда ва бо ин васила пурқувват намудани мавқеи ҳизб дар ҷомеа яке аз масъалаҳои муҳими фаъолияти ҳизбӣ ба ҳисоб меравад, ки дар ин самт масъулини кумиҷроия ва ташкилотҳои ибтидоӣ корҳои амалиро ба сомон расонидаанд. Дар натиҷаи фаъолияти босамар дар ин самт давоми шаш моҳи аввали соли равон 1150 нафар аъзо ба сафи ҳизб дохил шуданд, ки имрӯз шумораи ҳизбиёни шаҳри Хуҷанд ба 20 ҳазору 45 нафар расида, аз ин шумора 12 ҳазору 674 нафарро занон ва 8 ҳазору 503 нафарро ҷавонон ташкил медиҳанд.                                                           Дар ин давра 3 ташкилоти ибтидоии ҳизбӣ таъсис ёфт, ки айни ҳол шумораи ташкилотҳои ибтидоӣ ба 249 адад расид.

Се маротиба давоми моҳҳои май ва июни соли 2022 семинари дастурдиҳӣ оид ба баргузории маъракаи ҳисоботӣ – интихоботӣ дар моҳҳои июн ва июли соли равон  барои раисони ташкилотҳои ибтидоии ҳизбӣ  гузаронида шуд, ки дар онҳо раисон ва масъулини ҳамаи 248 ташкилотҳои ибтидоӣ иштирок намуда, дастурҳо гирифтанд.

Кумиҷроия ҳамасола тибқи нақшаи кории худ ҷиҳати ташкил ва баргузор намудани чорабиниҳои сиёсӣ, оммавӣ ва фарҳангӣ корҳои назаррасро ба сомон мерасонад. Давоми моҳҳои сипаришудаи соли 2022 низ як қатор чорабиниҳо дар ташкилотҳои ибтидоӣ, муассисаву корхонаҳо ва кумитаи маҳаллаҳои шаҳр роҳандозӣ гардиданд.

Сипас, аз рӯи масъалаи дуюми рӯзнома бо ҷонибдории аъзои кумиҷроия Конфренсияи ҳисоботӣ – интихоботии ҲХДТ дар шҳри Хуҷанд санаи 20 –уми июли соли равон даъват гардида, қарори дахлдор қабул шуд.

Аз рӯйи масъалаи сеюми рӯзномаи маҷлис оид ба пешбарии номзад ба вакили Маҷлиси вакилони халқи шаҳри Хуҷанд аз ҳавзаи интихоботии “Чорчароғ” №10 ба ҷойи вакили хориҷшуда, номзад аз ҳисоби аъзо ҲХДТ, Боқизода Бахтиёр Маҳмуд пешбарӣ карда шуд.

Бо ҳамин ҷаласаи васеи Кумитаи иҷроияи ҲХДТ дар шаҳри Хуҷанд анҷом ёфт.

Рубрики
Асосӣ

ХУҶАНД: Идомаи маҷлиси ҳисоботӣ – интихоботии ташкилоти ибтидоӣ

Ин навбат аз рӯйи нақшаи тасдиқнамудаи Кумитаи иҷроияи Ҳизби Халқии Демократии Тоҷикистон дар шаҳри Хуҷанд оид ба гузаронидани маҷлиси ҳисоботӣ – интихоботӣ дар ташкилотҳои ибтидоии “Пӯлод Атаев” баргузор гардид, ки дар кори он намоянда аз Кумитаи иҷроияи Ҳизби Халқии Демократии Тоҷикистон дар шаҳри Хуҷанд  мудири бахши омор Бахтиёрзода Баҳодурхон иштирок ва баромад карда, фаъолияти ташкилоти ибтидоиро хуб арзёбӣ кард.

Рубрики
Асосӣ

                          ХУҶАНД: Ваҳдати миллӣ -омили саодати миллат

  Сулҳу якдигарфаҳмӣ  ва толиби осоиштагӣ будан мароми мардуми  Тоҷикистон аст. Ваҳдат ба ҳам  омадан, сар аз як гиребон  баровардан, ҳамдигарфаҳму поктинату миллатдўст будан  аст. Ваҳдат  беҳтарин неъмат, орзуву армон, таҳкими давлат, наҷоти  миллат, рушди тоҷикон, нумўи  даврон, ҳастии инсон дар ҳар давру замон аст.

       Сулҳу ваҳдати Тоҷикистон  намунаи сулҳофарӣ дар ҷаҳон гашт ва мавқею  мақоми давлатамонро дар миқёси ҷаҳон  устувор намуд. Имрўз таҷрибаи  сулҳи  тоҷикон, иттифоқ ва ҳамдилии халқи  тоҷик мавриди омўзиши Созмони Милали Муттаҳид ва бисёр ташкилотҳои олам гардидааст. Худшиносӣ  ва худогоҳии миллӣ гўё пандест аз гузаштаи дуру перафти имрўзаи маънавиёти кишвар. Танҳо бо роҳи ваҳдат, якдигарфаҳмӣ  истиқлолияти давлатии кишварро  муҳофизату пойдор ва ягонагии мардумро побарҷо нигоҳ дошта метавонем. Танҳо дар сурати  ваҳдати комилу якдилӣ  душвориҳо  ва монеаҳо  паси сар мешаванд, рўзгори мардум рў ба беҳбуд меорад, кишвари азизамон ба шоҳроҳи  пешрафту тараққиёт ворид мегардад. Асосгузори сулҳу ваҳдати миллӣ – Пешвои миллат, Президенти мамлакат Эмомалӣ Раҳмон дар суханрониҳояшон изҳор доштаанд, ки «ҳар касе ниҳоле сабзонда  бошанд, медонад. Дарахт соле як маротиба ҳосил медиҳад. Аммо ниҳоле низ ҳаст, ки ҳамеша  меваи ширин ба бор меорад.  Онро ниҳоли Ваҳдат меноманд. Мо ин меваи ширину  парвардаамонро чашидем, ҷомеаи мо аз он баҳравар гардид, мо  ҳаргиз роҳ намедиҳем, ки дигар теша ба решаи  он расад». Он дарахте, ки Президентамон ба  сулҳу ваҳдат ташбеҳ  додаанд, имрўз самар  оварда истодааст,  ки бо он мо тоҷикон фахр мекунем.

        Дар воқеъ, Ваҳдати миллӣ мояи шукуфоии Ватан аст, зеро дар давлате, ки сулҳу амонӣ ва дўстӣ ҳукмфармост, он давлат рўз аз рўз гулгул мешукуфад, иқтисодиёташ тадриҷан тараққӣ мекунад, ҳам аз ҷиҳати сиёсӣ ва ҳам аз ҷиҳати фарҳангӣ пеш меравад.

        Маҳз бо кўшишҳои  пайгиронаи Президенти кишвар Эмомалӣ Раҳмон  миллати парешони мо  сарҷамъ омад.  Мамлакат обод шуд, пеш рафт. Дар чеҳраи ҳар  фарзанди тоҷику  тоҷикистонӣ нишоту хурсандӣ падидор  гашт.

Ба имзо расидани Созишномаи умумии сулҳ ва ҷаҳду талоши сарвари давлатамон Пешвои миллат Эмомалӣ имконият фароҳам овард, ки тарафҳои ба ҳам муқобил сарҷамъ гарданд, зиёда аз як миллион фирориёни тоҷик ба Ватан баргардонида шаванд,сохтмони роҳу нақбҳои мошингард, нерӯгоҳҳои хурду бузурги барқи обӣ, мактабу муассисаҳои тандурустӣ, корхонаҳои гуногун роҳандозӣ гардад ва ғайра. Имрӯзҳо маҳз бо шарофати ба имзо расидани Созишномаи умумии сулҳ дар ҷомеаи мо ваҳдати комил, ифтихори солими миллӣ, ҳамкории нерӯҳои сиёсию ҷамъиятӣ баҳри амнияти Ватан ва ободии кишвар ҳукмфармо гаштааст. Ин нуктаҳоро худи сарвари давлатамон, Пешвои миллат, Президенти кишвар Эмомалӣ Раҳмон чунин маънидод кардааст: «Санади тақдирсози сулҳ рамзи воқеии баҳамоиву сарҷамъии миллат, рамзи иттиҳоду ягонагии мардум, рамзи пирӯзии ақлу заковати солим ва тантанаи сулҳу субот дар саросари кишвар гардида, моро ба кохи бегазандиваҳдати миллӣ расонид ва роҳи ояндаро ба сӯи татбиқи нақшаҳои бузурги созандагӣ ва ҳадафҳои наҷиби бунёдкорӣ оғоз кард».

Сарвари давлатамон дар мавриди таҳкими Ваҳдати милли сухан ронда таъкид намудаанд, ки «Ҳамин хиради азалӣ ва фарҳанги сулҳофари миллати шарафманди тоҷик буд, ки баъди ҳазор сол мо имкон пайдо намудем, то ба ҷомеаи башарӣ бо асолату ҳувияти миллии худ ворид гардем ва дар он мақоми шоиставу сазовори худро соҳиб шуда, манфиатҳои миллиамонро ҳимоя намоем. Мо бояд ин имконияти дар ҳақиқат таърихиро бисёр масъулона ва басо оқилона истифода намуда, истиқлоли Ватан, ягонагӣ ва ваҳдати миллиро таҳкими ҳамаҷониба бахшем».

Ин нуктаи назари Савари давлат бар он далолат мекунад, ки имрӯз ҳар як шаҳрванди худшиносу худогоҳ, ватандӯсту ватанпарвар ваҳдати миллиро ваҳдати миллиро чун гавҳари бебаҳо ва дастоварди ниҳояд азиз ҳифз намояд ва онро дар баробари дигар муқаддасоти миллиамон пос ва гиромӣ дорад.

дар давоми 30-соли Истиқлолият ва ба даст овардани ваҳдати миллӣ дар ҷодаи худшиносӣ ва худогоҳии миллӣ бо назардошти дастовардҳои маънавию руҳонии ниёгонамон дар кишвар воқеаҳои фараҳбахш ва таърихӣ рӯи кор омаданд, ки онҳо низ саҳифаи бобаракати таърихи Тоҷикистони соҳибистиқлолро музайян менамояд.

Дар ин ҷода таҷлили ҷашнҳои бузурги умумимиллӣ, аз қабили ҳазораи «Шоҳнома»-и безаволи Ҳаким Фирдавсӣ, 675-солагии ѓазалсарои бузург Камоли Хуҷандӣ, 680-солагии олим, шоир ва мутафаккири барҷастаи Шарқ Мирсаид Алии Ҳамадонӣ, 1100-солагии давлати Сомониён, 2700-солагии китоби муқаддаси Авасто, 2500-солагии шаҳри Истаравшан, 1000-солагии Носири Хусрав, 1025-солагии Абӯали ибни Сино, 2700-солагии шаҳри бостонии Кӯлоб, Соли бузургдошти тамаддуни Ориёӣ, 800-солагии Мавлоно Ҷалолуддини Румӣ, 1150-солагии Абӯабдуллоҳи Рӯдакӣ, Соли бузургдошти забони тоҷикӣ ва 1310-солагии пешвои мазҳабии миллати мо – Имом Абӯҳанифа (р), 3000-солагии Ҳисори Шодмон, Соли маориф ва фарҳанги техникӣ, Душанбе-пойтахти фарҳанги исломӣ ва дигар чорабиниҳои сиёсию илмӣ, маърифатию фарҳангӣ, ки маҳсули ибтикор ва раҳнамоии Эмомалӣ Раҳмон мебошад, зуҳуроти раванди пурвусъати бозҷӯии асолати миллӣ маҳсуб мешаванд. Таҷлили ҳар яке аз ҷашнҳо ҳадафи маърифати беҳтару хубтари таърих, эҳёи анъанаву арзишҳои волои фарҳангу тамаддуни миллӣ ва бад-ин васила таҳкими раванди худшиносии милливу таърихӣ ва ободону маъмур намудани диёрамонро дар пай дошт. Ба иборати дигар ин чорабиниҳои бузург ба ваҳдатимилли тоҷикон таҳким бахшид ва бори дигар собит сохт, ки мардуми мо аз азал дар сиришти хеш мароми ваҳдат ва ҷавҳари сулҳофариниро мепарварад ва дар таърих ҳамчун халқи сулҳҷӯ ва ваҳдатофарин шӯҳрат пайдо кардааст.

Имрӯзҳо дастовардҳои сулҳи тоҷикон, ваҳдати комили миллӣ дар маводҳои чопию электронӣ бо теъдоди зиёда 1,5 ҳазор адад ба табъ расидааст. Дар онҳо олимон, коршиносони ватанию хориҷӣ, донишмандону аҳли адаб афкор ва андешаҳои худро иброз намудаанд. Аз чоп баромадани силсилаи китобҳо таҳти унвони ягонаи «Ваҳдат, давлат, Президент» дар 10 ҷилд, китобҳо ва маҷмӯаҳои илмии «Назария ва методологияи Ваҳдати миллӣ», «Аҳдномаи ризоияти ҷомеаи Тоҷикистон», «Таҷрибаи таърихии сулҳи Тоҷикистон», «Корвони сулҳу ваҳдат дар шоҳроҳи Ваҳдат», «Сулҳ, ризоият, ваҳдат», «Таронаҳои Ваҳдат», «Баёзи Ваҳдат», «Дорога к согласию», «Миростроительство в Таджикистане», «Политика мира и созидания» ва амсоли онҳобаҳри таҳқиқу баррасии ҷанбаҳои гуногуни масъалаҳо оид ба ваҳдати миллӣ дар Тоҷикистон ҳамаҷониба мусоидат менамоянд.

Хушбахтона бо дастгириҳои бевоситаи Пешвои миллат дар соҳаи тандурустӣ низ тайи чандин соли охир дастовардҳои зиёдеро метавон дид, ки ин низ меваи ваҳдат аст. Пеш аз ҳама омода намудани кадрҳои баландихтисос дар ин соҳа, ворид намудани техникаву техналогияҳои нави тиббиро метавон қайд намуд.

Сарвари давлат дар мавриди худогоҳии миллӣ яке аз паҳлӯҳои асосии онро дар ҳифзи меъроси миллӣ мебинад. Махсусан аз забони Пешвои миллат борҳо таъкид мешавад, ки набояд меъроси илмию фарҳангии мо парешон гардаду ба дасти бегонагон афтад. Зеро маҳз ин меъроси маънавӣ дар баланд шудани маънавиёти мардум нақш мебозад ва танҳо миллати соҳибмаърифату соҳибкитоб метавонад дар заминаи дурдонаҳои ниёгонашҷомеаро пайваста ба дӯстӣ иттифоқу ягонагӣ, ҳамзистӣ ва ҳусни тафоҳум даъват созад. Ин аст , ки халқи мо аз қадимулайём то имрӯз ҷудоиву тафриқаангезиро маҳкум менамояд, тавҳиду ягонагиро ситоиш месозад ва баҳри ноил шудан ба саодати ичтимоӣ кӯшиш мекунад. Аз ин ҷост, ки Сарвари давлат моҳият ва мафҳуми ваҳдати миллиро ҳамчун инъикосу ифодаи ҳамдигарфаҳмӣ ва ҳамзистии тамоми шаҳрвандон дар сатҳи кишвар муаррифӣ мекунанд ва чунин таҳавули мафҳум ваҳдати миллиро фарогиру устувор мегардонад ва имкон медиҳад, ки он ба ҳайси як унсури муҳимтарини худшиносии милӣ дар байни ҷомеа ҳар чӣ бештар густариш намояд. Ваҳдати миллӣ бемуҳобо маҳсули андешаи миллии мост, зеро маҳз андеша ва ҳувияти миллӣ мардуми моро водор сохт, ки сулҳу ваҳдатро барқарор намояд ва як порчагии марзу буми кишварро ҳифз созад.

    Дар воқеъ, Ваҳдати миллӣ мояи шукуфоии Ватан аст, зеро дар давлате, ки сулҳу амонӣ ва дўстӣ ҳукмфармост, он давлат рўз аз рўз гулгул мешукуфад, иқтисодиёташ тадриҷан тараққӣ мекунад, ҳам аз ҷиҳати сиёсӣ ва ҳам аз ҷиҳати фарҳангӣ пеш меравад.

        Чун  як фарзанди бонангу номус ва баори миллат бо сулҳу ваҳдати кишвари  азизам имрўз меболам ва бо ифтихор  метавонам гўям, ки пояи сулҳу осоиштагӣ дар ин сарзамини ҳамешабаҳор  маҳз бо талошу  заҳматҳои  шаборўзии  фарзонафарзанди миллат –Асосгузори  сулҳу Ваҳдати миллӣ, Пешвои миллат  муҳтарам Эмомалӣ Раҳмон ба ҳадди мустаҳкам  расидааст.

Худоизода Дониёри Шер

Раиси ташкилоти ибтидоии “Ҳамдилӣ” – и шаҳр и Хуҷанд

Рубрики
Асосӣ

Хуҷанд: Маҷлиси ҳисоботӣ-интихоботӣ

Дар идомаи баргузории маҷлисҳои ҳисоботӣ-интихоботии ташкилотҳои ибтидоии ҳизбии Кумитаи иҷроияи Ҳизби Халқии Демократии Тоҷикистон дар шаҳри Хуҷанд, нимаи аввали имрӯз маҷлиси ҳисоботӣ-интихоботии ташкилоти ибтидоии ҳизбии «Дармонбахш» баргузор гардид, ки дар кори он намояндаи Кумитаи иҷроияи  Ҳизби Халқии Демократии Тоҷикистон дар шаҳри Хуҷанд, муовини кумиҷроияи шаҳрӣ Муҳаббат Ӯрунбоева ва ширкат варзиданд.

Тибқи тартиби баргузории маҷлиси ҳисоботӣ-интихоботии ташкилоти ибтидоии ҳизбии « Дармонбахш», дар ҷараёни кори он ҳисоботи раиси ташкилоти ибтидоӣ дар давраи ҳисоботӣ шунида шуд.